अवधूत साठे..

स
सर्वसाक्षी यांनी
 ·  लेख
लेख
' अवधूत साठे, ट्रेडिंग ॲकॅडमी' ही सुरेश वाडकर यांनी गायलेली ओळ अल्पावधीतच चांगलीच लोकप्रिय झाली आणि साठे ॲकॅडमी सुद्धा. आज त्यांच्या वरील सेबीने केलेल्या कारवाईने खळबळ उडाली आहे. अवधूत साठे ट्रेडिंग ॲकॅडमीवर परवाना न घेता वित्तीय सल्लागार म्हणून संस्था चालवल्याचा आरोप आहे. सामाजिक प्रसार माध्यमांवर अशीही चर्चा सुरू झाली आहे की एका मराठी माणसाने अगदी अल्पावधीतच मिळवलेल्या यशामुळे अमराठी ट्रेडर्स लॉबीने हे कारस्थान रचले आहे जाणकारांनी प्रकाश टाकावा
वर्गीकरण
6360 वाचन
💬 प्रतिसाद (58)

प्रतिक्रिया

चंद्रसूर्यकुमार
Fri, 12/05/2025 - 20:13 नवीन
मी अवधूत साठे ट्रेडिंग अकॅडेमीचा विद्यार्थी आहे आणि माझ्यासारख्या बहुसंख्य विद्यार्थ्यांना अवधूत सर हे एकदम जेन्युईन आहेत हे माहित आहे. त्यांच्या काही हितशत्रूंनी हा प्रकार केला आहे याविषयी मला अजिबात शंका नाही. मी त्यांची जी काही सेशन बघितली आहेत त्यात त्यांनी कधीही एखादा शेअर विकत घ्या असे सांगितलेले नाही तर ते एखादा शेअर घेतला किंवा विकला तर तो टेक्निकल अ‍ॅनॅलिसिसच्या कोणती तत्वे/नियम या अनुसार त्यांनी विकत घेतला/विकला एवढेच सांगतात. पूर्ण उद्देश विद्यार्थ्यांना शिकविणे आणि त्यांची स्किल विकसित करणे इतका आणि इतकाच असतो. पूर्ण देशात मार्केटमधून किमान एक लाख यशस्वी ट्रेडर्स निर्माण व्हायला पाहिजेत हा उद्देश त्यांनी ठेवला आहे. कोणतीही टिप न देता कोणतीही गोष्ट आयती न देता विद्यार्थ्यांना योग्य तो निर्णय स्वतः स्वावलंबीपणे घेता यावा- त्यांच्या भाषेत आपले विद्यार्थी Independent professional traders व्हावेत हा आणि केवळ हाच त्यांचा उद्देश आहे. खरं सांगायचं तर इतकी सकारात्मक उर्जा आणि तळमळ असलेला दुसरा माणूस मी तरी बघितलेला नाही. सतत आपल्या विद्यार्थ्यांना आणखी काय देता येईल, त्यांना यशस्वी होण्यासाठी लागणारा कालावधी कसा कमी करता येईल, आधीच चांगली असलेली सपोर्ट सिस्टीम आणखी कशी वाढवता येईल याचा आणि याचाच विचार करणारे आणि ध्येयाचे वेड लागलेले अवधूत सर आहेत. मार्च २०२० मध्ये कोविड काळात मार्केट जोरदार आपटले तेव्हा एका दिवसात एक कोटी रूपये त्यांनी कमावले होते हे त्यांना तेव्हापासून ओळखणार्‍या सगळ्या विद्यार्थ्यांना माहित आहे. त्यांनी कमाविले आहे त्याच्या एखादा टक्का जरी कमावता आले तर मस्त समुद्रकिनारी एखादा बंगला बांधून काही न करता 'चिल मारावी' असे माझ्यासारख्याला वाटेल. पण इतके पैसे कमावले असूनही कधी कुठे मजा करायला गेले आहेत असे कधी झाले नाही. त्यांनी कधी विश्रांती घेतली आहे हे ऐकिवात नाही. मे २०२५ मध्ये त्यांच्या मुलाच्या दीक्षांत समारंभासाठी ते अमेरिकेला गेले होते तिथूनही त्यांनी विद्यार्थ्यांसाठी सेशन घेतली होती. त्या सेशनमध्ये मी होतो म्हणून सांगत आहे. असे झपाटून काम करणारा माणूस आहे तो. आता आलेल्या संकटातून ते नक्की काहीतरी मार्ग काढतीलच याची खात्री आहे. ज्या विद्यार्थ्यांची स्किल वाढवायला स्वतः कष्ट घ्यायची आणि आपली चूक होत असेल तर ती कुठे आणि कशामुळे होत आहे हे जाणून घेऊन त्यात सुधारणा कशी करता येईल यावर काम करायची तयारी आहे असे सगळे विद्यार्थी अगदी एकदिलाने अवधूत सरांच्या मागे आहेत. तरीही तुळशीच्या रोपांमध्ये भांग उगवितेच त्याप्रमाणे ज्यांना काही न करता, स्वतः कोणतेही कष्ट न घेता दुसरा कोणी टिप देणार आणि काय करायचे ते सांगणार अशांचे मत सरांविषयी चांगले नसेल.

गामा पैलवान
Fri, 12/05/2025 - 22:45 नवीन
चंद्रसूर्यकुमार, खुलाशाबद्दल धन्यवाद. एक प्रश्न पडलाय. सेबी ट्रेडिंग अकादमी वर कशी काय कारवाई करू शकते? तिच्या अखत्यारीत ही संस्था येऊ शकेल काय? वित्तीय सल्लागाराचा परवाना न घेता काम करायचा धोका मास्तर कधीही पत्करणार नाहीत, असं तुमच्या म्हणण्यावरनं वाटतंय. किंबहुना अकादमी वित्तीय सल्ला देत नाही असंच दिसतंय. मग सेबी कुठनं आली? आ.न., -गा.पै.
↩ प्रतिसाद: चंद्रसूर्यकुमार

चंद्रसूर्यकुमार
Fri, 12/05/2025 - 23:09 नवीन
किंबहुना अकादमी वित्तीय सल्ला देत नाही असंच दिसतंय. मग सेबी कुठनं आली?
अमुक एक शेअर घ्या असा सल्ला किंवा टिप सर कधीही देत नाहीत तर नक्की काय बघून आपण तो शेअर घेतला/विकला ते सांगतात. याचा उद्देश हा की भविष्यात तसाच सेट-अप दुसर्‍या कोणत्या चार्टमध्ये आला तर विद्यार्थ्यांना स्वतंत्रपणे नक्की काय करायचे याचा निर्णय घेता यावा. पण याविषयी नियम थोडे धुसर आहेत असे वाटते. मी अमुक एक गोष्ट बघून तो शेअर घ्यायचा निर्णय घेतला याचा अर्थ तो शेअर घ्या असा सल्ला झाला का? सेबीने कदाचित तसा अर्थ लावला असावा. जर कोणीही अमुक एक शेअर घ्या असे जाहीरपणे (युट्यूब/टेलिग्राम किंवा कुठेही ) म्हटले तर त्यावर डोळे झाकून विश्वास ठेवणारे लोक असतात. असे म्हणणार्‍या मनुष्याकडे योग्य ते ज्ञान नसेल आणि त्याचे डोळे झाकून अनुकरण केले तर त्यातून लोकांचे नुकसान होऊ शकते. म्हणून कोणीही याविषयी सल्ले द्यायला निघाला तर त्याच्याकडे सेबीचे लायसेन्स असले पाहिजे असा नियम आहे. आणि तसे परवाने देण्यापूर्वी सेबी परीक्षा घेते आणि त्या परीक्षेत कमीतकमी टक्के मार्क मिळवावे लागतात तरच सेबी परवाना देते. सेबीचे हे नियम त्या दृष्टीने योग्य आहेत. मात्र मुळात सल्ला म्हणजे काय- सर जे काही शिकवितात त्याला सल्ला म्हणता येईल का याविषयी तितकी स्पष्टता नसावी असे वरकरणी वाटते. आता अवधूत सर काय करतात ते बघायचे. आमच्यासारखे विद्यार्थी त्यांचे आजन्म समर्थक आहेत.
↩ प्रतिसाद: गामा पैलवान

गवि
Sat, 12/06/2025 - 11:19 नवीन
या शिक्षणासाठी किंवा सल्ल्यासाठी काही प्रकारची फी घेतली जात असेल तर मग काही नियम लागू होत असावेत. मग भले सल्ल्याचे स्वरुप कसे का असेना. (अमुक शेअर घ्या असे सांगणे किंवा मी का घेतला ते सांगणे) मोफत असते तर नियमात कदाचित काही शिथिलता योग्य ठरेल. या अकॅडमीत काही फी घेतली जाते का ते माहीत नाही.
↩ प्रतिसाद: चंद्रसूर्यकुमार

Bhakti
Sat, 12/06/2025 - 12:00 नवीन
मोफत असते तर नियमात कदाचित काही शिथिलता योग्य ठरेल.
माझ्यामते मोफतही सल्ला देणे गुन्हा आहे.मी एका इन्फ्लुएंसरला फॉलो करते ,त्याला एका गोल्ड म्युच्युअल फंड विषयी विचारले तरी त्याने ,सॉरी मी नियमानुसार हे सांगू शकत नाही असे सांगितले-त्याचे उत्तर
"SEBI नियमांनुसार मी Buy-Sell Tips देऊ शकत नाही. पण, मी तुम्हाला Swing Trading शिकवतो, जेणेकरून तुम्ही स्वतःचे ट्रेडिंग निर्णय घेऊ शकाल. कोर्स जॉईन केल्यानंतर आमच्या WhatsApp Group मध्ये Access मिळेल.
↩ प्रतिसाद: गवि

