गेल्यावर्षी पाकचा ध्वज त्याच लाल चौकात फडकवला गेला या संदर्भातील तेहलका मधील लेख "वाचनीय" आहे.

शिल्पाताई, शेवटी आपणच गाढव ठरतो कारण या राज्यकर्त्यांना आपणच निवडून देतो. यावेळी शपथ घ्या कीं काँग्रेसला, सोनियाताईंना किवा राहुलबाळाला मते देणार नाहीं. मी तर तेवढ्यासाठी पुण्याला जाऊन विरोधी पक्षाला मत देईन!

काही भडकले की हे "चलो" ऐवजी "चलो वापस" करुन निघतील आणि काश्मिरी जनता बसेल भोगत दीर्घ परिणाम.

फक्त कश्मीरी जनता?

गविंशी सहमत. राजकारण नक्की कोण करत आहे हे समजून घेतले पाहिजे. उगाच डोके भडकावून घेण्यात काही अर्थ नाही. उगाच मारूतीच्या बेंबीत बोट घालून मग भुंगा चावला म्हणून ओरडण्यात काही अर्थ नाही. ओमर यांचे विधान परिस्थितीला धरून वाटते. माध्यमांनीही सबुरी दाखवली पाहिजे. - ओंकार.

भाजप ही मिलिटरी असती आणि होऊ शकणार्‍या सर्व परिणामांची जबाबदारी शेवटपर्यंत घेऊ शकत असती तर ठीक होते. पण काही भडकले की हे "चलो काश्मीर" ऐवजी "चलो वापस" करुन तातडीने घरी निघतील (मग ध्वजयात्रा वगैरे नाही..जे काय मिळेल ते वाहन..) आणि काश्मिरी जनता बसेल भोगत दीर्घ परिणाम. केवळ शांततेने आंदोलनाचे स्वरूप न देता कोणी झेंडावंदन करत असेल आणि त्याला विरोध झाला तर नक्कीच ते दुरित आहे. पण इथे उद्देश स्पष्ट आहे असं वाटतं. स्वराज, जेटली, अनंतकुमार यांना अटक http://www.esakal.com/esakal/20110125/4709043530602923099.htm श्रीनगर - भारतीय जनता पक्षाची "तिरंगा यात्रा' रोखण्यासाठी जम्मू-काश्‍मीर सरकारने कंबर कसली आहे. सर्व सीमा बंद करतानाच राज्याचे प्रवेशद्वार असलेल्या लखमापूरजवळ पोलिस आणि सुरक्षा दलांचा कडेकोट बंदोबस्त ठेवण्यात आला आहे. दिल्लीहून विमानाने आलेल्या भाजपच्या वरिष्ठ नेत्यांना सुरवातीला विमानतळावरच रोखण्यात आले. सायंकाळी उशिरा त्यांना अटक करण्यात आली. रेल्वेने दाखल झालेल्या महाराष्ट्रातील सुमारे अठराशे कार्यकर्त्यांना सक्तीने स्वगृही परत धाडण्यात आले. ------------------------------------------------------------------------------------------------------------------------- भाजप कार्यकर्त्यांना दाखविला परतीचा रस्ता http://www.esakal.com/esakal/20110123/4957367794433620389.htm पुणे - प्रजासत्ताक दिनी जम्मू येथील लाल चौकात तिरंगा यात्रेत सहभागी होण्यासाठी कर्नाटकातून निघालेले भाजप जनता युवा मार्चाचे कार्यकर्ते २३ बोगींची एक विशेष रेल्वे करून बंगळूरहून श्रीनगरकडे निघाले होते. मनमाडजवळ आल्यानंतर रात्री अडीच वाजता पोलिसांनी रेल्वे थांबविली आणि गाडीचे इंजिन बदलून व पोलिसांनी भरलेले दोन डबे गाडीला जोडून गाडीला परत बंगळुरला रवाना करण्यात आली. रात्री झोपेत असलेल्या कार्यकर्त्यांना पोलिसांनी या प्रकाराचा माहितीच होऊ दिली नाही. पोलीस, राज्य राखीव पोलीस दलाचे जवान (एसआरपीएफ) व रेल्वे पोलीस यांनी संयुक्तपणे ही कारवाई केली. यावेळी गाडीतील सर्व दिवे घालविण्यात आले, त्यानंतर पुढील इंजिन काढून मागच्या बाजूला बसविण्यात आले, शिवाय पोलीस जवानांनी भरलेले दोन डबे गाडीला जोडण्यात आले व गाडी परत बंगळुरूकडे रवाना करण्यात आली. . . . . प्रजासत्ताक दिनाच्या तिरंगा यात्रेसाठी इतर कोणत्याही राज्यातील कार्यकर्त्यांना प्रवेश दिला जाणार नाही, असे केंद्र सरकार व जम्मू-काश्मीर सरकारने जाहीर केले आहे. ------------------------------------------------------------------------------------------------------------------- दोन नमुने परिस्थीतीचे चित्रण दाखवायला पुरेसे असावेत.

