फिफा विश्वचषक २०२६ / FIFA World Cup 2026

आभार....धाग्यात भर घालतो. छायाचित्रे वगैरे. 

-दिलीप बिरुटे

हैती आणि स्कॉटलैंडचा मॅच सुरु आहे आणि पाहतोही आहे.

-दिलीप बिरुटे

फिफा विश्वचषक २०२६ - संपूर्ण वेळापत्रक (भारतीय वेळेनुसार - IST)

उझबेकीस्तान आणि कोलंबियाचा सामना सुरु आहे 40 व्या मिनिटाला कोलंबियाने गोल केला. 1-0

-दिलीप बिरुटे

सामना सुरु आहे, पहिल्या पंधरा मिनिट ब्राझीलचंच वर्चस्व दिसत आहे.

-दिलीप बिरुटे

५६ व्या  मिनिटाला दोघेही ०२ -०२  असे बरोबरीत आहे.  सामना रंगला आहे. सुटीचा आनंद धन्यवाद. 

-दिलीप बिरुटे

आज एका अन्य सामन्यात इक्वेडोर आणि जर्मनी यांच्या सामन्यात इक्वेडोरच्या भन्नाट खेळापुढे जर्मनीने नांगी टाकली. इक्वेडोरने दोन गोल केले तर, जर्मनीचा एक गोल झाला. 

-दिलीप बिरुटे 

अर्जेंटीना Vs जॉर्डन यांचा सामना सुरु आहे मध्यांतरापर्यन्त अर्जेंटीनाची दोन गोलची आघाडी आहे.

-दिलीप बिरुटे

अर्जेंटीना वि काबो चा मॅच अधिकच्या वेळात दोन दोन गोलवर आला आहे, 

रंगतदार मॅच सुरुच आहे.

-दिलीप बिरुटे

चेंडूवर राखता न आलेले वर्चस्व, प्रतिस्पर्ध्यावर आणता न आलेले दडपण आणि मोक्याच्या क्षणी भरवशाच्या खेळाडूंनी केलेली निराशा याचा एकत्रित परिणाम ब्राझीलच्या फुटबॉल वर्ल्ड कप स्पर्धेतून बाद होण्यात झाला. रविवारी नॉर्वेविरुद्ध झालेल्या उपउपांत्यपूर्व फेरीच्या लढतीत १-२ अशा पराभवाला ब्राझील संघाला सामोरे जावे लागले. सलग सहाव्यांदा ब्राझीलने वर्ल्ड कप स्पर्धेतून लवकर 'एग्झिट' घेतली आहे.

-दिलीप बिरुटे

काल स्पेनबरोबरच्या  महत्वाच्या सामन्यात  पोर्तूगल बाहेर पडले.  क्रिस्टियानो रोनाल्डोच्या  पोर्तुगल संघांचे  या विश्वचषकातील आव्हान संपूष्टात आले. सामन्याच्या  अगदी शेवटच्या मिनिटाला  स्पेनच्या मिकेल  मेरिनो याने गोल करुन स्पेनला विजय मिळवून दिला. 

आता भारतीय प्रमाण  वेळेनुसार रात्री साडेनऊला म्हणजे अजून पंधरा मिनिटांनी  अर्जेंटीना आणि इजीप्तचा सामना सुरु होतोय. या सामन्याचा निकाल धक्कादायक लागू नये म्हणजे झालं. नाही, तर या स्पर्धेतील प्रबळ दावेदार म्हणून असलेला हा शेवटचा संघ म्हणावा लागेल, असे वाटते. 

-दिलीप बिरुटे

सामना सुरु....

-दिलीप बिरुटे

अर्जेंटीना अशा पद्धतीने जबरदस्त खेळ करुन जिंकेल असे वाटले नव्हते जबरदस्त मॅच मेस्सीची टीम जिंकली आनंद वाटला. इजिप्त जिंकलेला मॅच हरली.  अर्जेंटीना 03- इजिप्त  02 

मजा आली.

-दिलीप बिरुटे

कालच्या अर्जेंटीना विरुद्ध इजिप्तचा सामना अजूनही मनातून जात नाही, बरेच दिवस जाणारही नाही.  पिछाडीवर पडल्यानंतरही जिद्दीने खेळ करून गतविजेत्या अर्जेंटिनाने इजिप्तवर ३-२ अशी मात केली आणि फुटबॉल वर्ल्ड कपची उपांत्यपूर्व फेरी गाठली. दोन्ही संघाचा लौकिक पाहता  अर्जेंटिनाचेच पारडे जड  होते. पण, इजिप्तने धडाक्यात सुरुवात केली पाहता, इजिप्तला हलक्यात  घेणे धोकादायक आहे हे अर्जेंटीनाला समजले असावे. पंधराव्या मिनिटालाच  इब्राहिमने संधीचे सोने केले,  त्याने हेडरद्वारे अप्रतिम गोल करून इजिप्तचे खाते उघडलं.  