चंद्रसूर्यकुमार
Sat, 12/06/2025 - 20:18 नवीन
अवधूत साठे ट्रेडिंग अ‍ॅकॅडेमीमध्ये फी नक्कीच घेतली जाते. पण सेबीचे नियम फी घेतली किंवा घेतली नाही यावर अवलंबून नसतात. २०१८ च्या सुमारास युट्यूबवर एक ट्रेडर्स डेस्टिनेशन म्हणून चॅनेल होता. तो मी फॉलो करायचो. अजूनही तो चॅनेल आहे पण त्यातील बरेचसे व्हीडिओ त्या चॅनेलवाल्याने काढले आहेत आणि गेल्या ७ वर्षात नवीन काहीही अपलोड केलेले नाही. सेबीचे नियम आल्यानंतर त्याने आपल्यावर कारवाई होईल या भितीने तो चॅनेल आवरता घेतला असे दिसते. मूलभूत प्रश्न हा की अवधूत सर जे काही शिकवत होते त्याला सल्ला म्हणता येईल का? सेबीने त्यांच्या वेबिनारमधील काही स्क्रिनशॉट जोडले आहेत आणि त्यात ते काय म्हणाले हे पण जोडले आहे. त्यातही 'मैने इस लेव्हल पर बाय किया' असेच म्हटले आहे. तुम्ही त्या लेव्हलला बाय करा असे नाही. मी या चर्चेत जे काही लिहित आहे ते माझे स्वतःचे अनुभव आहेत. मला अवधूत साठे ट्रेडिंग अ‍ॅकॅडेमीचा अनुभव चांगला वाटला हे लिहिले आहे. याचा अर्थ मी इतरांना 'तुम्ही पण जॉईन करा' असा सल्ला दिला असा होतो का? तसेच काहीसे अवधूत सर जे बोलतात त्याविषयी असावे असे मला वाटते. दुसरी गोष्ट म्हणजे आस्ता (अवधूत साठे ट्रेडिंग अ‍ॅकॅडेमी) च्या लक्ष्मी म्हणून काही 'सक्सेस स्टोरी' आहेत असा दावा केला आहे. त्यात दोघींनी दावा केला त्यापेक्षा बराच कमी फायदा झाला असे सेबीला सापडले. पण त्या दोघींनी स्वतःच्याच नाही तर त्यांच्या नवर्‍यांच्या अकाऊंटमधूनही ट्रेडींग केले असले तरी आश्चर्य वाटू नये. तसे बर्‍याच जणी करतात. अनेक पुरूष ट्रेडर्सही बायकोच्या अकाऊंटमधून ऑर्डर टाकतात. सेबीने चौकशी करताना जर बायकोच्या पॅनकार्डवर किती व्यवहार आहेत हे बघितले तर आकडा कमीच दिसेल. तिसरी गोष्ट म्हणजे काही ठिकाणी असे आले आहे की अ‍ॅकॅडेमीच्या ६५% विद्यार्थ्यांना तोटा होतो. यात आश्चर्य काय? रिटेल ट्रेडर्सपैकी ९०% जणांना तोटा होतो हे जगजाहीर आहे. मग सगळ्या रिटेल ट्रेडर्सपैकी १०% ना फायदा होत असेल तर अवधूत साठेंच्या ३५% विद्यार्थ्यांना फायदा होत आहे असे म्हटले तर तोच आकडा एकदम भारदस्त दिसायला लागेल. अजून नाट्यमयता आणायला एकूण रिटेल ट्रेडर्सच्या सरासरीच्या साडेतीन पटीने अवधूत साठेंच्या विद्यार्थ्यांना फायदा होतो असे म्हटले तर ज्यांना यातले काही कळत नाही त्यांना वाटेल- वा वा कित्ती कित्ती छान. चौथी गोष्ट म्हणजे अनेक ठिकाणी अवधूत साठे ओव्हरनाईट करोडपती व्हाल, काही न करता पैसे मिळतील असले दावे करतात असले भंपक प्रकार आले आहेत. त्या लोकांना अ‍ॅकॅडेमीविषयी आणि अवधूत साठेंविषयी काहीही म्हणजे काहीही माहित नाही एवढेच बोलतो. ते नेहमी म्हणतात- तुम्ही स्वतःला १००० दिवस द्यायची तयारी ठेवा. १००० दिवस म्हणजे त्या दिवसात भरपूर कष्ट करायचे- भरपूर बॅकटेस्टिंग करायचे. नुसते एक हजार दिवस झाले म्हणून काही न करता (किंवा पाहिजे तितके प्रयत्न न करता) यश मिळेल अशी अपेक्षा कोणाची असेल तर ते मूर्ख आहेत एवढेच म्हणेन. मला स्वतःला १००० पेक्षा जास्त दिवस झाले आहेत. तरी मी पाहिजे त्या पातळीला आहे का? नाही. याचा अर्थ अवधूत साठेंमध्ये किंवा त्यांच्या शिकविण्यात काही खोट आहे का? तर अजिबात नाही. मी तितक्या प्रमाणात प्रयत्न केले आहेत का? ते नेहमी सांगतात तुम्ही सोशल मिडियात जेवढा वेळ घालविता तो न घालविता चार्ट्स बघा. ते मी करत आहे का? नाही. मिसळपाववर मी अनेकदा येतोच ना? तेव्हा मी पूर्ण प्रयत्न करत नसेन तर ती चूक कोणाची? माझी की अवधूत साठेंची? पण बहुतेकांना आपण चुकत असू हेच मान्य करायची तयारी नसते. कोणीतरी टीप्स द्यायच्या आणि यांना काही न करता पैसे पाहिजेत अशी अपेक्षा असते. अवधूत साठेंच्या अगदी पहिल्या सेशनमध्ये त्यांनी एक साधा प्रश्न विचारला होता- कोणाकोणाला पैसे हवेत? बहुतेक सगळ्यांचे हात वर होते. तेव्हा त्यांनी म्हटले- की हात वर केलेल्या सगळ्यांनी बाहेर जा. अर्थात कोणालाही बाहेर काढले नाही पण त्यांचे पुढचे वाक्य होते- इथून स्किल्स शिका. पैसा हे बाय प्रॉडक्ट असेल. पैशावर फोकस ठेवलात तर आयुष्यात कधी मार्केटमध्ये यश यायचे नाही. यापैकी एक कणही माहित नसलेले लोक हातात किबोर्ड आहे म्हणून बडवत सुटलेत आणि काहीही लिहित सुटलेत. आमचा अवधूत सरांवर पूर्ण विश्वास आहे. माझी इच्छा आहे की त्यांनी याविरूध्द कोर्टात जाऊन कोर्टाकडून शेअर मार्केटमध्ये सल्ला म्हणजे नक्की काय ही व्याख्या त्या निमित्ताने व्हावे असे फार वाटते. असो.
↩ प्रतिसाद: गवि

कंजूस
Sat, 12/06/2025 - 05:47 नवीन
आपण कोणतीही गोष्ट व्यापारी तत्त्वावर सुरू करतो तेव्हा त्यास लागू होणारे सर्व नियम पाळावे लागतात. कारवाई झाल्यावर चिडचिड करून काही उपयोग नसतो. अमेरिकेत काही भारतीय ज्योतीषी व्यवसाय करतात पण भारतातले आणि अमेरिकेतले नियम वेगळे आहेत याची त्यांना जाण आहे. " By using this you agree to our privacy policy and conditions" , ' read here' असे करार असतात ते आपण विविध apps मध्ये पाहतोच. तशा अटी आणि नियम गिऱ्हाईकांना ( customers) मान्य करायला लावूनच उपक्रम राबवावे लागतात. म्हणजे स्थानिक आस्थापना नियम अटी लागू होतात. त्या पार कराव्या लागतात. [ मी एके ठिकाणी वाचलं की रशियामध्ये गरजूंना फुकट जुने कपडे वाटायचे असतील तरीही जीएसटी लागतो. लोकांच्या भल्यासाठी करतोय म्हणून करातून सूट नाही. इमारतीच्या ( सोसायटीच्या) गच्चीवर डान्स क्लास फुकट चालवायचा तरीही सोसायटीची परवानगी लागते. शहरात गावात एखाद्या मोकळ्या मैदानात दुर्बिणीतून आकाशदर्शन फुकट दाखवायचे असले तरीही पोलिसांची परवानगी लागते. सार्वजनिक जागेवर लोकांना जमवण्यासाठी परवानगी. ]

Bhakti
Sat, 12/06/2025 - 10:50 नवीन
आपण कोणतीही गोष्ट व्यापारी तत्त्वावर सुरू करतो तेव्हा त्यास लागू होणारे सर्व नियम पाळावे लागतात. कारवाई झाल्यावर चिडचिड करून काही उपयोग नसतो
बरोबर,साठे यांनी पसारा खुप वाढवला होता(चांगल्या अर्थाने).त्यातली एखादी वाट चुकून चुकली की ठरवून चुकली ,हा येणारा तपासच सांगेल.परंतु शेअर मार्केटमध्ये अजून एक केस स्टडी या रूपाने मिळाली आहे.
↩ प्रतिसाद: कंजूस

कानडाऊ योगेशु
Sat, 12/06/2025 - 12:50 नवीन
म्युट्युअल फंडांच्या टीवी वर वारंवार झळकणार्या जाहीरीती ह्या कायद्याअंतर्गत येतात का? अश्या प्रत्येक जाहीरीतींच्या शेवटी म्युच्युअल फंड्स आर स्ब्जेक्ट टू मार्केट रिस्क..ब्ला..ब्ला..ब्ला..हा जाहीरात फास्ट उरकुन टाकणारा डिस्क्लेमर येतोच येतो.

विवेकपटाईत
Sun, 12/07/2025 - 17:19 नवीन
पूर्वी मध्यमवर्गीय एखाद्या कंपनीचे शेअर घेऊन. अनेक वर्षांनंतर गरजेच्या वेळी विकायचे कंपनी सतत नफ्यात असेल तर, उत्तम परतावा मिळत असे. पण आज मध्यमवर्गाला कमी वेळात पैसा कमवायचा आहे. कमी वेळात जास्त पैसा शेअर बाजारात आहे, असे स्वप्न दाखविणारा अवधूत साठे. पण लोक विसरून जातात रोजची ट्रेडिंग म्हणजे जुगार आणि जुगारात भाग्य महत्वपूर्ण ठरते. .

चंद्रसूर्यकुमार
Sun, 12/07/2025 - 18:24 नवीन
कमी वेळात जास्त पैसा शेअर बाजारात आहे, असे स्वप्न दाखविणारा अवधूत साठे.
पटाईत काका, माफ करा पण हे वाचून गुडघ्यातील प्रतिसाद देणारे अनेक आणि तुम्ही यात फरक आहे असे वाटत होते तो गैरसमज होता असे वाटते. अवधूत सरांनी शेअर बाजारात कमी वेळात जास्त पैसा आहे अशी स्वप्ने नक्की कधी आणि कुठे दाखवली हे सांगता का? की दिल्लीत राहून केजरीवालांची थापा मारायची सवय तुम्हाला पण लागली आहे? अर्थात तुम्हाला प्रश्न विचारणाऱ्या प्रतिसादांची तुम्ही दखलही घेत नाही हे माहित आहे त्यामुळे तुम्ही यावर काहीही लिहिणार नाही हे माहित आहे पण अवधूत सर नक्की काय सांगतात हे तुम्हाला काहीही माहीत नाही असे दिसते. असो.
↩ प्रतिसाद: विवेकपटाईत

युयुत्सु
Sun, 12/07/2025 - 18:51 नवीन
Rofl
↩ प्रतिसाद: चंद्रसूर्यकुमार

कपिलमुनी
Sun, 12/07/2025 - 20:51 नवीन
जाऊ द्या . इतका दुष्ट रिप्लाय नका हो देऊ.. वयाचा विचार करा ही इनन्ति
↩ प्रतिसाद: चंद्रसूर्यकुमार

विवेकपटाईत
Mon, 12/08/2025 - 18:46 नवीन
तुम्ही अवधूत चे रील्स बघितले का? जल्लोषाचे वातावरण बघितले आहे का? नाचणारे शॉट्स पाहूनच मी प्रतिसाद दिला आहे. स्वप्न याहून वेगळे काय असतात तुम्हीच सांगा.
↩ प्रतिसाद: चंद्रसूर्यकुमार

