Skip to main content

आज अचानक...

लेखक नीलांबरी यांनी सोमवार, 01/02/2010 18:59 या दिवशी प्रकाशित केले.

आज अचानक कातरवेळी,
मनी दाटती काजळरेषा
वाट चालुनि थकली पाऊले
चल साजणा अपुल्या देशा

गर्भरेशमी यौवन सरले,
शैशव आता स्वप्नचि उरले
आठवणींचा खेळ चालला
संध्याछाया झाकोळती दिशा

सखेसोबती वाट पाहती
समांतर वाटा जरी चालती
मधुर क्षणांची बकुलपुष्पे
अजुनि जागविती मनी आशा

पैलतीरी नेत्र लागले
स्वप्नांचे आभासही नुरले
नको येथले भास मखमली
अन परतीची फसवी भाषा.

काव्यरस
करुण
लेखनविषय:
वाचने 2014
प्रतिक्रिया 6

प्रतिक्रिया

बिपिन कार्यकर्ते सोमवार, 01/02/2010 19:18

:( नकोसे वाटणारे भविष्य. :(

कविता छान.

बिपिन कार्यकर्ते

सुधीर काळे सोमवार, 01/02/2010 20:59

इतक्या तरुण वयातच निरवा-निरव? छे, छे! फार विषण्ण वाटलं. खरंच इतकी निराशा?
------------------------
सुधीर काळे
Parkinson's Laws
1. Work expands to occupy time available.
2. Bureaucrats add subordinates, not rivals.
3. In meetings, time spent on a point is inversely proportional to its importance!