अंतराळशास्त्रज्ञांना सुचना

ही योजना यशस्वी झाली तरी आंतरजालीय कचर्‍याच्या समस्येवर ही चर्चा करण्यास हरकत नाही

ही योजना यशस्वी झाली तरी आंतरजालीय कचर्‍याच्या समस्येवर ही चर्चा करण्यास हरकत नाही बाप रे, आता परप्रांतिय कचर्‍यासारखाच परलोकीच्या कचर्‍याचा प्रश्नही मनसेने हाती घेतलेला दिसतो.. उपग्रहांनो आपापल्या देशांना परता लवक्कर.. अवांतरः बाकी नासाच्या शास्त्रज्ञांचे समूपदेशन मास्तरांनी सुरू केल्याचे ऐकले.. (पहिल्याच कॉलमध्ये त्यांनी शरणागती पत्करल्याचे मास्तर अभिमानाने धमूला बराss च वेळ सांगत असल्याची तक्रार त्याची बायको माझ्याकडे करत होती) भडकमकरमास्तरही अंतराळीय कचर्‍यावर एक कादंबरी, तीन स्फूटे, तीन समि़क्षणे (व तीनशे प्रतिसाद) आणि 'अंतराळातील स्फिंक्स' ही (खास पुरूषोत्तम करंडकासाठी) एकांकिका लिहित आहेत. (एकांकिकेची खासियतः सर्व पात्रे अंतराळातून बोलत असल्याने स्टेजवर कोणीच दिसत नाही). पार्श्वभूमीला केसूकाकांचे 'अंतराळीच्या गूढ गर्भा.. हे अंतराळगीत वाजणार आहे म्हणे! ह्या धांदलीत विजूभाऊ अंतराळीय कचरा जपानी गादीत गुंडाळता येईल का अशी विचारणा आयुकात वारंवार करून भंडावत आहेत. पेठकरकाका एखाद्या रिकाम्या (निकाम्या) उपग्रहात उपहारगृह खोलायची परवानगी मागायच्या तयारीत आहेत. आता हाही कचरा पुणे मनपा आपल्या बोकांडी मारेल ह्या भीतीने उरळी कांचनमधले गावकरी उपोषणाला बसलेत सुद्धा! ते काहीही असो..तात्या मात्र खुशीत आलेत.. एव्हढ्या महत्वाच्या प्रश्नाला मिसळपावने वाचा फोडल्यामुळे नासा त्यांचा 'सिंडी क्रॉफर्डच्या हस्ते विशेष पुरस्कार (आणि इतर 'बरंच' काही) करणार असल्याची गुप्त बातमी ते परत परत सांगत ठाण्यात फिरत आहेत