असो, स्वातंत्र्यप्राप्तीनंतरही जवळपास तीन दशके ज्यांनी आपल्या नागपूरस्थित मुख्यालयावर कधिही तिरंगा फडकावला नाही, त्यांचे पितृत्व मानणार्‍यांकडून आणि जवळपास सहा वर्षे देशावर स्वतःचे सरकार असूनही कधीही श्रीनगरमध्ये तिरंगा फडकावण्याच्या गोष्टी न करणार्‍यांकडून, यापेक्षा दुसरी अपेक्षा नाही.

विजुभौंचा प्रतिसाद वाचण्यास उत्सुक आहे.

राजकारण्यांना द्या सोडून! आम्हाला काय देणं-घेणं आहे 'भाजपा'शी किंवा 'रास्वसं'शी? मी केवळ एक भारतीय या नात्याने ओमार यांच्या वक्तव्यावर खेद आणि शोक व्यक्त करीत आहे कारण त्यांचे विधान मला तरी समर्थनीय वाटत नाहीं. आपल्याच देशात झेंडा फडकवायची उदासीनता? मागच्या राज्यकर्त्यांनी काय केले त्यात कशाला जायचे? दुसरे म्हणजे मी असे वाचले आहे की त्याच लाल चौकात १४ ऑगस्टला पाकिस्तानचा झेंडा फडकतो. खरे आहे काय? (खरे-खोटे जरूर सांगावे) बाकी चालू द्या! (चालू आहेच!)

आपण असे विधान करताना ईतीहास विसरत असावेत किंवा आपणाला माहीत नसावा असे दिसते. आपणास डॉ.शामाप्रसाद मुखर्जी यांचे बद्दल काय माहिती हे सांगा. माहीत नसेल तर ती माहिती करून घ्या आणि मग परत आपला प्रतीसाद बघावा. आता अब्दुला पिता-पुत्रांबद्दल बोलु. जिकडे सरशी तीकडे पारशी असली यांची वृत्ती आहे. सत्तेत असल्याचीए तळी उचलायची आणि जम्मु काश्मीरमधे आपली पोळी भाजायची असले यांचे उद्योग. ह्यापेक्षा जास्त बोलायची जरूरी नाही.

काश्मीर मधली परिस्थिती आत्ता कुठे आटोक्यात येत आहे. परिस्थिती आटोक्यात नाहीये कधीच नव्हती. १९४८ मध्ये पाकिस्तान ने चढाई केली. पुढे ६५, ७१ चे युद्धाने पाकिस्तानला समजले की युद्धाने त्याची आर्थीक हानी जास्त होते. मग झिया उल हक चा फॉम्यला - अतिरेकी कारवाया करुन पोखरुन टाकायचा कट शिजला व त्याच कटा प्रमाणे सध्या पण चालले आहे. हिंदुना विस्थापित करुन तेथली डेमोग्राफी (मराठी शब्द आठवत नाही - महाराष्ट्राबाहेर राहण्याचे धोके) व्यवस्थीत पणे बदलली जात आहे. त्या मुळे कश्मिर शांत आहे व त्या शांतीत भंग होईल असे नाही. हा प्रश्न (खाजवुन खरुज काढायचा) अरुंधती रॉय व तत्सम लोकांना विचारला तर बरे होईल त्यांना तर कश्मिर सारखे वातावरण सगळ्या भारतात करायचे आहे. त्यांच्या विरुद्ध एकत्रीत आवाज उठवायची गरज आहे. त्यांना वाईट वाटेल म्हणुन ध्वजारोहण नको करायला म्हणजे किती हतबल पणा आहे. रक्त आटते, मन सुकते, आपल्या राष्ट्रात आपणच स्वस्त। त्यांच्या सांभाळा संवेदना, झाकुन आपल्या वेदना। वंदेमातरम् नको, गुरुला फाशी नको। समान कायदा नको, काश्मिरात पंडीत नको। तरीही तोंडे ह्यांची’, मक्के कडे सदाची।

आगीवर पाणी फवारतात की पेट्रोल ?

