मिसळपाव
पडवीत सांजअंधारी
कवडसा मनाचा श्वास
तुळशीच्या पणतीभवती
मिणमिणतो मंद प्रकाश
तु काय अवेळी येशी
भासांत पैंजणी घुमती
विटलेल्या उबेसाठी
भरजरी शाल एकांती ?
डोळ्यांच्या काठावरती
तरळते तुझे बघ नांव
पण हाय, नदीच्या काठी
डोंबांचा अवघा गांव
लसलसत्या काळोखात
क्षीण जीव एकटा बसला
विझणार्‍या टेंभ्यावरती
वाघुळ करीतसे हल्ला
काव्यरस
| लेखनविषय: |
|---|
वाचने
1969
प्रतिक्रिया
7
प्रतिक्रिया
थोडे
थोडे संदर्भ दिलेत तर कवितेतला भाव समजण्यास सोपे जाईल.
कारण या काही ओळींचा अर्थ उमजणे मला जरा कठीण झालेय..
कवडसा मनाचा श्वास
विटलेल्या उबेसाठी
डोंबांचा अवघा गांव
विझणार्‍या टेंभ्यावरती
वाघुळ करीतसे हल्ला
(गोंधळलेला) राघव
सुंदर
डोळ्यांच्या काठावरती
तरळते तुझे बघ नांव
पण हाय, नदीच्या काठी
डोंबांचा अवघा गांव
काठ, नाव, व नदी बेमालूम एकमेकांत मिसळतात. तरळते चं तरते शी शब्दसाधर्म्य साधणं लाजवाब.
सुंदर
सुंदर गमली.
काहीसं गूढ मनाला स्पर्शून गेलं.
सवतचि भासे मला| दूती नसे ही माला||
नच एकांती सोडी नाथा| भेटू न दे हृदयाला||
कवितेतला भाव असा ...
राघव,
कवितेतल्या शब्दांचे अर्थ, आशयापेक्षा भाव महत्वाचा ठरेल असे मला वाटते. तो असा- मृत्युच्या दारात वाट पहाणारा एक जीव आहे. थोडी धुगधुगी राहीली आहे. ( पहिले कडवे वाचा ) त्यातले ओळी / शब्द त्या अवस्थेशी साधर्म्य दाखवतात. दुसरे, तिसरे - कडवे आठवणी दाटून आल्या आहेत, आसक्ती सुटत नाही, पण नियतीपुढे नाईलाज. चौथे कडवे शेवटच्या क्षणाचे अवलोकन.
आरं तिच्या..
In reply to कवितेतला भाव असा ... by दत्ता काळे
अस्सं आहे होय! मी वेगळ्याच दृष्टीकोनातून या कवितेकडे बघण्याचा प्रयत्न करत होतो त्यामुळे पार गोधळलो. आता नीट कळले. छान लिहिलेत! :)
राघव
अरे, बापरे ...
डोंबांचा अवघा गांव .. म्हणजे काय ?
चांदनी आयी ID उडाने. ., सुझे ना कोई मंजील.
नाना बेरके
वेगळ्याच
वेगळ्याच अर्थाची गुढ कविता. छानच आहे.
मधुमेहा विरुद्ध लढा
माझी जालवही