चंद्रसूर्यकुमार
Mon, 12/08/2025 - 19:15 नवीन
असली एखादी गोष्ट आऊट ऑफ कॉन्टेक्स्ट घेतली की मग असलेच काहीतरी तर्क लढविले जाणार. तुम्ही ज्याला जल्लोषाचे वातावरण म्हणता ते मी नुसते रील्समध्ये बघितलेले नाहीये तर स्वतः अनुभवले आहे. काहीही झाले तरी- म्हणजे मार्केटमध्ये प्रॉफिट/लॉस काहीही झाला तरी take it in your stride आणि 'मजा आ गया' असे म्हणता आले पाहिजे असे सर सांगत असतील, एका ध्येयाने प्रेरीत झालेले लोक एकत्र आले असतील तर मग उत्साहाचे किंवा तुम्ही म्हणता तसे जल्लोषाचे वातावरण असेल की लोक सुतकी चेहरा करून बसतील?
नाचणारे शॉट्स पाहूनच मी प्रतिसाद दिला आहे
हो अवधूत सर असे बर्‍याचदा उत्साहाच्या भरात नाचतात. अ‍ॅकॅडेमीचा एक 'ओजीएम कार्ड' (Opportunity generating machine) म्हणून प्रकार आहे. सरांनी ठरविल्याप्रमाणे मार्केटमध्ये एका पातळीवर यश मिळाले की मग त्या व्यक्तीला ते ओजीएम कार्ड दिले जाते. अ‍ॅकॅडेमीच्या विद्यार्थ्यांसाठी मार्केटमधून यश मिळवायची ती एक महत्वाची पायरी आहे. असे ओजीएम कार्ड द्यायचा एक कार्यक्रम असतो. त्यावेळेस त्यांचा आनंद सरच नाही तर इतर बरेच ट्रेनर्स नाचून साजरा करतात. त्यात वाईट काय आहे? सतत चौकोनी चेहरा करून मख्खासारखे बसून राहायचे का? ते कार्ड मिळालेल्यांचे हजारो लोक अभिनंदन करत आहेत, त्यांचे यश उत्साहाने साजरे करत आहेत यातून ज्यांना ते कार्ड मिळालेले नाही त्यांनाही आपल्याला ते कार्ड मिळण्यासाठी- पक्षी तितके यश मिळविण्यासाठी काम करायची प्रेरणा मिळत असेल तर त्यात चूक काय आहे? ट्रेडिंग हा प्रकार एकलकोंडा (लोनली प्रोफेशन) आहे. अशावेळी एखादी कधी चूक झाली/ मोठा लॉस झाला तर आधार द्यायला किंवा ट्रेड मस्त चालला/ मोठा प्रॉफिट झाला तर तो साजरा करायलाही एका ध्येयाने/एका दिशेने जाणार्‍यांचा समुदाय सरांनी केला आहे आणि पूर्ण देशात ठिकठिकाणी हजारो लोक त्याचे सदस्य आहेत. अशावेळेस एकत्र येऊन मजा केली तर बिघडले कुठे? त्या समुदायात अगदी दहावी नापासपासून न्यूरोसर्जन आणि ऑन्कॉलॉजिस्टपर्यंत सगळ्या प्रकारचे लोक आहेत. तिथे प्लेटो आणि अ‍ॅरिस्टॉटलच्या तत्वज्ञानावर किंवा तत्सम गहन विषयावर चर्चा करत बसले तर तो समुदाय टिकेल का? एकूणच सरांची अ‍ॅकॅडेमी म्हणजे काय आहे याविषयी काहीही माहित नसताना अर्धवट पण नाही तर चतकोरवटपेक्षा कमी माहितीवर, इकडे हा रील बघितला, तिकडे तमका व्हिडिओ बघितला यावरून लोकांना वाईट मत बनविताना बघून आश्चर्य वाटते.
↩ प्रतिसाद: विवेकपटाईत

विवेकपटाईत
गुरुवार, 12/11/2025 - 14:48 नवीन
मी कोणतेही मत बनविलेले नाही.पण नाच पाहून थोड्या वेळात श्रीमंत बनण्याचे स्वप्न पाहणारे भुलले. He सत्य आहे. हसत नाचून पैसे कमविता येतात. असेच अनेकांना वाटले आणि ते फसले. Amway वाले ही असेच कार्यक्रम करून मासे पकडतात.
↩ प्रतिसाद: चंद्रसूर्यकुमार

हणमंतअण्णा शंक…
Mon, 12/08/2025 - 02:18 नवीन
खूप आनंद झाला. हजारो तरुणांना ज्यांना रिस्क म्हणजे काय आणि ती कशाशी खातात याचे कोणतेही भान न देता ट्रेडिंग म्हणजेच झिरो सम गेम खेळायला लावणे, शिकवणे, आणि त्याचा प्रचार करणे हा गुन्हाच मानला गेला पाहिजे. हा एक आणि तो पुण्याजवळचा रवींद्र भारती. रवींद्र भारतीवर देखील सेबीने कारवाई केली. हे लोक नुसते ट्रेडिंग शिकवतात यावर जे लोक विश्वास ठेवतात त्यांना खडबडून जागे करावेसे वाटते. विशेषत, रवींद्र भारतीने शेकडो तरुणांना एजंट बनवून नफ्यावर नफा या तत्त्वाने हजारो लोकांना अ तिशय रिस्की इन्स्ट्रुमेंट्स मधे गुंतवणूक करायला लावली आहे. या लोकांना जेल मधेच पाठवावे.

मारवा
Tue, 12/09/2025 - 07:38 नवीन
1 सेबी च्या रिपोर्ट मध्ये एक बाब अशी आढळून आली की स्वतः अवधूत साठे यांनी स्वतः काही करोड 6 करोड च्या आसपासचा लॉस स्वतः च्या अकाउंट मध्ये स्वतः ट्रेडिंग करून केलेला आहे . यावर आपले काय मत आहे आणि सर्वव्यवहार ऑनलाइन असल्याने हे सहज सिद्ध करता येते 2 आपण स्वतः सेबी ची अंतरिम आदेशाची pdf पुर्ण वाचलेली आहे का 3 आपण स्वतः अवधूत साठे यांचा कोर्स करून नफा मिळविलेला आहे का ? डिटेल्स नको अर्थातच मी फक्त तुम्हाला काय अनुभव आला ते विचारतोय. 4 सर्व buy आणि सेल आणि स्टॉप लॉस आणि. टार्गेट देऊन हा ट्रेड मी करतोय बाकी तुमची इच्छा असे म्हणून पळवाट निघत नाही आपण कदाचित सेबी चे नियम जाणत नाही असे दिसते. तरी अगदी common sense वापरला तरी जेव्हा अवधूत साठे स्वतः सेबी registered advisor नसताना मुळात त्यांना indirectly सुद्धा advisory देणे हे कुठलीही कायदेशीर संस्था ज्यांची इच्छा अपात्र व्यक्तीने सल्ला देऊ नये अशी आहे त्यासाठी त्यांनी कायदा केला आहे तो साठे यांना नक्कीच माहीत आहे तरी असा "अप्रत्यक्ष "सल्ला देत साठे "उद्युक्त" करत होते हे उघड दिसतेय. शिवाय हे सर्व साठे यांची माहिती आहे तरीही "अप्रत्यक्ष सल्ला देतोय तुम्ही घ्या " ही कायदा मोडण्याची नियत intention उघड दाखवत नाही का ? 5 माझ्या व्यसनातून मला ट्रेनिंग च्या जवळपास 600 करोड मिळाले यात गैर काही नाही पण जे ट्रेडिंग मी लोकांना शिकवतोय ज्यातून कमावण्यासाठी लोक येत आहेत आणि मी सुद्धा तुम्ही माझ्या स्किल प्रमाणे विकसित केल्यास तुम्ही कमवाल ( हो हो side effect) आणि सर्व साईड इफेक्ट साठीच आलेले ट्रेडर्स. तर सरांचा स्वतःचा सिकल प्रामाणिकपणे उत्तमच असणार ट्रेडिंग चा तरीही सरांची ट्रेनिंग इन्कम 600 करोड जवळपास आणि सरांचा ट्रेडिंग इन्कम ? 6 करोड loss ? सराना स्वतः साईड इफेक्ट ऑफ स्किल 1 टक्का सुद्धा ट्रेडिंग मधून कमावता आले नाही का ? म्हणजे सरांचे खरे स्किल हे ट्रेनिंग चे आहे कदाचित जसे कस्तुरी मृग जाणत नाही की त्याच्या बेंबीत कस्तुरी आहे सराना जाणीव नसावी की त्यांचे खरे स्किल ट्रेनिंग आहे. सरांचे खरे स्किल माझ्या मते मार्केटिंग आहे. कारण नवीन बकरा पकडण्यासाठी 500 रुपयाचा eye opener ki closer course आणि क्रमाने पुढचे कोर्स सर्वात महागडा 6.75 लाख किंमतीचा कोर्स हे खरोखर काबिल ए तारीफ मार्केटिंग स्किल आहे.

गवि
Tue, 12/09/2025 - 09:42 नवीन
तुमच्याशी सहमत आहे. बरेच काही प्रश्न आणि विचार मनात येत होते. पण आमचे मित्र क्लिंटन हे टीकात्मक प्रतिसादांत खूपच सेन्सिटिव्ह झाल्यासारखे आणि दुखावल्यासारखे वाटत असल्याने व्यक्त व्हायची इच्छा झाली नव्हती. रोचक भाग असा की मला अवधूत साठे ट्रेडिंग अकॅडमी किंवा ते स्वतः यांच्याविषयी अजिबातच माहिती नव्हती. ते सोडा, ट्रेडिंग या विषयाचीही नव्हती. जे काही कळतं आहे ते चंद्रसूर्यकुमार यांच्या प्रतिसादांतून. आणि दुर्दैव असं की त्यांच्या प्रतिसादातच मला अत्यंत प्रभावित झालेल्या चाहत्याच्या खुणा (किंवा रेड फ्लॅग म्हणा) स्पष्ट जाणवले. त्यांच्या (साठे यांच्या) शिष्यांना ६५% च सरासरी तोटा होतो. बाकीच्यांना मात्र ९०% होतो. हे यश आहे. म्हणजे मुळात मेजॉरिटी तोटा होणाऱ्या क्षेत्रात हे मार्गदर्शन केले जात आहे आणि सरासरी अत्यंत वाईट आतबट्ट्याच्या (९०% लोकांना तोटा) व्यवहारापेक्षा कमी तोट्यात (६५% लोकांना किंवा ६५% तोटा) साध्य होते आहे. ही यशाची व्याख्या आहे. जिथे कोणा स्त्रियांच्या बाबतीत नफा चुकीचा आणि वाढीव दाखवला गेला आणि प्रत्यक्षात कमी आढळला, तिथे .. त्यांनी पती किंवा अन्य कोणाच्या नावाने ट्रेडिंग केले असेल. असे सर्रास होते. असे त्यावर स्पष्टीकरण आले आहे. ज्यांनी पैसा हवा म्हणून हात वर केला त्यांना बाहेर जा असे सांगितले, पण प्रत्यक्ष बाहेर काढले नाही. (तो इव्हेंट पेड असल्यास रिफंड द्यावा लागला असता का?) साधना नीट करा आणि सलग अमुक आठवडे, महिने, वर्षे करा. त्या काळात अमुक अमुक इतर काही न करता केवळ इकडे फोकस करा.. जर तुमचे लक्ष इकडे तिकडे भटकले आणि या क्ष महिन्यांच्या साधना काळात खंड पडला तर दोष साधकाचा. गुरुचा नाही. यश, नफा यांचे सर्व क्रेडिट गुरूंना, अपयश, तोटा, यांची जबाबदारी साधकाची. साधना नीट सांगितल्याप्रमाणे तंतोतंत पाळली नाही. मी फक्त मी काय केले आणि कसे यश मिळाले ते सांगतो. तुम्हाला यश मिळण्यासाठी तुम्ही स्ट्रॅटेजी खुद्द बनवणे आवश्यक आणि १००० दिवस सतत ती बनवणे आणि फोकस आवश्यक. पण अपयश आल्यास कंपनी जबाबदार नाही. कोणतीही जबाबदारी न घेणे पण आर्थिक मोबदला घेणे. परवाना आवश्यक असताना तो न घेता सल्लागार बनणे. असे इतरही काही फ्लॅग जाणवले. डिस्क्लेमर: अजूनही मला सत्य काय ते माहीत नाही. अशा दैनिक ट्रेडिंग व्यवहारांपासून अनेक मैल दूर असल्याने ते कळण्याचा मार्ग तूर्त बातम्या इत्यादि हाच आहे.
↩ प्रतिसाद: मारवा

