डासाचे गाणे

डासाची आई काळजीने विचारी, का रे माझ्या बाळा?
माणसांच्या कानाशी गुणगुणण्याचा, तुला का बरं कंटाळा?
डास म्हणाला, मी जेव्हा-जेव्हा, कानाशी गुणगुणतो
जो-तो फटके मारुन मला लांब लांब घालवतो
फुकट असूनही ऎकत नाही कोणीच माझं गाणं
लागेल ना अशाने माझ्या करियरला कायमचंच टाळं
ठरलं आता, डायरेक्ट गाठायचा सारेगमप चा सेट
सादर करायचं गाणं घेऊन मान्यवरांची भेट
भेट वगैरे ठीक आहे, पण जपायला सांगे आई
पल्लवीमुळे प्रेक्षक वाजवती सदानकदा टाळी