रथयात्रेतून उद्भवलेल्या दंगलींचे भावना भडकवणारे फोटो मी सुद्धा देऊ शकतो. पण ते सगळे पुन्हा घडायला हवे का? झेंडा फडकवायचा तर तिथे जा आणि फडकवा. देशभर वातावरण तापवत तिथे जायची काय गरज आहे? भाजपा सरळ सरळ लोकांच्या भावनांना हात घालून त्यांना *त्या बनवत आहे आणि आपण बनतो आहोत. राजकारण्यांचा सत्तेच खेळ होतो, आणि मधल्यामधे *ड आपली लागते.

सन्पादकाना विनती आहे, की हा फोटो ईथून काढावा.

थत्ते यांच्याशी सहमत. भाजपा इतक्या खालच्या थराला जाणार याची खात्रीच होती

गिलानी ला ज्या प्रकारे आपले सरकार हाताळत आहे .व सध्या झालेल्या काश्मिरातील हिंसाचारामुळे तेथील भूभाग हा केवळ लष्कराच्या उपस्थितीमुळे भारतात टिकून आहे .सामान्य लोक वॉर ऑफ डिस इन्फोर्मेशन ची बळी पडत आहेत .त्यामुळे आंतरराष्ट्रीय स्तरावर काश्मीर प्रश्नाला गाझा प्रश्नाची जोडण्याचे पर्यंत पाकडे करत आहेत. बेरोजगारी व सतत सीमेपार होणारे हिरवे ब्रेन वॉश ह्यामुळे काश्मीर तरुण हा हिंसक होऊ लागला आहे .पाकिस्तानमधील अराजकता पाहून त्यांना पाकिस्तान व भारतात न येत स्वताचे स्वतंत्र अस्तित्व हवे आहे .हि भावना तेथे प्रबळ होऊ नये ह्यासाठी लष्कराचा विशेष अधिकार काढून घेणे हा उपाय अनेक विचारवंत सांगत असले तरी तो भारताच्या दृष्टीने धोकादायक आहे . एक साधे उदाहरण वेस्ट बेंक च्या पट्यात ज्यू लोकांच्या वसाहती उभारणी नुकतीच सुरु झाली .ओबामा ह्यांनी हे कृत्य शांती प्रकियेवर बोला फिरवू शकेन असे म्हणून ह्याला विरोध दाखवला तरीही वसाहत बांधण्याचे काम काही थांबले नाही .जग आपली भूमिका काश्मिरात नक्की काय आहे ह्यावरून स्वताची भूमिका सोयीनुसार ठरवणार ( आपले विचारवंत अचानक उगाच नाही काश्मीर प्रश्नी तेथे जाऊन उगाच वक्तव्ये करत आहेत .) ह्या निम्मिताने वेस्टन वल्ड मधील थिंक टेंक भारतीय जनमानसाचा कानोसा घेत आहे. कि भारतीय जनतेत काश्मीर विषयी नक्की काय भूमिका आहे . भारताला जगाशी व्यापार हवा आहे पण त्यासाठी काश्मीर प्रसंगी तडजोड मान्य नाही हे जगाला विशेतः अमेरिकेला दाखवून देणे आपल्याला भाग आहे . इराणशी दिवसेन दिवस आपले संबंध खराब होण्यामागे अमेरिका आहे हे कुणीही सांगेन , नुकतेच आपल्या एकूण तेल पुरवठ्या पैकी १४ % इराण आपल्याला पुरवते जो पुरवठा शाश्वत आहे दीर्घकाळापासून . पण रिझर्व बेन्केने चलनाची जाचक अट समोर आणली आहे जेने करून हा पुरवठा धोक्यात आला आहे .नुकतेच युन मध्ये इराणविरुद्ध आपण मत दिले आहे अमेरिकेशी सहकार्य आवश्यक आहे पण त्यांचे बाहुले बनणे अजिबात योग्य ठरणार नाही .म्हणूनच त्यांना व जगाला काश्मिरात कोणत्याही परीस्थित तडजोड नाही हे विविध सिंबोलिक कृतीतून दाखवणे आवश्यक आहे . तू नळीवर इंडिया व काश्मीर २०१० एवढे तैप करा नि मग आपल्या विरुध्ध विखारी प्रचार तुम्हाला कळून येईन