चंद्रसूर्यकुमार
Tue, 12/09/2025 - 10:52 नवीन
त्यांच्या प्रतिसादातच मला अत्यंत प्रभावित झालेल्या चाहत्याच्या खुणा (किंवा रेड फ्लॅग म्हणा) स्पष्ट जाणवले.
मी जे काही स्वतः बघितले आहे ते लिहिले आहे. त्यापैकी एकही शब्द मी माझ्या कल्पनेतून लिहिलेला नाही. आता हे कोणाला रेड फ्लॅग किंवा ब्लॅक फ्लॅग किंवा अन्य कोणत्या रंगाचे फ्लॅग वाटत असले तर त्याविषयी मी काहीही करू शकत नाही.
त्यांच्या (साठे यांच्या) शिष्यांना ६५% च सरासरी तोटा होतो. बाकीच्यांना मात्र ९०% होतो. हे यश आहे. म्हणजे मुळात मेजॉरिटी तोटा होणाऱ्या क्षेत्रात हे मार्गदर्शन केले जात आहे आणि सरासरी अत्यंत वाईट आतबट्ट्याच्या (९०% लोकांना तोटा) व्यवहारापेक्षा कमी तोट्यात (६५% लोकांना किंवा ६५% तोटा) साध्य होते आहे. ही यशाची व्याख्या आहे.
युपीएससी, कॅट, आय.आय.टी जेईई करणार्‍या विद्यार्थ्यांपैकी किती विद्यार्थ्यांना खरे यश येते? तिथे तो आकडा १०% पेक्षा बराच कमी आहे. तरीही त्यासाठीचे मार्गदर्शन करणार्‍या संस्था आहेतच ना? तिथे यशाची व्याख्या काय? समजा एकूण विद्यार्थ्यांपैकी २% विद्यार्थ्यांना यश मिळत असेल पण अबक या संस्थेच्या ५% विद्यार्थ्यांना यश मिळाले तर मग ते त्या संस्थेचे यश म्हणायचे की ९५% विद्यार्थ्यांना अपयश येते म्हणून त्या संस्थेचे अपयश?
जिथे कोणा स्त्रियांच्या बाबतीत नफा चुकीचा आणि वाढीव दाखवला गेला आणि प्रत्यक्षात कमी आढळला, तिथे .. त्यांनी पती किंवा अन्य कोणाच्या नावाने ट्रेडिंग केले असेल. असे सर्रास होते. असे त्यावर स्पष्टीकरण आले आहे.
वरील प्रतिसादात लिहिले आहे ती लक्ष्मी गृहिणी आहे. तिचे स्वतःचे उत्पन्न असे काही नाही. तिने तिच्या नवर्‍याकडून पैसे घेऊन ट्रेडिंग सुरू केले. जर असा घसघशीत पैसा मिळाला तर मग इनकम टॅक्सचा झक्कू आपल्या मागे तर लागणार नाही ना हे पण एक कारण असते. नुसत्याच गृहिणीच नाही तर नवरा चांगले कमावत आहे पण त्याची बायको पाच-सात लाखाचे पॅकेजची नोकरी असलेली आहे असे अनेक ठिकाणी बघायला मिळेल. अशा स्त्रियाही अनेकदा थोडे ट्रेड आपल्या अकाऊंटमधून आणि जास्त नवर्‍याच्या अकाऊंटमधून टाकतात. अनेकदा नवरा-बायको दोघेही मोठ्या पदावर असतील आणि ट्रेड घ्यायचा आहे पण आज दिवसभर मिटींग आहेत पण दुसर्‍याला त्यामानाने वेळ आहे तर मग ज्याला वेळ असेल त्याच्या अकाऊंटमधून ऑर्डर टाकली जाते. हे सगळे परस्पर विश्वासातून होते. जोपर्यंत नियमानुसार सगळे काही होत आहे आणि त्या उत्पन्नावर कर भरले जात आहेत तोपर्यंत कोणालाही काही अडचण नसावी.
ज्यांनी पैसा हवा म्हणून हात वर केला त्यांना बाहेर जा असे सांगितले, पण प्रत्यक्ष बाहेर काढले नाही. (तो इव्हेंट पेड असल्यास रिफंड द्यावा लागला असता का?)
प्रत्यक्षात कोणालाही बाहेर काढायचा उद्देश नव्हता तर मार्केटमध्ये पैशावर फोकस ठेऊ नका, स्कील डेव्हलप करा मग पैसा येईलच हे विद्यार्थ्यांच्या मनावर ठसविण्यासाठी- थोडीशी नाट्यमयता आणून केले होते. मुख्य सेशन व्हायच्या आधी कन्सेप्ट वेबिनार असतात. ज्यांना मार्केटमधील काहीही माहित नाही अशांना मुख्य सेशनमध्ये यायच्या आधी बेसिक माहिती व्हायला हवी यासाठी ते कन्सेप्ट वेबिनार असतात. नाहीतर मुख्य सेशन सुरू असताना कॅन्डल म्हणजे काय हेच माहित नाही असे व्हायचे. चार सेशन- प्रत्येकी दोन दिवसांची. मी कोर्स केला तेव्हा पहिल्या सेशनच्या पहिल्या दिवसाच्या शेवटपर्यंत कोणाला ड्रॉप आऊट व्हायचे असेल त्यांना १००% पैसे परत करणार असे रिसीटवरच लिहिले होते. माझ्या बॅचमध्ये तरी कोणी असा रिफंड घेतल्याचे ऐकिवात नाही. म्हणजे तीन-चार कन्सेप्ट वेबिनार आणि मुख्य सेशनच्या पहिल्या दिवसाच्या शेवटपर्यंत इतकी १००% रिफंडची गॅरंटी होती. आता मला वाटते शेवटच्या कन्सेप्ट सेशनपर्यंत अशी गॅरंटी आहे.
यश, नफा यांचे सर्व क्रेडिट गुरूंना, अपयश, तोटा, यांची जबाबदारी साधकाची. साधना नीट सांगितल्याप्रमाणे तंतोतंत पाळली नाही.
सॉरी. यशाचे क्रेडिट सरांचे पण अपयशाची जबाबदारी विद्यार्थ्याची असे सर म्हणतात हे तुम्हाला कोणी सांगितले? अशा प्रत्येक प्रतिसादाचा प्रतिवाद करायला खरं तर वेळ नाही पण तरीही उगीच इतरांचे गैरसमज व्हायला नकोत म्हणून लिहित आहे. सर नेहमी म्हणतात की त्यांच्या २८-३० वर्षाच्या अनुभवातून मार्केटमध्ये काय चालते याविषयी त्यांचे सेट-अप्स ते देणार. ते सेट-अप १००% नक्कीच चालत नाहीत- कोणतीही गोष्ट १००% चालत नाही. साधे बेसिक सेट-अप ७०% वेळेस चालतात आणि त्यात अजून काही मसाला घातला तर ती टक्केवारी वाढते. त्यात मनी मॅनेजमेंट करून ट्रेड घ्या हे सर सांगतात. हे टाईम टेस्टेड ठोकताळे आहेत. ते तुम्हाला शिकविले आहेत, त्यात मार्गदर्शन लागल्यास- म्हणजे अमुक झाले तर तमुक करायचे का वगैरे प्रश्नांसाठी सपोर्ट सिस्टीम आहे. तुम्ही प्रोसेस फॉलो करा. त्यात यश आले तर 'थँक यू गॉड मार्केट' म्हणा आणि ट्रेड चालला नाही तर आपले काय चुकले (आणि चालला तरी काय बरोबर केले) याचे विश्लेषण करा एवढेच सर सांगतात. त्यापुढे जाऊन प्रत्येक ट्रेडमध्ये प्रॉफिट असल्यास तो गुड प्रॉफिट आहे की बॅड प्रॉफिट आहे तसेच लॉस असल्यास तो गुड लॉस आहे की बॅड लॉस आहे हे पण बघा. सगळी प्रोसेस (रिस्क मॅनेजमेंट आणि मनी मॅनेजमेंट- पोझिशन सायझिंग सकट) फॉलो करून प्रॉफिट झाल्यास तो गुड प्रॉफिट. आपण सगळी प्रोसेस फॉलो केली तरी मार्केट उलटे जाऊन लॉस होऊ शकतो. जर प्रोसेस फॉलो केली आहे तरीही लॉस झाला तर मग तो गुड लॉस. तसेच अंदाधुंद काहीतरी करून प्रॉफिट झाल्यास तो बॅड प्रॉफिट आणि लॉस झाल्यास तो बॅड लॉस. काहीही झाले तरी बॅड प्रॉफिटपासून सांभाळून राहा कारण आज तुक्का लागला आणि प्रॉफिट झाला म्हणजे आपणच गॉड आहोत असे वाटायला लागून पुढे कधीतरी पडणार तो खड्डा आपणच खणायला सुरवात करत असतो. सर एवढेच सांगतात की तुम्ही गुड प्रॉफिट आणि गुड लॉस करा. यात कोणी क्रेडिट घ्यायचा प्रश्न येतोच कुठे? इतक्या विद्यार्थ्यांचे क्रेडिट सर घेत बसले तर इतर काही करायला वेळच मिळायचा नाही. असो. एकूणच तुम्ही सगळे काहीही माहिती नसताना उगीच हवेत तीर मारत आहात. ज्यांना स्वतः कष्ट घ्यायची तयारी आहे अशा विद्यार्थ्यांपैकी कोणीही सरांविषयी वाईट बोलत नाहीये. पण सगळे काही आयते हवे, दुसरा कोणी टिप देणार आणि मी तसे करून पैसा पाहिजे असा अ‍ॅटिट्यूडवाले विद्यार्थी आणि ज्यांना सरांविषयी आणि अ‍ॅकॅडेमीविषयी काहीही माहित नाही असे लोकच वाईट बोलत आहेत. एकूणच काय की मी पैसे भरून अ‍ॅडमिशन घेतली ना मग यश मिळणे हा माझा जन्मसिध्द अधिकार आहे असे मार्केटमध्ये चालत नाही. मी आय.आय.टी जे.ई.ई साठी क्लासमध्ये पैसे भरून प्रवेश घेतला आता मला आय.आय.टी पवईला कॉम्पुटर सायन्सला प्रवेश मिळवून द्यायची जबाबदारी त्या क्लासच्या शिक्षकांची असे बोलले तर चालेल का? क्लासमधील शिक्षक फार तर मार्गदर्शन करू शकतात विद्यार्थ्याला स्वतःला कष्ट घ्यायलाच लागतात. मग मार्केटसंबंधी संस्थांमध्ये वेगळे का असावे?
↩ प्रतिसाद: गवि

गवि
Tue, 12/09/2025 - 11:24 नवीन
मुद्देसूद उत्तराबद्दल धन्यवाद. मी म्हटले त्यापैकी कोणतेही दावे खुद्द साठे यांनी केलेले आहेत असे मी म्हटलेच नाही. ए टू झेड जे काही मत झाले किंवा इंटरप्रिटेशन झाले ते केवळ तुमचे प्रतिसाद वाचून झाले. मी जे लिहीले त्यात कृपया काही पर्सनल घेऊ नये. वाचणाऱ्या त्रयस्थ व्यक्तीला असं का वाटलं असेल, आणि ती व्यक्तीही तुमच्याशी कोणताही आकस किंवा मागचे हिशोब नसलेली, मैत्री खात्यातली व्यक्ती... याचा विचार करून तटस्थ आणि त्रयस्थ मनाने आधीचे प्रतिसाद वाचले तर माझी बाजू कदाचित समजून घेता येईल. पुन्हा एकदा, माझ्या प्रतिसादावर तपशीलवार उत्तर लिहिल्याबद्दल थॅन्क्स क्लिंटन..
↩ प्रतिसाद: चंद्रसूर्यकुमार

