एप्रिल फळ (७)

क्या बात है! लेखातला आवडणारा भाग उद्धृत करायचा म्हटला तर निम्मा लेखच पुन्हा चिकटवावा लागेल, तेव्हा तो मोह आवरतो :).

नंदन
मराठी साहित्यविषयक अनुदिनी

एकदम भारतात जाऊन वेगवेगळी फळं खातोय असं वाटलं. मुंबई - डहाणू भागात मिळणारे लाडके जाम आणि ताटगोळे, डोंगरातली करवंदं असती तर अजून मजा आली असती :) आता जूनच्या सुमारास 'पेरू'ची वाट पाहतो :)

मुंबई - डहाणू भागात मिळणारे लाडके जाम आणि ताटगोळे, डोंगरातली करवंदं असती तर अजून मजा आली असती :) सन्दीप भौ ती फळे एप्रिल मध्ये कशी मिळणार. मे जून मध्ये येतील तेंव्हा बघु या. तोवर एप्रिल फळ मजेत चाखा.

पाचुच्या तबकात एखदे माणीक चमकावे तसे हिरव्या पांढर्‍या जाड सालीच्या आत तो लाल भडक खजिना चमकत असतो. वावा... जादुई चव ,गर्भरेशमी गाभा ,राजवर्खी हापुस क्या बात है! वसंतातल्या फळांचा वैभवोत्सव चैत्रगौरीपुढे मांडल्यासारखा वाटतो आहे.

नेहमीसारखाच रसाळ भाग झाला बरं का. मस्त पैकी केशरी पिवळा दिसणारा राजवर्खी हापुस घ्यावा... हे वर्णन तर झकासच. या कानापासुन त्या कानापर्यन्त पसरलेली आख्खी फोड खाताना लहान मुले तर नेहमीपेक्षा दुप्पट तिप्पट गोजिरवाणी वाटतात . कलिंगड खायची खरी मजा यातच असते विजुभाऊ. || भले सज्जनाला चारु चिकन अन रोटी | नाठाळाला ठेऊ उपाशी पोटी || -इनोबा म्हणे

विजुभाऊ, आम्हाला वाटलं होतं की तुम्ही कडवे आंबाभक्त आहांत! आता बघतो तर तुम्ही इतर फळांचीही वकिली करताय! हे म्हणजे घरांत भटणीला आणि बाजारात भाविणीला एकदम डोळा मारण्यापैकी आहे!!:) काय हे! शिव, शिव, शिव!!!!

वा! विजुभाऊ तुमचे सगळे लेख आज वाचून काढले. मस्त लिहिले आहेत.

या कानापासुन त्या कानापर्यन्त पसरलेली आख्खी फोड खाताना लहान मुले तर नेहमीपेक्षा दुप्पट तिप्पट गोजिरवाणी वाटतात .

ह्या सारखे चित्रदर्शी वर्णन सुरेख जमले आहे. खूप आवडले

हापुस आंब्याची साल पूर्ण काढुन टाकावी, एकेक तुकडा तोंडात घोळवत खाऊन टाकावा. अंतरात्म्यालाही तृप्तीचा साक्षात्कार होतो. - हीच खरी पद्धत आहे, (हापुस प्रिय) आर्य

छान लेख आहे. चिक्कु हे तसे फारसे मिजास नसलेले केळ्यानन्तर चे गरीब फळ. खरे वाटते. रंग, वास नसला तरी चवीला मात्र खडीसाखरेसारखे..... कोल्हापुरमधे रस्त्यावर हातगाडयावर चिकू विकतात. विकणारे खडीसाखर चिकू,खडीसाखर चिकू असे म्हणून गिर्‍हाईकांना आकर्षित करतात.

जपानी लोक या कलिंगडाच्या आकाराने वैतागले,,,,, का तर ते त्यांच्या फ्रीज मधे नीट ठेवता येत नाही..... पण गप्प बसतील तर ते जापानी लोक कसले? त्यानी चौकोनी आकाराचा पोकळ लाकडाचा खोका बनवला,,,,,(पोकळ पण मजबुत) जेव्हा कलिंगडाचे फळ लहान असते तेव्हाच त्याला या लाकडी खोक्यात घातले जाते.....मग जेव्हा ते फळ मोठे होते तेव्हा सहाजीकच चैकोनी आकार प्राप्त होतो !!!!! आता फ्रीज मधे ते आरामात ठेवता येते..... हीच कमाल आपल्या बिरबलाने मडक्यात कलिंगड बनवुन केली होती!!!!! (चाट मसाला टाकुन कलिंगड खाणारा) मदनबाण चौकोन

एक म्हणजे कलिंगड थोडे कापुन म्हणजे चिर पाडुन आणायचे.फळवाला जणु खजिन्याच्या खोलीचे दार किलकिले करुन दाखवावे तसे आतला लाल खजिना हळुच दाखवतो.दुसरी पद्धत म्हणजे फळवाला कलिंगडाचा पिरॅमीड सारखा तुकडा कापतो तुम्हाला लाल भाग दाखवतो आणि जिग सॉ पझल असावे त्याप्रमाणे पुन्हा तो तुकडा जागेवर परफेक्ट बसवतो्आ तुकडा जे कापेल त्याला मिळायचा .तीसरी पद्धत म्हणजे आख्खे कलिंगड आणायचे न फोडता. फळवाल्या बागवानाकडुन माठ वाजवतो तसे वाजवुन आणयचे.

मस्त वर्णन आणि अचूक निरीक्षण!