मायकेल जॅक्सन गेला

- पॉप संगीत सामान्य जनतेपर्यंत घराघरात पोहचवणारा मायकल जॅक्सन - थ्रीलर, बॅड, डेंजरस ह्या यशाची उच्चतम पातळी गाठणार्‍या पॉप अल्बमसचा निर्माता आणि सर्वेसर्वा मायकल जॅक्सन - संगीत क्षेत्रातील महत्वाचे असे ग्रॅमी अ‍ॅवॉर्ड तब्बल १३ वेळा जिंकणारा मायकल जॅक्सन - डान्सच्या स्टेप्समध्ये गुरुत्वाकर्षचे सर्व नियम विसरायला लावणारा मायकल जॅक्सन - आपल्या चेहर्‍याच्या १७ वेळा शत्रकिया करवुन लुक बदलवणारा मायकल जॅक्सन - गुड आणि बॅड अशा दोन्ही पब्लिसिटी लिलया कॅश करणारा मायकल जॅक्सन आज फक्त उरला आहे आठवणीत ... पॉप संगीताच्या बादशहाला आमची आदरांजली ..!!! ------ छोटा डॉन एखादा "प्रण अथवा रिझॉल्युशन" म्हणजे काय ? जास्त काही नाही, मस्त गाजावाजा करुन ८ दिवसातच पहिली पाने पंचावन्न करणे. आता आमचा "लेखन न करण्याच्या" प्रतिज्ञेचेच पहा ना ... ;)

बरं झालं! पिडा गेली..! लहान मुलामुलींशी लैंगिक चाळे करायचा साला! एक विकृत इसम गेला, फार छान झालं! :) तात्या.

एक काळ अक्षरशः मायकेल जॅक्सनचा होता. 'बीट इट' आणि 'ब्लॅक अँड व्हाईट' ही गाणी तर कधीच विसरणं शक्य नाही. ईश्वर त्याच्या आत्म्यास शांती देवो.

राजेंशी पूर्णपणे सहमत. तात्या तुमच्याकडून ही अपेक्षा नव्हती. काहीही झालं तरी मायकेल हा एकमेव होता. त्याच्या आत्म्यास शांती लाभो हीच प्रार्थना. त्याची गाणी तोच लिहायचा ; संगीतही तोच द्यायचा ; आणी सादरही करायचा. जरा त्याचं " Heal The World " ऐका म्हणजे समजेल मायकेल हा काय होता ते ? हे राज्यं व्हावे ये तो श्रींची इच्छा.

पॉपचा बादशहा असा एकाकी त्याच्या चाहत्याना सोडुन गेला ही खुपच दु:खद घटना आहे. त्याच्या मृत्युची बातमी वाचुन डोळ्याच्या कडा आपोआप ओल्या झाल्या. आमचे कॉलेजचे दिवस त्याची गाणी एकणे व नवे नवे अल्बम जमा करणेतच गेले.पण काही लोक त्याच्या संगीतातील योगदाना बद्दलचर्चा करण्यापेक्षा त्याच्या व्यक्तीगत आयुष्यावर टिका करण्यात धन्यता मानतात, हे खरोखर चुक आहे. मायकेल खरोखर्च पॉप संगीतातील देव होता. ईश्वर त्याच्या मृतात्म्यास शांती देवो हिच एक इच्छा व्यक्त करतो. वेताळ

मी माझं व्यक्तिगत मत दिलं आहे. बाकी चालू द्या..! हा धागा मायकेल संबंधी आहे, माझ्या त्याच्याविषयीच्या मताविषयी नाही! आणि मीदेखील माझं त्याच्याविषयीचं व्यक्तिगत मत दिलं आहे. मिपाकरांनीही तेच करावं. माझ्या त्याच्याविषयीच्या मताबद्दल न लिहिता, त्याच्याविषयीच्या मताबद्दल लिहावं ही विनंती! मायकेल जॅ‍क्सन नावाचा कुणी एक इसम खूप् महान वगैरे होता असं काही मिपाकरांचं म्हणणं आहे. मला त्यांच्या मताबद्दल आदर आहे! तात्या.

गेले काही दशके जगभरच्या तरुणाईला आपल्या संगीताने भारावुन टाकणार्‍या किंग ऑफ पॉपला श्रद्धांजली.