चंद्रसूर्यकुमार
Tue, 12/09/2025 - 13:22 नवीन
धन्यवाद. खरं सांगायचं तर सरांची अ‍ॅकॅडेमी नक्की काय आहे याचा अंदाज तिथे न गेल्यास येणार नाही. सर आपल्या विद्यार्थ्यांसाठी जितके करतात तितके इतर कोणत्याही ट्रेनिंग अ‍ॅकॅडेमीचे कोणी करत असेल असे वाटत नाही. मुख्य कोर्सची चार मोड्युल आहेत. वर म्हटल्याप्रमाणे मुख्य सेशनच्या आधी कन्सेप्ट वेबिनार, मग दोन दिवसांचे मुख्य सेशन असते. त्यानंतर प्रत्येक मोड्युलला तीन किंवा चार रिव्हिजन वेबिनार असतात. ते सध्याच्या बॅचचे विद्यार्थी लाईव्ह अटेंड करू शकतात. इतर सगळ्या पूर्वीच्या विद्यार्थ्यांना त्या रिव्हिजन वेबिनारचे रेकॉर्डिंग मिळते. ते डाऊनलोड करता येत नाही पण साईटवर १०-१२ दिवस ठेवतात. ते जुने विद्यार्थी किंवा सध्याच्या बॅचचे विद्यार्थीही बघू शकतात. मॉड्युल चालू असताना होमवर्क देतात. त्याविषयी काही मार्गदर्शन लागले तर दर १०-१२ विद्यार्थ्यांमागे एक मॉनिटर असतो. अशा चार-पाच मॉनिटर्समागे एक सिनिअर मॉनिटर असतो. मुख्य ट्रेनर (मुंबईसाठी स्वतः अवधूत सर, तर नवी मुंबई, पुणे, अहमदाबाद, कोचीन, बंगलोर, दिल्ली, कलकत्ता, दुबई, अमेरिका वगैरेंसाठी त्यांच्याच तालमीत तयार झालेले इतर ट्रेनर्स) दोन दिवसांचे मुख्य सेशन आणि रिव्हिजन वेबिनार घेतात. त्या व्यतिरिक्त मॉनिटर आणि सिनिअर मॉनिटरची पण शंकानिरसनासाठी सेशन असतात. चार मोड्युल पूर्ण झाल्यानंतर एक परीक्षा असते. त्या परीक्षेत चांगले मार्क आले की मग स्थानिक ए.एस.सी मध्ये प्रवेश मिळतो. आमच्या नवी मुंबईत ८ ए.एस.सी आहेत. मुंबई-ठाण्यात ३०-४० सुध्दा असली तरी आश्चर्य वाटू नये. स्वतः अवधूत सर दर महिन्यातून एक सेशन पूर्ण देशातील विद्यार्थ्यांसाठी घेतात तर ठिकठिकाणचे ट्रेनर्स दर तीन महिन्यातून सेशन घेतात. प्रत्येक ए.एस.सी मध्ये एक को-ऑर्डिनेटर असतो. त्यांचीही सेशन्स होतात. मार्केटविषयी काहीही अडचण आली किंवा इतके दिवस ठीक चालले होते आता अचानक फटके बसायला लागले आहेत असे झाले तर किंवा अन्यथाही को-ऑर्डिनेटरला कधीही कॉल करून शंकानिरसन करता येते. मधून मधून स्थानिक सदस्य ऑनलाईन आणि कधीकधी ऑफलाईन भेटतात आणि चार्टवर तर चर्चा करतातच पण त्याव्यतिरिक्त प्रत्यक्ष भेटल्यास खादाडी आणि मजाही करतात. आपल्या विद्यार्थ्यांसाठी इतके कोणीही करत नाही. आणि हो. पहिल्या चार मोड्युलचे पैसे भरले की मग रिव्हिजन वेबिनारचे रेकॉर्डिंग आणि इतर सेशन्ससाठी एक छदामही भरावा लागत नाही. उद्देश हाच की एका उद्देशाने प्रेरीत झालेला समूह तयार करून एकमेकांना मदत करावी आणि गरज लागल्यास आधार द्यावा. कारण मार्केट वाटते तितके सोपे नाही. एकटा माणूस राहिल्यास दोन थोबाडीत बसल्यावर हे आपल्याला झेपणार नाही म्हणून बाहेर पडेल. अशावेळेस आपले काय चुकले हे पॉईंट आऊट करणारे पण त्या ट्रेडमध्ये नसलेले म्हणून त्रयस्थ असतील तर ते चांगले असते. या कारणासाठी ठिकठिकाणी असे समूह सरांनी तयार केले आहेत. तेव्हा सांगायचा उद्देश हा की सरांनी निर्माण केलेली ही एकदम रोबस्ट सपोर्ट सिस्टीम आहे. उद्देश हाच की मार्केटमध्ये यश मिळालेले आणि स्वतः स्वतंत्रपणे कोणावरही अवलंबून न राहता योग्य निर्णय घेऊ शकणारे independent professional traders बनावेत. ती सगळी दुनियाच वेगळी आहे. तेव्हा लिहायचा उद्देश हा की आता मिडियात आणि सोशल मिडियात जे काही उलट सुलट येत आहे त्यांना खरोखरची माहिती आहे असे वाटत नाही. यातील सगळ्या गोष्टी मी स्वतः अनुभवल्या आहेत म्हणून अगदी १००% स्वतःचा अनुभव लिहिला आहे. असो.
↩ प्रतिसाद: गवि

चंद्रसूर्यकुमार
Tue, 12/09/2025 - 10:00 नवीन
सरांचे खरे स्किल माझ्या मते मार्केटिंग आहे. कारण नवीन बकरा पकडण्यासाठी 500 रुपयाचा eye opener ki closer course आणि क्रमाने पुढचे कोर्स सर्वात महागडा 6.75 लाख किंमतीचा कोर्स हे खरोखर काबिल ए तारीफ मार्केटिंग स्किल आहे.
या वाक्यावरून तुमचा पूर्वग्रह स्पष्ट दिसत आहे. त्यामुळे खरं तर तुमच्या प्रतिसादावर काहीही लिहायची इच्छा नव्हती. पण म्हटले की याचा प्रतिवाद केला नाही तर मग ज्यांना याविषयी काहीही माहित नाही त्यांचे मत विनाकारण प्रतिकूल बनेल म्हणून लिहित आहे. खरं सांगायचं तर तुमच्यासारखे छप्पन्न टीकाकार बघितले आहेत- तुम्ही सत्तावन्नावे. हाकानाका. सगळ्यात पहिल्यांदा स्वतः सरांना तथाकथित ६ कोटी लॉस आणि ट्रेनिंग इनकम ६०० कोटी याविषयी. सरांनी परवा रात्री एक स्पेशल वेबिनार घेतला आणि त्यात बर्‍याच गोष्टी सांगितल्या. सगळ्यात पहिल्यांदा आस्ताच्या एका लक्ष्मीने (योगायोगाने तिचे नावही लक्ष्मीच आहे) एक कोटी प्रॉफिट केला अशी जाहिरात केली पण तिचा प्रॉफिट ४.१७ लाख आहे हे सेबीच्या पीडीफमध्ये लिहिले आहे त्याविषयी. ती लक्ष्मी त्या वेबिनारमध्ये होती आणि तिने स्वतः लाईव्ह वेबिनारमध्ये तिच्या आणि तिच्या नवर्‍याच्या झिरोधा कोन्सोलमध्ये लॉगिन करून स्क्रिन शेअर करून डिसेंबर २०२० ते मार्च २०२३ या काळात (सेबीच्या अहवालात उल्लेख आहे त्याप्रमाणे) तिचा नक्की प्रॉफिट किती झाला ते सगळ्यांना दाखविले. ४.१७ लाख हा आकडा नक्की कुठून आला हे आपल्याला पण कळले नाही हे तिने सांगितले. अ‍ॅकॅडेमी सेबीला याविषयी 'मिसरिप्रेझेन्टेशन' झाले आहे म्हणून पुराव्यानिशी काही पेपर फाईल करणार आहे. तिच गोष्ट स्वतः अवधून सरांची. मी उपस्थित असलेल्या अगदी पहिल्या सेशनमध्ये त्यांनी सांगितले होते की विद्यार्थी फी भरत आहेत त्यातील सगळे पैसे गुरूकूल बांधायला आणि तिकडची व्यवस्था बघायला तसेच कंपनीचा खर्च चालवायला वापरले जातील आणि त्यांच्या घरचा खर्च चालवायला त्यांचे ट्रेडिंगमधील उत्पन्न पुरेसे आहे. अ‍ॅकॅडेमीचे पहिले गुरूकूल मागच्या वर्षी (की या वर्षी जानेवारीत असेल) कर्जतजवळ सुरू झाले आहे. मी अजून तिथे गेलेलो नाही पण तिकडचे व्हिडिओ आणि तिथे जाऊन आलेल्यांनी सांगितल्याप्रमाणे ते गुरुकूल एखाद्या फाईव्ह स्टार रिसॉर्टप्रमाणे आहे. तिथे जमीन विकत घेणे, बांधकामाचा खर्च यासाठी फी मधून आलेले पैसे वापरले जातील हे पण सरांनी सांगितले होते. मला वाटते तिकडे विद्यार्थी, मॉनिटर, ट्रेनर वगैरे मिळून कधीही दीड-दोनशे लोक असतात. त्यामुळे एखाद्या हॉटेलमध्ये असते त्याप्रमाणे हाऊसकिपींग, मेन्टेनन्स, लॉन्ड्री, अ‍ॅडमीन वगैरे सगळी व्यवस्था आहे. जेवणाचे कंत्राट कोणा कंत्राटदाराला दिले आहे. सांगायचा मुद्दा हा की तो सगळा खर्च विद्यार्थ्यांच्या फी मधून चालविला जातो. सर नेहमी म्हणतात की ट्रेडिंगमध्ये यश मिळायचे असेल तर एका योग्य वातावरणात एकत्र अभ्यास झाला तर ते लाभदायक असते. ते गुरूकूल त्यासाठी आहे. सरांनी अजूनही सांगितले आहे की हे पहिले गुरूकूल आहे. पूर्ण देशात वेगवेगळ्या ठिकाणी अशी २१ गुरूकूल व्हावीत असे त्यांचे स्वप्न आहे. मार्केट संबंधी असे गुरूकूल इतर कुठे नसावे. त्यामुळे ६०० कोटी हे ट्रेनिंगमधील आलेले उत्पन्न सरांचे उत्पन्न आहे ही धारणाच मुळात चुकीची आहे. आता सरांना स्वतः लॉस झाला असे आले आहे त्याविषयी. सरांनी त्याविषयी सांगितले की त्यांचा स्वतःचा प्रॉफिट डबल डिजीट कोटींमध्ये आहे आणि योग्य वेळेस ते पुरावे जाहीर करतील आणि सगळ्या सत्तावन्न लोकांचे दात घशात घालतील (पुढचे वाक्य माझे- सरांचे नाही). २०२४ च्या जानेवारी महिन्यात सर बराच काळ गुरूकुलाच्या कामाच्या तिथे होते आणि त्यामुळे त्यांना स्वतःच्या ट्रेडिंग पोझिशन्स वेळेवर क्लोज करता आल्या नाहीत म्हणून त्यांना त्या महिन्यात पाचेक कोटींचा लॉस झाला होता हे त्यांनी तेव्हाच सेशनमध्ये सांगितले होते. पण २४ महिन्यात सहा कोटींचा लॉस आणि ट्रेनिंगचे उत्पन्न ६०० कोटी या दोन्ही गोष्टी चुकीच्या आहेत. त्यासाठी लीगल टीम जे काही करायचे आहे ते करत आहे.
सर्व buy आणि सेल आणि स्टॉप लॉस आणि. टार्गेट देऊन हा ट्रेड मी करतोय बाकी तुमची इच्छा असे म्हणून पळवाट निघत नाही आपण कदाचित सेबी चे नियम जाणत नाही असे दिसते. तरी अगदी common sense वापरला तरी जेव्हा अवधूत साठे स्वतः सेबी registered advisor नसताना मुळात त्यांना indirectly सुद्धा advisory देणे हे कुठलीही कायदेशीर संस्था ज्यांची इच्छा अपात्र व्यक्तीने सल्ला देऊ नये अशी आहे त्यासाठी त्यांनी कायदा केला आहे तो साठे यांना नक्कीच माहीत आहे तरी असा "अप्रत्यक्ष "सल्ला देत साठे "उद्युक्त" करत होते हे उघड दिसतेय.
दोन गोष्टी- सरांची ९५%- कदाचित जास्तच सेशन मार्केट संपल्यानंतर असतात. त्यात 'मी ट्रेड करतोय बाकी तुमची इच्छा' म्हणायचा प्रश्नच नाही. तर त्या दिवशी मार्केट चालू असताना नक्की काय बघून तो ट्रेड घेतला हे त्यात ते सांगतात. मी ट्रेड घेतला आणि ट्रेड घेतोय या दोन गोष्टींमध्ये बराच फरक आहे. लाईव्ह मार्केट दरम्यान सेशन असतात ती लाईव्ह मार्केट ट्रेनिंग सेशन असतात लाईव्ह मार्केट ट्रेडिंग सेशन नाही. मी असे एकच सेशन बघितले आहे. त्यावेळेस आम्हाला लॅपटॉप घेऊन यायचा नाही अशी स्पष्ट सूचना होती. तसेच मार्केट सुरू होण्यापूर्वी पण सरांनी- कोणीही ट्रेड कॉपी करायचा नाही तर या सेशनचा उद्देश लाईव्ह मार्केटमध्ये नक्की काय बघायचे हे शिकविणे हा आहे हे स्पष्ट केले होते. लॅपटॉप घेऊन यायचा नाही हा दंडक सर घालू शकतील पण फोनही आणू नये असा दंडक कसा घालणार? घरच्यांशी बोलायचे असते, उबर-ओला बुक करायची असते, इतरही पन्नास कामे फोनवर होतात त्यामुळे फोन सगळ्यांबरोबर असतोच. आता कोणी फोनवर ट्रेड घेतला तर त्याला कोणीच नियंत्रण घालू शकणार नाही. कदाचित असे केल्यास सेबीच्या नियमांचे उल्लंघन होणार नाही असे सरांना वाटले असेल. ती चूक असेल तर नियामानुसार कारवाई होईलच. पण सरांची नियत वाईट आहे/होती यावर सरांचा कोणीही जेन्युईन विद्यार्थी विश्वास ठेवणार नाही. म्हणूनच म्हटले की या निमित्ताने प्रकरण कोर्टात जाऊन अ‍ॅडव्हायजरी म्हणजे नक्की काय- सर जे काही करतात ती अ‍ॅडव्हायजरी आहे का हे स्पष्ट व्हावे असे फार वाटते. आतापर्यंत सेबीने अशी कारवाई अनेकांवर केली आहे. आमच्या नवी मुंबईत अस्मिता पटेल म्हणून एक आहे. तिच्यावरही अशीच कारवाई केली. तेव्हा इतकी चर्चा कुठेही झाली नव्हती. आज अवधूत साठेंचे नाव आल्यावर इतकी चर्चा होते आहे त्याचे कारण आस्ता ही भारतातील सगळ्यात मोठी ट्रेनिंग अ‍ॅकॅडेमी आहे. सर मुंबईचे म्हणून मुंबईत समजा एका वेळेस त्यांचे पाच-सहा हजार विद्यार्थी एकत्र आले . पण तेच सर कलकत्त्यात, दिल्लीत, बंगलोरमध्येही तसेच करू शकतात. तितके विद्यार्थ्यी सगळीकडे आहेत. माणूस जितका मोठा होतो तितके हितशत्रू वाढतात. त्यामुळे मग चर्चाही जास्त. असो.
↩ प्रतिसाद: मारवा

