Skip to main content

पुन्हा नव्याने...

लेखक मिसळलेला काव्यप्रेमी यांनी बुधवार, 13/04/2011 11:19 या दिवशी प्रकाशित केले.
प्रेरणा : हा प्रतिसाद पुन्हा नवा खेळ मांडूया पुन्हा अनोळखी होऊया पुन्हा नव्याने भेटूया चल पुन्हा नव्याने जगूया ओंगळ दु:खांना स्वछ पुसून गोजीर्‍या सुखांना गिरवूया जन्मांतरीचे आपले रेशमी नाते नवरंगाच्या धाग्यांनी सजवूया चल सखे................. सुंदर प्रेमाचे साजिरे रूप नव्याने एकवार लेवूया हुकलेल्या सार्‍या स्वप्नांना मनाच्या गाभार्‍यात रुजवूया चल सखे................... सोड आता हा समंजसपणा काही क्षण फिरून धुंद होवुया विसरुनी हा विरस शहाणपणा पुन्हा नव्याने कोवळे वेड पांघरुया |- मिसळलेला काव्यप्रेमी -| (१३/०४/२०११)
काव्यरस
शृंगार
लेखनविषय:
वाचने 3326
प्रतिक्रिया 19

प्रतिक्रिया

नगरीनिरंजन बुधवार, 13/04/2011 12:00
विसरुनी हा विरस शहाणपणा पुन्हा नव्याने कोवळे वेड पांघरुया या ओळी आवडल्या. दोन विचार: विरस च्या जागी निरस चांगलं वाटलं असतं का? ओळींमध्ये मात्रा कमीजास्त वाटतात. अवांतरः चलो एक बार फिरसे अजनबी बन जाये हम दोनो या गाण्याची आठवण झाली.

मेघवेडा बुधवार, 13/04/2011 18:43
चलो एक बार फिरसे अजनबी बन जाये हम दोनो या गाण्याची आठवण झाली.
हेच म्हणतो. छान कविता. विरस शब्द खटकतोच आहे पण.

चित्रा शुक्रवार, 15/04/2011 16:16
कविता आवडलीच. विरस ऐवजी वेगळा काही शब्द सुचला तर चांगले होईल याबाबतीत सहमत आहे.

निनाव बुधवार, 13/04/2011 13:16
खूपच छान!! ओंगळ दु:खांना स्वछ पुसून गोजीर्‍या सुखांना गिरवूया जन्मांतरीचे आपले रेशमी नाते नवरंगाच्या धाग्यांनी सजवूया हे फारच सुंदर जमले आहे. आवडलेच.

मिसळलेला काव्यप्रेमी गुरुवार, 14/04/2011 17:13
सगळ्यांचे खुप खुप धन्यवाद!!

पेस्तन काका मंगळवार, 22/10/2013 16:31
कविता हा आमचा प्रांत नाहि पण तुमच्या कविता वाचनिय असता :) परत एक अशीच सुंदर रचना