या महान कलाकाराला श्रद्धांजली.

एका पिढीवर राज्य केलं हे खरंच. (मायकेल जॅक्सनचे एकही गाणे न ऐकलेला) खराटा

त्याचे स्टेज शो पण भव्य असायचे. लेझर्स, फायर वर्क्स आणि तांत्रिक करामतींनी परिपुर्ण ! त्याच्या थ्रिलर या गाण्याचा विडिओ तर अफलातुन आहे! माझी श्रद्धांजली !

पॉप संगीताचा बादशहा मायकेल जॅक्सनला माझीही श्रद्धांजली !

एकमेवाड्वितिय ! बाद्शाहा गेला. माझी श्रद्धांजली ! इथे मिपावर संगीत म्हन्जे फक्त फड्के,मगेशकर्,जोशि हेच आहे. वरिल सर्व महान आहेतच पण म्हनुन बकि कलाकाराना कमि लेखु नये,ते पण मेल्यवर . लेले

जो मेला तो नक्की मायकल जॅक्सन होता का ? ह्या संदर्भात काही पुरावे / तयार केलेले पुरावे पी. डी. एफ. फाईलच्या माध्यमातुन मिळाले होते की खर्‍या मायकल जॅक्सनला जाउन बरीच वर्षे लोटली आहेत. उच्छुकांसाठी फाईल डाउनलोडला ठेवली आहे, डाउनलोड करुन तुमची प्रतिक्रीया जरुर द्यावी. मायकल जॅक्सन º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

>>>कारण त्याच्या चष्यातुन संगीत म्हणजे लाईटच्या झगमगाटात, वाद्यांच्या कल्लोळात, आरडाओरडा व बेफाट नाचत सादर केलेल कार्यक्रम. संगीतात काही सबस्टन्स नसला की असे चाळे करून लोकांची करमणूक करावी लागते असे माझा एक मित्र म्हणायचा. >>तो जे काही करतो/करायचा त्याला संगीत म्हणतात ही माहिती माझ्याकरता नवी आहे! तात्यांशी सहमत. तात्या जाउ द्या. पूर्वी हिंदी चित्रपटसंगीतालाही शास्त्रीयवाले थिल्लरपणाच समजत. खराटा (रंग माझा वेगळा)

M.J. च्या चाहत्यांनी अन त्याची माहीती नसणार्‍यांनीही हे वाचायला हरकत नाही. http://www.telegraph.co.uk/culture/music/michael-jackson/5644319/Michae… कोणी काहीही म्हणो, अनेक लोकांना आपल्यासंगीताने भुरळ पाडणारा M.J. त्यांच्या साठी महान होताच. मला भावलेल्या moonwalker ला माझी आदरांजली!

जॅकसन १३ वर्षापुर्वी आला होता.(http://www.shivudyogsena.org/origin.htm) शिव उद्द्योगसेनेने आयोजित केलेल्या त्याच्या कार्यक्रमासाठी.ईतर ठिकाणी होते तशीच प्रचंड गर्दी झाली होती त्या कार्यक्रमाला. भेन्डि क्ष्^न + य्^न = झ्^न

दोन महिन्याने ' गर्भ सल्ला आणि सेवा' वाल्यांची चलती झाली.

मायकेल जॅकसन गेला कां गेली ?. . . कां गेलं ? "गर्दी खेचणारी माणसं थोर असतात " इति पांडुरंग सांगवीकर. म्हणून मी ही म्हणतो " अरेरे ! थोर माणूस गेला".

