भन्नाट

सुहास शिरवळकरांच्या ज्या चार नायकांची परा गोष्ट लिहीतोय, त्या चार नायकांविषयी चार शब्द लिहीण्याची अपार इच्छा झाल्याने हा प्रतिसाद. सु.शि. (दुर्दैवाने) ज्यांना माहीती नाहीत, अशा वाचकांसाठी या चारही हिरोंना अचानक खूप सार्‍या गोष्टी एकाचवेळी करताना पाहून आचंबा वाटेल खरा, तो आचंबा स्ट्रीमलाईन करायचा हा प्रयत्न आहे. बाकी कथेद्वारे (आणि पटापटा लिहून) परा तुम्हाला आचंबित करीत राहीलच याची खात्री! दारा - 'दारा हिम्मत बुलंद' असं दणदणीत नाव असणारा दणदणीत हिरो. राजस्थान हे याचं कार्यक्षेत्र. पण तो राजस्थानपुरता बांधलेला नाही. व्हिलन्सच्या पाठलागावर चंबळ, माळवा, इतकंच काय तर पाकिस्तानात देखील जाऊन आलाय! राजस्थानातील प्रत्येक तरूणीचा मानलेला भाऊ, कधीही कुणालाही मदत करायला तत्पर असा दारा सव्वासहा फूट उंच आहे, आणि अमानवी ताकदीचा आहे. या दाराचे ३ जीवाभावाचे मित्र त्याला त्याच्या कामात मदत करत असतात. त्यापैकी 'मधुर' या टीमचा ब्रेन आहे (आणि दाराच्या बहीणीचा 'सलोनी'चा हिरोही), 'शीतल' शस्त्रविद्येत पटाईत आहे, आणि 'बादल' मार्शल आर्टस आणि फ्रीस्टाईल मध्ये पारंगत! बॅरिस्टर अमर विश्वास - पदवीवरुनच लक्षात आलं असेल की अमर हा पेशाने वकील आहे. कोर्टरूममध्ये याला अजूनतरी कोणी चकमा दिलेला नाही! अडीअडचणीतल्या अशीलांच्या केसेस तो जीवापाड मेहेनत घेऊन आणि प्रसंगी स्वत:चा जीव धोक्यात घालून सोडवतो. पण 'सत्याचा पाठपुरावा करणे' हे त्याचे तत्व आहे, त्यामुळे तो उगाच कोणाचेही वकीलपत्र घेत नाही. वकीली हा त्याचा पेशा असला तरी त्याने त्याचा धंदा केलेला नाही. 'गोल्डी' हा अमरचा मित्र आहे, आणि एक डिटेक्टीव्ह एजन्सी चालवतो. वेळोवेळी अमरला मदत करणे हे त्याचे आवडते काम आहे. पण जिथे कुठे जान का खतरा असेल तिथे गोल्डीचा जीव धोक्यात घालण्याऐवजी अमर स्वत: तिथे पोहोचतो 'रातों का राजा' बनून! पण त्याचा हा 'आयडी' फक्त वाचकांनाच माहीती आहे. मंदार पटवर्धन - 'पटवर्धन' या आडनावातूनच मंदारचे सगळे गुण प्रकट होतात. म्हणजे तो स्मार्ट आहे, मुंबईकर आहे, एकदम हिरो मटेरियल आहे आणि पेशाने डिटेक्टीव्ह आहे. प्रिन्स आणि डॅनी या मित्रांना मदतीला घेऊन मुंबईतले गुंड पिसणे, टोळ्या उध्वस्त करणे आणि उरलेल्या वेळात 'रमी'बरोबर (रमोला चक्रवर्ती, अर्थात मंदारची गर्लफ्रेंड) चकाट्या पिटत फिरणे हा याचा उद्योग! कमिशनर केतकरांचा भाचा असल्याने फोलिसमध्ये लैच ओळखी आहेत याच्या. दिनेश सायगल नावाचा तडफदार इन्स्पेक्टर हा मंदारचा मित्र. फिरोज इराणी - या चारही लोकांमधला सर्वात इरसाल मनुष्य! लहानपण अतिशय गरीबीत आणि मुंबईच्या झोपडपट्ट्या आणि फुटपाथवर गेल्याने जीवनाचे वास्तव जवळून पाहीलेला. आणि त्यामुळेच कुणालाही मदत करताना कायदा, सुव्यवस्था, पोलिस वगैरेची पर्वा न करणारा अतिशय बेदरकार हिरो! सुरुवातीची काही वर्षे फिल्मलाईनमध्ये स्टंटमन म्हणून काम केरताना अनेकविध मारामार्‍या आणि शस्त्रे शिकावी लागली त्याचा त्याला पदोपदी फायदा होतोय. रहीमचाचाने बनवलेल्या 'बैदुल'चा सढळ हाताने वापर करुन गुंडांना ठोकून काढणे हा याचा आवडता टाईमपास! बाकी दिवसभर कुणा गुंडाला (आणि त्याच्या टोळीला) पिसून झालं की रात्री एखाद्या कसिनोमध्ये जाऊन पत्ते पिसणे हा याचा मुख्य उद्योग. पत्त्यातला अतिशय बेरकी आणि तितकाच अव्वल दर्जाचा खेळाडू. तीच अक्कल सट्टा, जुगारातही लावून लोकांचा काळा पैसा त्यांच्या खिशातून काढून त्यांच्या मनातली टोचणी कमी करण्याचे सत्कार्यही करत असतो. इतक्या कुचाळक्या करुनही इन्स्पेक्टर मुकेश भाटीया आणि आघाडीचे उद्योगपती श्री. बिमल रॉय यांच्यामुळे कानूनच्या लंबे हातातून बचावला आहे. थोडक्यात म्हणजे 'रंगूनी रंगात सार्‍या, रंग माझा वेगळा' असणारा हिरो! असे हे चार हिरो आपापल्या कादंबर्‍यांतून तर धुमाकुळ घालतच आहेत. आता पराषेठने त्यांना एकाच कथेत गुंफण्याचं जे शिवधनुष्य उचललंय त्यासाठी पराषेठ आणि त्यांच्या हिरोंना शुभेच्छा!! सुहास शिरवळकर नावाच्या विलक्षण प्रतिभेच्या लेखकाने गाजवलेले हे हिरो पराषेठचं ऐकतात का हाच सध्याचा सवाल नं. १ आहे! --असुर

लय भारी सुरूवात

गोष्ट अशी रंगात येत असतानाच हे क्रमशः का कलमडतं देव जाणे! मला तर आता हा शब्दाबद्दल अतिशय नावड निर्माण झाली आहे. पुढले भाग लवकर लिहा.

+१ अजुन काय लिहणे ?

मी पण आता हाच मार्ग निवडावा असे वाटत आहे ..

पुढे? (आणखी एक आरंभशूर)

सहमत