भाजपाने रामजन्मभूमीसारख्या मुद्द्याचे राजकारण करून स्वत:च्या स्वार्थासाठी वापरल्यानंतर त्यांच्या प्रत्येक कृतीविषयी शंका उत्पन्न होतेच. काश्मीरात तिरंगा फडकावायचा ही कृती त्यातीलच एक.काश्मीरात झेंडा फडकाविण्याच्या निमित्ताने पाकिस्तान कशी चिथावणी देत आहे, हुरियतचे नेते कसे हलकट आहेत आणि भारतात राहण्यातच जनतेचे कसे हित आहे हे काश्मीरातील लोकांना परत एकदा सांगणे हा भाजपचा उद्देश नाही हे कोणीही सांगू शकेल.श्रीनगरच्या मार्गावर त्यांच्यावर हल्ले झाले,काही शहरांमध्ये दंगली झाल्या आणि त्या कारणाने झेंडावंदनाला परवानगी नाकारली गेली तर त्याचे भांडवल करून गेलेला जनाधार परत मिळवायचा प्रयत्न करणे हाच त्यांचा प्रयत्न आहे हे न कळण्याइतकी भारतीय जनता दुधखुळी राहिली नाही.किंबहुना त्यांचा झेंडा फडकावायचा कार्यक्रम सुरळीत पार पडला तरच त्यांना त्याचे दु:ख होईल कारण त्यात भांडवल करण्यासारखे काही राहणार नाही.याउलट यात विघ्ने आली तर भाजप नेत्यांना आनंदच होईल कारण त्याचे भांडवल त्यांना करता येईल. भाजप नेत्यांना एकच सांगावेसे वाटते: तुम्ही रामजन्मभूमी प्रश्नी लोकांच्या डोळ्यात धूळ फेकलीत.त्याला माझ्यासारखे अनेक लोक बळी पडले.पण यापुढे तुमचे असे प्रयत्न यशस्वी होणार नाहीत. क्लिंटन

इंद्रा-जी, एक परिस्थिती अशी येते कीं तर्कशास्त्र (logic) बाजूला ठेवून भावनेला प्रधान्य देऊन कांहीं पावले टाकावी लागतात. असे केले नसते तर आपल्याला स्वातंत्र्य मिळालेच नसते. काश्मीरमध्ये भीत-भीत पावले टाकण्याचेच आपले धोरण राहिले आहे. भय सोडून ठाम पावले टाकायला आपण जितका जास्त वेळ लावू तितके आपले मूठभर फुटीरवादी शत्रू माजत जातील आणि वाढत जातील! धोका कशात नाहीं? पण धोक्याला घाबरत घाबरत कधीपर्यंत आपले हे धोरण राबवायचे? अशी ठाम पावले एकदाच टाकावी लागतात. जिंकलो तर वाद संपतो, हरलो तर मुद्दा सोडून द्यावा लागतो, पण हे सारे एकदाच करावे लागते व तसे करावे अशा विचाराचा मी आहे! (हे माझे मत कदाचित् माझ्या अज्ञानामुळेही असेल!!)

१) जरूर. वाचण्यास उत्सुक. २) कल्पना नाही. ह्या बाबतीत अद्याप काही वाचले नाही. जाणून घेण्याची अर्थातच काही गरज वाटत नाही. ३) माझ्या मते, ज्यांनी हा फोटो डकवला त्यांची जबाबदारी आहे हे सिद्ध करण्याची की, हा ध्वज काश्मिरातच जाळला गेला. ४) कल्पना नाही. असल्यास सिद्ध करावे. (पहलगाम, काश्मिर येथे राष्ट्रगीत गायलेला) सुनील