मायकेल जॅक्सन नावाच्या प्रकरणाशी ओळख झाली तेव्हा अगदी नुकताच कॉलेजमधे जायला लागलो असेन. मला वाटते, ते 'बीट इट' गाणे असावे. त्यावेळी आजच्यासारखी म्युझिकचॅनेल्स वगैरे नव्हती. आणि संगीत हे ऐकायचं असतं, त्यात बघण्यासारखं कसं काय असू शकेल असं वाटायचं (नाही म्हणजे भीमसेनजींची गातानाची अदाकारी प्रेक्षणिय असायची, किंवा त्यावेळी लोक परवीन सुलतानाची गाणी बघायला जायचे हे ही ऐकून माहिती होते.) पण एकदा मेट्रो चॅनेलवर (त्यावेळी हे दूर्दर्शनवर नुकतेच चालू झाले होते.) बीट इट बघितले. काही तरी चमत्कृतीपूर्ण वाटले. पण तेवढेच. गाणे आवडले पण अगदी खूप किंवा भयानक आवडले असे नव्हे. नंतर ब्लॅक ऑर व्हाईट, वी आर द वर्ल्ड वगैरे आलं. गाणी बरी आहेत असे वाटायचे. पण पाश्चात्य पॉप संगितात सूर, आवाज वगैरे श्राव्य गोष्टींपेक्षा नाच, चमत्कृती वगैरे दृष्य गोष्टींना जास्त महत्व आहे असे वाटायचे आणि अजूनही वाटते. माझा कल श्राव्याकडे जास्त असल्याने मला कधीही ते फारसे भुरळ घालू शकले नाही. पण तरीही त्यात एक वेगळीच जादू आहे आणि त्यामुळेच लोक ते आवडीने ऐकतात हे मान्य केलेच पाहिजे. कलेची खरंतर व्याख्या कशी करणार? मग कोणती कला चांगली आणि कोणती वाईट हे ठरवणं तर पुढची गोष्ट. कला आणि तिच्यापासून मिळणार्‍या आनंदाची व्याख्या हे पूर्णपणे व्यक्तिसापेक्ष आहे. माझ्यामते कलेचा आस्वाद हा मुख्यतः हृदयाने घ्यायचा असतो. त्यामुळे प्रत्येकाचा काही उपजत ओढा असतो. माझा या कलाप्रकाराकडे नव्हता फारसा म्हणून नाही आवडले. पण त्यामुळे मला त्या कलाप्रकाराला कमी लेखणे बरोबर नाही वाटत. मला नाही कळत किंवा मला नाही भावत एवढे मात्र म्हणेन. पण त्याबरोबरच नवीन येणारी गाणी पूर्वग्रह न बाळगता ऐकायचा प्रयत्न करतो. आणि त्या मुळेच ब्रायन अ‍ॅडम्सचे 'एव्हरिथिंग आय डू' हे गाणे अतिशय परिणाम करून गेले आणि आजही हे गाणे ऐकणे ही माझ्या करता एक उच्च अनुभूती आहे. तसेच काही दिवसांपूर्वी धनंजय यांनी मोत्झार्टच्या रेक्वेमचे रसग्रहण इथे दिले होते. वास्तविक पाश्चात्य अभिजात संगीत फारसे ऐकले नाहीये पण जे काही ऐकले आहे त्यातले बरेचसे परिणामकारक ठरले आहे. पण धनंजयच्या रसग्रहणाबरोबर ते रेक्वेम ऐकले आणि खूपच परिणाम करून गेले. एक ऐकलेला किस्सा. माझी एक मैत्रिण परदेशात शिकत असताना भीमसेनजींचे गाणे ऐकत होती तेव्हा तिच्या एका युरोपिय मित्राने 'हे काय बेकार ऐकते आहेस? हे काय संगीत आहे का?' असे (प्रामाणिकपणे) विचारले होते. असो, बरेच विषयांतर झाले. करोडो रसिकांवर गारूड करणारा एक कलावंत गेला. त्या कलाप्रकाराची ही मोठीच हानी आहे. किंग ऑफ पॉपला सलाम. त्याचे चाहते आणि टीकाकारही त्याला कधीही विसरणार नाहीत. "लव्ह हिम, हेट हिम बट यू कान्ट इग्नोर हिम"... कलाकाराला अजून काय पाहिजे असते हो? बिपिन कार्यकर्ते

लव्ह हिम, हेट हिम बट यू कान्ट इग्नोर हिम हेच म्हणतो.... - गणा मास्तर भोकरवाडी (बुद्रुक)

तुम्ही जे लिहिलंय अगदी तस्संच वाटतं मला... "लव्ह हिम, हेट हिम बट यू कान्ट इग्नोर हिम" .. .हेच खरं . त्याच्या बद्दल काहीही चांगली-वाईट मतं असली तरी त्याच्या पुढ्च्या सगळ्या कार्यक्रमांची सगळी टिकिटं "SOLD OUT" होते, हे ही तितकं च खरं. दिपाली :)