इजिप्तकडून धुसमुसळेपणा चालूच असल्यामुळे  २१ व्या मिनिटाला अर्जेंटिनाला पेनल्टी बहाल करण्यात आली होती. मात्र, या संधीचे सोने करण्यात लिओनेल मेस्सीला यश आले नाही. इथं आता काही खरं नाही, अशी मनाची तयारी नाही. मेस्सी इतके गोल करतो आणि इथे जमेना. शीट.  इजिप्तचा गोलरक्षक मुस्तफा शोबीरने मेस्सीने मारलेला चेंडू अडवला, कमाल गोलरक्षण त्याने केलं.  अर्जेंटिनाच्या खेळाडूंनी सातत्याने आक्रमक चाली रचल्या. इजिप्तच्या डी क्षेत्रात  संपूऱ्ण अर्जेंटीना संघ खेळताना दिसत होता.  अ‍लेक्सीस मॅक ऑलिस्र्टर, एन्झो फर्नांडेझ यांचे प्रयत्नही इजिप्तचा गोलरक्षक मुस्तफाने हाणून पाडले.  त्यानंतर, ३९व्या मिनिटाला ज्युलियन अल्वारेझने सुरेख प्रयत्न केला होता. मात्र, या वेळीही मुस्तफाने कमाल केली आणि अर्जेंटिनाचा आणखी एक प्रयत्न हाणून पाडला. त्यामुळे मध्यंतराला इजिप्तने आघाडी कायम ठेवली. 
इजिप्तचे आक्रमण सुरुच होते त्यात एका 'रिव्ह्यू'मध्ये  मरवान आित्तियाकडून फाउल झाल्याचे निदर्शनास आले आणि इजिप्तचा एक  गोल नाकारला गेला. मात्र, त्यानंतर नऊच मिनिटांनी इजिप्तने जोरदार प्रतिआक्रमण रचले आणि  हैसम हसनच्या अप्रतिम पासवर मुस्तफा झिकोने पुन्हा एकदा चेंडू गोलजाळ्यात मारला आणि एकच जल्लोष झाला.  आता  येथून अर्जेंटीनाचे परतणे अशक्यच वाटत होते. 

अर्जेंटिनाच्या खेळाडूंनी गोल नोंदवण्यासाठी जीवाचे रान केले.  आपल्याच खेळाडूंकडे बॉल राहील यात प्रयत्न करीत,  अखेरीस ७९व्या मिनिटाला लिओनेल मेस्सीच्या पासवर क्रिस्टियन रोमेरोने हेडरद्वारे अप्रतिम गोल केला आणि अर्जेंटिनाच्या जीवात जीव आला.  त्यानंतर चारच मिनिटांनी मेस्सीने बचावफळी मोडून अप्रतिम शॉटने  जबरदस्त गोल नोंदवून अर्जेंटिनाला २-२ अशी बरोबरी साधून दिली. त्यानंतर, अधिकच्या वेळेत दुसऱ्याच मिनिटाला लॉटेरो मार्टिनेझच्या पासवर एन्झो फर्नांडेझने हेडरद्वारे जबरदस्त गोल नोंदवून अर्जेंटिनाला ३-२ अशी आघाडी मिळवून दिली. अखेरपर्यंत ३-२ अशी आघाडी कायम राखली, शेवटी  इजिप्तच्या खेळाडुंची चीडचीड होणे साहजिक होते.  विजयी घास अर्जेंटिनाने हिसकावून घेतला, एक भन्नाट विजय  मेस्सीच्या डोळ्यातून पाझरत होता आणि  रोमहर्षक सामन्यात अर्जेंटीनाने  विजयावर शिक्कामोर्तब केले. 

कालचा सामन्यातून एक लक्षात आले तो नुसता सामना नव्हता, जिंदगी बदल जाती है,  बस पेशन्स जरुरी है, आखीरतक लढते रहो. बाजी पलट सकती है, हा धडा कालच्या मॅचने दिला.  मजा आगया. 

-दिलीप बिरुटे

फ्रान्स विरुद्ध मोरोक्को,  १० जुलै,  शुक्रवार,रात्री १. ३० वा. 
स्पेन विरुद्ध बेल्जियम,  ११ जुलै, शनिवार, रात्री. १२. ३० वा. 
नॉर्वे विरुद्ध इंग्लंड,  रविवार, १२ जुलै, पहाटे ०२.३० वा. 
अर्जेंटिना विरुद्ध स्वित्झर्लंड,  १२ जुलै, सकाळी ०६. ३० वा.  
( सर्व भारतीय प्रमाणवेळा )
सर्व सामने असेच रंगतदार होतील अशी अपेक्षा करुया.....! 

-दिलीप बिरुटे