आग्या१९९०
Wed, 12/10/2025 - 15:06 नवीन
हे साठे नक्की ट्रेडिंग कशात करतात हे मला माहीत नाही. ज्याअर्थी त्यांना ट्रेडिंग पोझिशन्स क्लोज करता न आल्याने एका महिन्यात पाच कोटीचा लॉस झाला त्यामुळे ते कदाचीत FNO मध्ये ट्रेडिंग करत असावेत. समजा FNO मध्ये ड्रेडिंग करत असतील तर बहुतेककरून ते त्यांचा पोर्टफोलिओ हेज करत असावेत ,आणि तो ५० कोटीपेक्षा खूप जास्त असेल. त्यामुळे त्यांचा हा लॉस नगण्य असू शकेल. ते स्पेक्युलेटीव ट्रेडिंग करत असतील तर स्टॉप लॉस लावल्याशिवाय नक्कीच करणार नाहीत. परंतु त्यांना ट्रेडिंग पोझिशन क्लोज करायला वेळ मिळाला नाही हे मलातरी मान्य करायला जरा जड जातंय. कारण सगळ्या प्रकाराचे कॉल ॲलर्टची सुविधा असताना हे कारण पटत नाही. माझ्या नात्यातील एका मुलीने रु. ७५००० भरून ह्यांचा कोर्स केला आहे. सुरुवातीपासून FNO मध्ये ट्रेडिंग करू लागली. सगळ्या स्ट्रॅटेजी वापरून डोक्यावर आता कर्जाचा डोंगर उभा केलाय. मी तिच्याशी चर्चा करत नाही. आशेवर तिचे ट्रेडिंग चालू आहे. मारुतीच्या बेंबीत बोट घातलेय, गारच लागणार तिला. " वंदे मातरम् "
↩ प्रतिसाद: चंद्रसूर्यकुमार

मारवा
Wed, 12/10/2025 - 20:11 नवीन
हल्ली अनेक ट्रेडर्स verified p&l ची link देतात. Zerodha वर ही सुविधा उपलब्ध आहे त्याने पारदर्शकता येते. या बाबतीत forex market मध्ये अतिशय पारदर्शक अशा सुविधा आहेत. ज्यांना स्वतःच्या ट्रेड कॉपी ची permission द्यायची आहे ते live देऊ शकतात. काही forex प्लॅटफॉर्म इतके जबरदस्त आहेत की ते पूर्ण p&l विविध Matrix सहित डेटा देतात. म्हणजे drawdown किती आहे. रिस्क reward काय आहे, percents अमुक तमुक फुल डिटेल्स की ज्या योगे तुम्ही त्या ट्रेडर्स ची सर्विस घेऊ शकतात वगैरे. मुद्दा असा की कर नाही तर डर कीस बात की . पी सुंदर नाव हा ट्रेडर त्याचा पूर्ण p&l जाहीर करतो. एक प्रफुल्ल कुलकर्णी आहेत एक साहिल रोहमेहत्रा नावाचे काही जबरदस्त ट्रेडर्स आहेत जे बिनधास्त p&l नियमित देत असतात. मुळात शेअर ट्रेडिंग हा पक्के का धंदा है. सब कुछ एक नंबर त्यात सर्व डाटा उपलब्ध असतो tax पण भरलेला असतो. अर्थात डब्बा ट्रेडिंग सारखा बेकायदेशीर प्रकार असेल तर बाब वेगळी. अर्थात प्रत्येकाचे स्वातंत्र्य आहेच गुप्ततेचे मात्र किमान ज्यांना तुम्ही मोठी स्वप्ने दाखवतात आणि मुख्य म्हणजे ज्यांच्याकडून पैसे वसूल करतात त्यांना तरी p&l शेअर केला पाहिजे.
↩ प्रतिसाद: आग्या१९९०

dadabhau
Tue, 12/09/2025 - 17:28 नवीन
ह्या मायसुरांनी एक नवीन प्रकारची फुकटखावू लोकांच्या वर्गाची मस्त मानसिक सोय केलीय....दहादा उंटाच्या पार्श्वभागाचा मुका घ्यायला जाणारे हे लोक ९ वेळा लाथा खाऊन दवाखान्यात लाखो घालवतात.... पण साला एकदा मुका नीट घेतला गेला अन् १००० चे बक्षीस मिळाले तरी २००० ची पार्टी/सेलिब्रेशन करायचे.....हयात ज्यांना मज्जा येते अशांच्या जीवावर च तर ५००/६०० कोटी कमावता येतात ना? भले त्यातले ६ / ७ कोटी गेलेत जुगारात तर काय बिघडते? अंधश्रद्धा लोकांची अन् फुकट पैसा मिळवायची घाई....बाकी चालूच राहणार.... गिऱ्हाईक आहेत... माल विकणारे नवनवे निर्माण होतंच राहणार....

dadabhau
Tue, 12/09/2025 - 17:29 नवीन
ह्या माया सुरांनी एक नवीन प्रकारची फुकटखावू लोकांच्या वर्गाची मस्त मानसिक सोय केलीय....दहादा उंटाच्या पार्श्वभागाचा मुका घ्यायला जाणारे हे लोक ९ वेळा लाथा खाऊन दवाखान्यात लाखो घालवतात.... पण साला एकदा मुका नीट घेतला गेला अन् १००० चे बक्षीस मिळाले तरी २००० ची पार्टी/सेलिब्रेशन करायचे.....हयात ज्यांना मज्जा येते अशांच्या जीवावर च तर ५००/६०० कोटी कमावता येतात ना? भले त्यातले ६ / ७ कोटी गेलेत जुगारात तर काय बिघडते? अंधश्रद्धा लोकांची अन् फुकट पैसा मिळवायची घाई....बाकी चालूच राहणार.... गिऱ्हाईक आहेत... माल विकणारे नवनवे निर्माण होतंच राहणार....

गामा पैलवान
Tue, 12/09/2025 - 22:17 नवीन
चंद्रसूर्यकुमार, सेबीचा उत्साह पाहिला की, आंग्री यंग म्यान दाखवून कायदा मोडायचा सल्ला दिल्याबद्दल सेबी अमिताभ बच्चनवर खटला दाखल करणारसं दिसतंय. मलाही अमिताभला बदडून काढावंसं वाटतंच. सेबी परस्पर करणार असेल तर मी पप्पूकर्ण घेऊन बसायला तयार आहे. आ.न., -गा.पै.

स्वधर्म
Tue, 12/09/2025 - 22:55 नवीन
मी कधीही ट्रेडींग केलेले नाही, पण या विषयावर खालील व्हिडीओ पाहण्यात आला. त्यातले मुद्दे पटण्यासारखे वाटले. ते लोकांचे नाच वगैरे पाहिल्यावर काही वर्षांपूर्वी एक जपानी गादीचे फॅड आले होते व सूट बूट घालून लोक तिथे जात. तसल्या सेमीनारची आठवण झाली. तिथले वक्ते लोकांना स्वप्न काय आहे असे विचारत असत. कोणी कार घ्यायचे स्वप्न सांगितले त्याला एकदम फडतूस समजून स्वतःचे जेट घ्यायचे स्वप्न का नाही असे सुनावत. सर्व लोक भारून जात व साध्या गादीकरता ६०-७० हजार रू मोजत. ज्याने शेअर बाजारात ६ कोटी गमावले, त्याने लोकांना नादी लावून ५४६ कोटी कमावले ते असो, पण चंसूकु यांच्याबाबत खालील शब्द अत्यंत प्रभावित झालेल्या चाहत्याच्या खुणा (किंवा रेड फ्लॅग) वाचून लख्ख प्रकाश पडला. त्याचे कारण असे की पूर्वी महानेते किंवा भाजप या पक्षांबद्दल जे अनेक वाद, चर्चा झाली तेंव्हा एवढे स्पष्ट चुकीची धोरणे, विचार व कृती दिसत असून चंसूकु यांच्यासारखे राजकारणाचा चांगला अभ्यास असलेले लोक टोकाला जाऊन आपल्या पक्ष व नेत्याचे समर्थन करत. हे मुळीच दुसर्या बाजूने विचार का करत नसतील याचे आश्चर्य वाटायचे. इथेही त्यांनी वरती '.. आमच्यासारखे विद्यार्थी त्यांचे आजन्म समर्थक आहेत.' असे म्हटले आहे. आजन्म? सिरियसली? खरे तर हा एक अति श्रध्दावानांचाच प्रकार आहे. एकदा का एका व्यक्तीला महान मानलं की तो चुकलेला असू शकतो, त्याची नियत घसरू शकते असे कधीही, अगदी स्वतःचा प्रचंड तोटा झाला तरी मान्यच करायचे नाही.

