Skip to main content

हिंदूर

लेखक सन्जोप राव यांनी रविवार, 26/09/2010 18:07 या दिवशी प्रकाशित केले.

मिलिंद फणसेंची अप्रतिम सिंदूर आणि आसपासच्या समाजात साचत चाललेली समृद्ध अडगळ यांची मनात गल्लत झाल्याने उमटलेले हे काही वेडेवाकुडे

नि:शब्द होत गेलो, मजबूर होत गेलो
हिंदू वाचुवाचूनी हिंदूर होत गेलो

ठिणग्या विझून गेल्या, पिकल्या जरी मिशाही
हसले पुन्हा नेमाडे मी धूर होत गेलो

धारा न अमृताच्या पानेच ही सहाशे
डोळ्यात नीज येता मगरुर होत गेलो

ही कोसलाबिढारे वाचून पाठ होती
'हिंदू' जुन्या बाजारी - मी शूर होत गेलो

स्मरणातुनी पुसेना पुसता कथा 'खंड्या'ची
काहीच वाचवेना, मी दूर होत गेलो

काव्यरस
हास्य
लेखनविषय:
वाचने 2983
प्रतिक्रिया 9

प्रतिक्रिया

विजुभाऊ रविवार, 26/09/2010 20:24

हम्म. ठीक आहे.
या उपर काहीच म्हणावेसे वाटत नाही.
दूर शूर धूर मगरूर या शब्दांचा अर्थ माहीत आहे. हिंदूर म्हणजे काय?
की तुम्हाला त्या तिथे विधूर हा शब्द वापरायचा होता
असो.
बाकी एखादी लेखणी थकली की फक्त
काहीच वाचवेना, मी दूर होत गेलो

हेच म्हणावेसे वाटते.
...................( रावसाहेंबांच्या उत्तम लेखनाचा एक चाहता)