पाश्चात्य कलाजगतातील मुशाफिरी : चित्रकला : कोरो

कलाकॄतींचा आस्वाद घेताना त्यातील सर्व काही "कळावे" हा आग्रह बाजूला ठेवणे आवश्यक. शेवटी " कळणे" म्हणजे तरी काय? बासरी किंवा संतूर ऐकताना आपल्याला काय "कळत" असते? हां, आपल्याला सारेगमप वगैरे सारखी परिक्षक वा "मान्यवरां" ची भूमिका पार पाडायची असेल, तर गोष्ट वेगळी. एक रसिक म्हणून कोणत्याही कलाकॄतींचा आस्वाद घेताना ही न्यायाधिशाची भूमिका असू नये, हेचि बरे. समजा, या चित्रातील "वेळ" सकाळी ९ वाजून सदतीस मिनिटे, एकोणीस सेकन्द अशी असून उजव्या बाजूच्य मुलिचे नाव ज्युडिथ असे आहे, तिचे वय सत्तावीस वर्षे, सात महिने असून ती चित्रात कपडे धूत आहे, तिचे वडील अमूक गावात पाद्री असून त्यांचे खापरपणजोबा हे ...........................वगैरे जरी "कळले" तरी त्याने काय फरक पडणार, उलट या गोष्टी कलास्वादाला मारकच ठरतील.....असो.