चंद्रसूर्यकुमार
Tue, 12/09/2025 - 23:30 नवीन
मला जे काही लिहायचे होते ते सगळे लिहून झाले आहे. मी आजन्म नाही तर अगदी पुढच्या जन्मातही समर्थक असलो तरी त्यामुळे तुमचे किंवा इतर कोणाचेही नुकसान होणार आहे का? समजा माझा प्रचंड तोटा झाला तर तुमचा बँक अकाऊंट रिकामा होणार आहे का? नाही ना? मग मी काय करावे हे तुम्ही का सांगत आहात?
↩ प्रतिसाद: स्वधर्म

स्वधर्म
Wed, 12/10/2025 - 13:44 नवीन
बरोबर माझा किंवा इतर कुणाचाही तोटा मुळीच होणार नाही. पटले नसेल तर सोडून द्या. तुंम्ही साठे यांचे अगदी जोरदार समर्थन करत होतात, म्हणून मला फक्त जे जाणवले ते लिहिले होते.
↩ प्रतिसाद: चंद्रसूर्यकुमार

सौन्दर्य
Wed, 12/10/2025 - 00:38 नवीन
एकदा अशाच चेन मार्केटिंगच्या मीटिंगला एक मित्र बळजबरीने घेऊन गेला. तेथे २००हुन अधिक स्त्री - पुरुष जमले होते. मिटिंग सुरु झाल्यावर त्यातली एक स्त्री उठली व तिने "I didn't know how to write 1000 but after joining this marketing company, now I can write one million" असे म्हणून एक मिलियन फळ्यावर लिहून दाखवले व जमलेल्या लोकांनी टाळ्यांचा कडकडाट केला. मी लगेच तेथून काढता पाय घेतला.
↩ प्रतिसाद: स्वधर्म

मारवा
Wed, 12/10/2025 - 14:10 नवीन
श्री स्वधर्म यात आश्चर्य वाटण्यासारखे काहीच नाही. In the field of psychology, cognitive dissonance is described as a mental phenomenon in which people unknowingly or subconsciously hold fundamentally conflicting cognitions.[1][2] Being confronted by situations that create this dissonance or highlight these inconsistencies motivates change in their cognitions or actions to reduce this dissonance, maybe by changing a belief, by explaining something away,[2] or by taking actions that reduce perceived inconsistency.[3] आसाराम बापू चे भक्त आजही" ये बापूजी के खिलाफ सनातन के खिलाफ षडयंत्र हैं " असे म्हणतात. Cognitive Dissonance मध्ये याचे उत्तर सापडते. अवधूत साठे काय करतात बघणे रोचक ठरेल. मात्र उद्या सर्व गुन्हा शाबित होऊन ते जेल मध्ये जारी गेले तरी "हा मराठी ट्रेडर्स च्या विरोधात रचलेला कट आहे" वगैरे सुद्धा बतावणी झाली तरी आश्चर्य नको. तूर्तास भक्त अगोदरच बेजार आहेत आपण अजून नको करायला.

स्वधर्म
Wed, 12/10/2025 - 14:46 नवीन
योग्य त्या शास्रीय परिभाषेत मांडल्याबद्दल धन्यवाद! >> तूर्तास भक्त अगोदरच बेजार आहेत आपण अजून नको करायला. मार्क ट्वेनही म्हणाला होता तसे, लोकांना मूर्ख बनवणं सोपं असतं, पण तुंम्ही मूर्ख बनवले गेले आहात हे त्यांना पटवून देणं मात्र महाकठीण काम असतं. आपला विश्वास, श्रध्दा इ. हादरणे हे सहसा पचवणं फार अवघड आहे. त्यामानाने वस्तुस्थिती जरी श्रध्देच्या उलट दिशेने बदलली तरी मनातील आशेचा उपयोग करून ती श्रध्दा आणखीनच बळकट करणं हे मानसिकदृष्ट्या कमी श्रमाचं असतं. याचे आणखी सामान्य उदाहरण म्हणजे निदान चुकीचं झालं तर या भीतीने डॉक्टरकडे जाणं जास्तीत जास्त लांबणीवर टाकलं जातं.
↩ प्रतिसाद: मारवा

गामा पैलवान
Wed, 12/10/2025 - 20:53 नवीन
लोकहो, आजच्या लोकसत्तेत एक वार्ता आली आहे : https://www.loksatta.com/business/personal-finance/sebi-fines-sathe-trading-academy-546-crore-for-misleading-advertisements-and-unregistered-investment-advice-practices-print-eco-news-rds-00-5557454/ सदर वार्तेत लिहिलंय की सेबीच्या फर्मानानुसार श्री. साठे यांनी ताजा विदा न वापरता तीन महिने वा त्याहून अधिक शिळा विदाच वापरावा. ही एक प्रकारची दंडेली आहे का? कृपया जाणकारांनी प्रकाश टाकावा. असो. सेबीच्या अहवालांत श्री. अवधूत साठे, त्यांची पत्नी व त्यांचे आस्थापन यांचे साऱ्यांचे प्यान क्रमांक उघड केलेलं आहेत. हे कितपत उचित आहे? कृपया चर्चा व्हावी. आ.न., -गा.पै.

अमरेंद्र बाहुबली
Wed, 12/10/2025 - 22:48 नवीन
मी खरतर इथे मराठी माणसाविरुद्ध कट असे लिहायला आलो होतो, पण चर्चा वाचून लक्षात येते आहे की साठेसर स्वत: ६ करोडच्या लॉस मधे आहेत. आणी ते शिक्षण देताहेत, nice. बाकी ६०० कोटी प्रॉपर्टी ट्रेनिंग देऊन झाली का? तसे असेल तर मग नक्कीच त्यांना मानावे लागेल! त्यांच्या ट्रेनिंग मधे दम असेल, किंवा लोकांना म्यानुपुलेट करायचं स्किल उत्तम असेल! बाकी शेअर मार्केटपासून चार हात दूर राहिलेलंच बरं! म्यूचूअल फंड बेस्ट, तिथला अभ्यासू फंड मॅनेजर आपले पैसे बरोबर गुंतवून देतो, आपला फोकस जे काही नोकरी धंदा चाललय त्याच्यात असू द्यावा, साईड इनकमच्या नावाखाली हातातला पैसा, नी मार्किट शिकण्यात वेळ घालवू नये, ह्या निष्कर्षाप्रत आलोय. जय माहिष्मती.
↩ प्रतिसाद: गामा पैलवान

खटपट्या
Wed, 12/10/2025 - 23:00 नवीन
पुर्वी काही खोटे आय पि ओ बाजारात आणले जायचे ज्यांची किंमत सुरवातीला दहा रुपये असायची आणि काही दीवसात ती ५०० कींवा ८०० पर्यन्त जायची. लोक मागचा पुढचा विचार न करता, नेटवर सर्च न मारता शेअर घेत सुटायचे आणि कधीतरी तो शेअर ५ रुपयावर आलेला असायचा. नंतर कळायचे की ही एक फक्त कागदोपत्री रजिस्टर केलेली कंपनी होती. अर्थात अशा कंपन्या कशा ओळ्खायच्या याचे प्रशीक्षण साठे सर देत असणार. आणि त्यामुळे अशा खोट्या कंपन्या बाजारात येणे बंद झाले असणार (?) त्यामुळे अशा खोट्या कंपन्या काढणार्‍या लोकांनी साठ्याना बदनाम करण्यासाठी हे कुभांड रचले असणार (?)

रामचंद्र
गुरुवार, 12/11/2025 - 00:17 नवीन
या मुद्द्यात तथ्य वाटतंय. श्री. चंद्रसूर्यकुमार यांनी यावर काही भाष्य केलं तर अधिक माहिती मिळू शकेल.
↩ प्रतिसाद: खटपट्या

चंद्रसूर्यकुमार
गुरुवार, 12/11/2025 - 09:35 नवीन
श्री. चंद्रसूर्यकुमार यांनी यावर काही भाष्य केलं तर अधिक माहिती मिळू शकेल.
छे हो. सध्या कॉग्निटिव्ह डिसोनान्स आणि मार्क ट्वेन काय म्हणाला याविषयी वाचायला सुरवात केली आहे. असल्या क्षुल्लक गोष्टींसाठी द्यायला आता वेळ नाहीये :)
↩ प्रतिसाद: रामचंद्र

कंजूस
गुरुवार, 12/11/2025 - 09:29 नवीन
जबरी प्रतिसाद आहेत. मलाही गुंतवणुकीतले कळत नाही आणि बऱ्याच इतर गोष्टींमध्येही ( हे इथे मिपाकर अधुनमधून सांगून जागे करत असतात म्हणून मी मिपा सोबत नाही.) जपानी गादीचे फॅड आले होते यातून मी सुटलो. चेन मार्केटिंगमध्ये मार खाऊन झाला. जॅकी चान का कुणीतरी लोखंडी चेनने गुंडांना लोळवतो ते आठवले. बाकी सेबीने त्या साठेवर सहाशे पन्नास कोटींचा दावा ठोकला आहे त्याचं काय होणार? सगळेच नेकीने धंदा करू लागले तर सेबीचं काय होणार? त्यांना कुठून पयशे मिळणार?

गवि
गुरुवार, 12/11/2025 - 09:36 नवीन
मी क्रिप्टो गाढवपणा करून खिशाला चाट खिलवली. अर्थात तो गुंतवणुकीचा सुरक्षित मार्ग असे मनात नव्हतेच. जुगार ऊर्फ गॅम्बल हे चित्र स्पष्ट होते. कोणीही स्वतःला पूर्ण शहाणे किंवा मोहापासून अलिप्त समजू नये.
↩ प्रतिसाद: कंजूस

टर्मीनेटर
गुरुवार, 12/11/2025 - 11:43 नवीन
"मी क्रिप्टो गाढवपणा करून खिशाला चाट खिलवली." आणि मी शेअर मार्केटमध्ये सट्टेबाजीचा शत-गाढवपणा करून स्वतःची पार 'काशी' करून घेतली होती 😂 "कोणीही स्वतःला पूर्ण शहाणे किंवा मोहापासून अलिप्त समजू नये." सौ बात कि एक बात 👍 काही दिवस/महिन्यांपर्यंत हा शत-गाढवपणा केल्यावर (त्याची मोठी आर्थिक किंमत मोजून) आलेल्या शहाणपणातून १०० पैकी एखाद्याचे जरी आर्थिक नुकसान टाळता आले तरी ती खूप मोठी अचिव्हमेंट असेल ह्या भ्रमातून त्यावर काही भाष्यही करत होतो, पण "स्वतः: मेल्याशिवाय स्वर्ग दिसत नाही" ह्या म्हणीला जागत 'आपण एकट्यानेच का म्हणून स्वर्ग बघण्याचा स्वार्थीपणा करायचा, ज्यांना तो बघण्याची 'दुर्दम्य इच्छा' असेल त्यांनाही तो बघण्याची संधी मिळू देत की' असा विचार करून त्या नसत्या उठाठेवी बंद करून टाकल्या आहेत 😇 मोहाचे क्षण येत असतात म्हणूनच माणूस त्यात गुंतत जातो. काही संत पदाला पोचलेल्या व्यक्तींना त्या मोहापासून अलिप्त राहणे जमते, ज्यांना नाही जमत ते वाहावत जातात आणि त्यांची अवस्था माझ्यासारखी होते!
↩ प्रतिसाद: गवि

चंद्रसूर्यकुमार
गुरुवार, 12/11/2025 - 11:52 नवीन
ज्या इन्स्ट्रुमेंटमध्ये लिक्विडिटी चांगली असते त्यात कँडल येतात त्या मागणी-पुरवठा तत्वानुसार येतात. ऑपरेटर ड्रिव्हन स्टॉक्सना हे लागू नसते पण भरपूर ट्रेडींग होणारे स्टॉक्स, इंडेक्स, कमोडिटी आणि क्रिप्टोला पण हे लागू असते. अवधूत सर तेच म्हणतात की उगीच काहीतरी अंधाधुंद करायला जाऊ नका. योग्य ती स्किल डेव्हलप करा, त्यासाठी कष्ट घ्या आणि मग काय करायचे ते करा. सगळे सेट-अप्स दिले आहेत. त्यातील तुम्हाला जो सेट-अप जमतो तो पकडा आणि त्याच त्याच प्रकारचे ट्रेड घ्या. सगळ्या गोष्टी सुरवातीला जमणार नाहीत. तेव्हा तुम्हाला जे जमते, जे झेपते तेच करायला जा. सेट-अप हा एक भाग झाला. रिस्क मॅनेजमेंट, मनी मॅनेजमेंट आणि पोझिशन सायझिंग सगळ्यात महत्वाचे. तुमचे एकूण भांडवल असेल त्याच्या जास्तीत जास्त २% इतकीच रिस्क सुरवातीला घ्या- म्हणजे १० लाख भांडवल असेल तर रिस्क २० हजारपेक्षा कमी ठेवा. म्हणजे काय तर मार्केट तुमच्याविरोधात गेले तर जास्तीत जास्त तोटा २० हजार इतका असेल. इतकेच नाही तर भांडवल असले तरी अनेकांची 'मनी स्टोरी' तितकी रिस्क घ्यायची नसते. २% च्या नियमामुळे २० हजार हा आकडा येत असला तरी समजा १० हजाराच्या नुकसानीच्या कल्पनेने तुमचा जीव वरखाली होणार असेल तर तुमचे भांडवल जास्त असले तरी रिस्क १० हजार इतकीच घ्या. या सगळ्या गोष्टी व्यवस्थित समजावून सांगितलेल्या आहेत. इतकेच नाही तर एफ & ओ करायचे असेल तर कमीतकमी किती भांडवल तुमच्याकडे हवे हे पण सांगितले आहे. होतं असं की अनेक जण यातील काहीही फॉलो करत नाहीत- शिकवले सगळे असले तरी सेट-अपला चिकटून राहात नाहीत, योग्य तो रिस्क-रिवार्ड फॉलो करत नाहीत, पैशाच्या हव्यासापायी वाटेल तितकी मोठी पोझिशन घेतात आणि मार्केट उलटे गेले की मग जोरदार थप्पड बसते. सगळ्यांना लागतील तितके कष्ट न करता झटपट श्रीमंत व्हायचे असते. मग एफ & ओ आधी इक्विटीवर पकड यायच्या आधीच, पाहिजे तितके भांडवल नसेल तरी करायला जातात. सगळा फोकस असतो पैशावर. स्किल डेव्हलप करायला प्राधान्य नाहीच. अवधूत सरांनी तर सेशनमध्ये आणि रिव्हिजन वेबिनारमध्ये तेच कानीकपाळी ओरडून सांगितले होते. तुम्हाला चार्ट रिडिंग बरोबर जमायला हवे त्यासाठी भरपूर बॅक टेस्टिंग करा, आपण किती रिस्क घेऊ शकतो ते बघा- काहीही झाले तरी मनी मॅनेजमेंटचे नियम मोडू नका, तुमचा प्रत्येक रूपया हा एकेक सैनिक आहे असे समजा आणि आपल्या सैनिकांना उगीच मरायला युध्दावर पाठवू नका, नक्की काय झाल्यावर आपण ट्रेडच्या बाहेर जाणार आहोत हे ठरवा, आपल्या अपेक्षेपेक्षा वेगळेच काही झाले तर काय करायचे याचा व्हॉट इफ अ‍ॅनॅलिसिस तयार ठेवा, रिस्क-रिवार्डमध्ये ट्रेड बसतो की नाही ते बघा आणि मगच ट्रेड घ्या. यापैकी काहीही न पाळल्यास मार्केट थोबाडीत देणारच. आणि देतेच. आणि असलेच लोक मग 'साठेंनी सांगितले त्याप्रमाणे ट्रेड घेतले आणि लॉस झाला' असे उलटे बोलायला पण पुढे असतात. आग्यांच्या बहिणीला एफ & ओ मध्ये लॉस झाला असेल आणि मुख्य म्हणजे कर्ज झाले असेल तर उघड उघड दिसत आहे की तिने मनी मॅनेजमेंट फॉलो केले नाही. पटकन श्रीमंत व्हायच्या नादात हे असे होते. मग तो दोष कोणाचा? साठेंचा की त्या बहिणीचा? लोकांची अपेक्षा असते की ७५ हजार फी भरून कोर्स केला ना मग मला प्रॉफिट होणे ही साठेंची जबाबदारी. असे कसे चालेल? तुमचे ट्रेड तुम्हीच घ्यायचे आहेत. तिथे साठे तुमच्या घरी येऊन तुमचा हात धरून ट्रेड करवून घेणार आहेत का? ते ट्रेड करण्यासाठी काय काय करायचे एवढेच कोणी मार्गदर्शक सांगू शकतो. त्यापुढचे त्या त्या विद्यार्थ्यानेच करायचे असते. कोणत्याही परीक्षेसाठी मार्गदर्शन करणारे शिक्षक फार तर योग्य ते शिकवू शकतात. पण अभ्यास करून पेपर त्या विद्यार्थ्यालाच लिहायचा असतो. पण इथे तसे नसते- भरले ना ७५ हजार? मग साठेंनी शिकविलेल्या सगळ्या गोष्टी मी चुलीत घालणार, काहीही अंधाधुंद करणार आणि मग फटके बसले की ती जबाबदारी साठेंची असे अजब प्रकार चालतात. अशा चुका सगळ्यांकडून कधीना कधी होतात. शेवटी माणूस म्हटले की अशा चुका व्हायच्याच. मार्केट हा जास्त माईंड गेम आहे. पण बरेच लोक आपली नक्की काय चूक झाली याचे विश्लेषण न करता लोक इतर कोणाला तरी दोष द्यायला लागतात- बघा साठेंनी शिकविल्यासारखे केले आणि लॉस झाला. दुसर्‍यांना दोष देणे नेहमी सोपे असते. पण साठेंनी मनी मॅनेजमेंट कशी करा हे सांगितले तेव्हा सेशनमध्ये झोपला होतात का? असाल तर तो दोष दुसर्‍याचा कसा? असो.
↩ प्रतिसाद: गवि

आग्या१९९०
गुरुवार, 12/11/2025 - 23:24 नवीन
आग्यांच्या बहिणीला एफ & ओ मध्ये लॉस झाला असेल नीट वाचत जा. बहीण नव्हे, नात्यातील एक मुलगी. इतकेच नाही तर एफ & ओ करायचे असेल तर कमीतकमी किती भांडवल तुमच्याकडे हवे हे पण सांगितले आहे. असे शिकवतात साठे? धन्य आहे हे मार्गदर्शक. FNO करण्यासाठी प्रथम पोर्टफोलिओ मजबूत बनवावा लागतो, मग त्याला हेज करण्यासाठी भांडवल लागते. फक्त भांडवल आहे म्हणून FNO सट्टा खेळले तर कपाळमोक्ष ठरलेला आहे. मी स्वतः सुरुवातीला FNO मध्ये असेच अभ्यास नसताना जितके कमावले त्याच्या दुप्पट फक्त एकदोन ट्रेडमध्ये गमावले होते. जेव्हा हेजिंग विषयी वाचन केले तेव्हा FNO चे महत्व कळते. जेव्हा एक कोटीचा पोर्टफोलिओ (फक्त पाच कंपन्या, त्यातील ३ FNO मधल्या ) केला. त्यानंतरच FNO मध्ये ड्रेडिंग सुरू केली आणि ७० % पेक्षा अधिक सक्सेस रेट ठेवण्यात कधीच खंड पडला नाही. अर्थात FNO पेक्षा स्विंग ट्रेडिंग जास्त करतो. अवांतर : मागे मायबोलीवर BLACKCAT नावाचे एक अभ्यासू सदस्य त्यांच्या FNO मधील ट्रेडिंगचे रोज स्क्रीनशॉट टाकत. ज्यात त्यांना चांगला नफा मिळत असे. फक्त कालावधी एक दिवसापासून एक्सपायरी पर्यंत असे. ते बघून मलाही माझ्या स्विंग ट्रेडिंगचे live टाकावे असे वाटले, आणि मी तसे त्या धाग्यावर म्हणालोही होतो. उद्देश हाच की स्विंग ट्रेडिंग जास्त सुरक्षित आणि अधिक परतावा देऊ शकतो हे दाखवून द्यायचे होते. परंतु असे सोशल मीडियावर करणे कायदेशीर आहे की नाही ह्याची खात्री नसल्याने मी टाळले होते. " वंदे मातरम् "
↩ प्रतिसाद: चंद्रसूर्यकुमार

राजेंद्र मेहेंदळे
गुरुवार, 12/11/2025 - 12:35 नवीन
मी ही क्रिप्टो मध्ये खेळलो, पण जेव्हा विक्री केली तेव्हा पैसे जमा व्हायला फार वेळ लागला आणि डोकेदुखी झाली. कदाचित माझा ब्रोकर चांगला नसेल. पण मी एकदा पैसे वसूल झाल्यावर क्रिप्टो मध्ये सक्रिय राहिलो नाहीये. केवळ मूक प्रेक्षक. गड्या आपला गाव बरा(पक्षी : ईक्विटी आणि एम एफ)
↩ प्रतिसाद: गवि

गवि
गुरुवार, 12/11/2025 - 13:20 नवीन
सेम हियर . टेरा ल्यूना झटका खाल्ल्यावर तातडीने विमानाचे अर्जंट लँडिंग झाले. तेव्हापासून निरीक्षण देखील बंद. ;-))
↩ प्रतिसाद: राजेंद्र मेहेंदळे

मारवा
गुरुवार, 12/11/2025 - 17:23 नवीन
पण crypto किमान भारतात तरी पूर्णपणे legal नाही हे आपणांस माहीत नव्हते याचे आश्चर्य वाटले. ( Crypto मधील उत्पन्न करपात्र केले आणि त्यावर कर भरावा लागतो म्हणून crypto " पूर्णपणे" किमान भारतात तरी legal नाही.) माझ्या अल्प माहितीनुसार म्हणजे त्यांचं प्लॅटफॉर्म पूर्णपणे लीगल नाही. त्यात काम करणारे ब्रोकर्स भारतात सेबी authorised नाहीत. त्यात सर्वात मोठा अडथळा परकीय चलना संदर्भातील FEMA कायद्याचा आहे. तरीही गवि तुम्हीसुद्धा?
↩ प्रतिसाद: गवि

मारवा
गुरुवार, 12/11/2025 - 17:38 नवीन
मी मागे एकदा crypto मध्ये कुठला भारतीय अधिकृत mutual fund गुंतवणूक करतो का असा शोध घेतला होता पण मला तरी असा कुठलाही सेबी अधिकृत भारतीय mutual fund सापडलेला नव्हता की जो फंड crypto madhe गुंतवणूक करतो. माझी इच्छा असा एखादा म्युच्युअल फंड शोधून त्यात पैसे गुंतवण्याची इच्छा होती मग दुसरा एक मार्ग थोडा असा बघत होतो की ind money किंवा vertex का काय ते त्यांच्या माध्यमातून जे us stocks trading करू देतात वगैरे पण ते ही जरा किचकट वाटल्या3 सोडून दिलं म्हटलं जाऊ द्या आपली इंडियन इक्विटी ट्रेडिंग देतेय तो रिटर्न छान आहे की पण तुम्ही म्हणाला तसेच मोह के हमाम मे.सब नंगे है.
↩ प्रतिसाद: मारवा