माझी ट्रेन माझी प्रेयसी (२)

ह
हेमंतकुमार यांनी
 ·  लेख
लेख
भाग १ इथे. नमस्कार रूळगाडी मित्रांनो ! आज ट्रेनधाग्याच्या पहिल्या भागाला पाच वर्षे पूर्ण झाली. त्या निमित्ताने हा नवा धागा काढत आहे. 2017 मध्ये माझे मिपावर आगमन झाले. त्यानंतर महिनाभरात हा ट्रेनचा धागा काढला. त्यावर ‘प्राडॉ.दिबि’ यांचा एकमेव उत्साहवर्धक प्रतिसाद आला होता. त्यानंतर जवळपास दीड वर्ष धागा अडगळीत पडला होता. 2019 मध्ये धाग्याला ऊर्जितावस्था आली. मग आपल्यातील अनेकांनी या विषयावरील आपापले अनुभव आणि मते उत्साहाने लिहीली. त्यानंतर आजपर्यंत ट्रेनचा हा धागा एक्सप्रेस गतीने; कधीकधी तर राजधानी-गतीने धावत आहे. इथल्या चर्चेत सहभागी होणारे सर्वजण त्याचा आनंद घेत आहेत. आतापर्यंत चर्चेत सहभागी झालेल्या सर्व धागाप्रवाशांचे आभार ! या नवीन भागाचेही नवे आणि जुने वाचक स्वागत करतील अशी आशा आहे. तर येउद्यात ट्रेनसंबंधी......... काय वाट्टेल ते ........... ! ok
वर्गीकरण
लेखनविषय (Tags)
जीवनमान
लेखनप्रकार (Writing Type)
अनुभव
71312 वाचन
💬 प्रतिसाद (266)

प्रतिक्रिया

अनिंद्य
Mon, 07/17/2023 - 19:47 नवीन
मीनाक्षी एक्सप्रेसने अजमेर पर्यंत (आधी तिथपर्यंतच होती, पुढे जयपूर पर्यंत झाली) प्रवास करण्याचा योग आलाय. ब्रिटिशांनी उत्तर-दक्षिण जोडायला महायुद्धकाळात या पर्यायाची योजना + अंमलबजावणी योग्य केली. पातालपानी - कलाईकुंड दरम्यान तो प्रसिद्ध ४ च्या आकड्यासारखा ट्रॅक येतो.... मग कुंड ला कलाकंद. मग पुढे रतलाम ला 'मावाबाटी' / कुल्लडमधले गरम गुलाबजाम.... मग नासिराबादला तो भलामोठा सुप्पर तिखट 'कचोरा' ... मध्ये डॉ. आंबेडकरांमुळे प्रसिद्ध असलेले MHOW गाव, ते मिलिटरी हेडकार्टर ऑफ वॉर चे लघुरूप होते म्हणे .... आठवणीच आठवणी. BTW काचीगुडा / सिकंदराबाद ते पूर्णा ब्रॉड गेज पूर्ण झाल्यावर ही ट्रेन तिथवर ब्रॉडगेज डब्यांसकट येई. मग सर्व प्रवासी उतरून पुढे मीटरगेज बोग्यांची तशीच दुसरी मीनाक्षी उभी असे त्यात जाऊन बसत आणि प्रवास पुढे चालू होई. तासभर हा सोहळा चालत असे :-) हे अनेक वर्ष चालले.
↩ प्रतिसाद: इपित्तर इतिहासकार

कर्नलतपस्वी
गुरुवार, 06/29/2023 - 20:08 नवीन
प्रवास एकदम मस्तच. पुरानी दिल्ली जोधपूर, जोधपूर पोखरण,जयपूर अलवर दिल्ली,गोहाट्टी(असाम) ते धर्मनगर (त्रिपुरा) व्हाया लामडिंग बदरपुर हाफ लाँग. असे मोठे मोठे मिटरगेज रेल्वेने प्रवास अनुभवले. खाण्यापिण्याचे हाल होत असत पण तेव्हा घरून दोन दोन दिवसाचे खाण्याचे पदार्थ व भरपूर पिण्याचे पाणी बहुतेक प्रवासी बरोबर ठेवत.

कंजूस
गुरुवार, 07/13/2023 - 11:48 नवीन
काल पाहण्याचा योग आला. फक्त मालगाड्यांसाठी बनवलेलं Alstom -Indian Railways (75+25) ने बनवलेलं १२००० एचपीचं एंजिन. अशी दोन एंजिने जोडून स्टील पत्र्याच्या वजनदार गुंडाळ्या घेऊन मालगाडी बोरघाट उतरून खाली कर्जतला आली होती. (येताना पाहायला नाही मिळाली. ) निळी एंजिने फारच सुंदर दिसतात.

इपित्तर इतिहासकार
गुरुवार, 07/13/2023 - 17:52 नवीन
ह्याचा कारखाना बिहारमधील मधेपुरा येथे आहे.
↩ प्रतिसाद: कंजूस

अनिंद्य
Mon, 07/17/2023 - 19:51 नवीन
रेल्वे चर्चा छान. त्या वंदे भारत ट्रेन्सचा मात्र धसका घेतलाय - म्हशींच्या धक्क्याने इंजिन ड्यामेज, पावसाचे पाणी गाडीच्या छतातून धो धो आत असे सगळे व्हिडियो / लाईव्ह स्ट्रीम बघितले. आजच एका वंदे भारतला लागलेली आग. हे 'वांदे भारत' जास्त दिसतंय :-) आता त्यात प्रवास करण्याची हिंमत होणार नाही !

हेमंतकुमार
Mon, 07/17/2023 - 21:18 नवीन
झालंय खरे तसे ..
↩ प्रतिसाद: अनिंद्य

हेमंतकुमार
Tue, 07/25/2023 - 20:10 नवीन
हावडा रेल्वे स्थानकाला हरित इमारतींसाठीचे सुवर्ण गुणांकन नुकतेच जाहीर झाले आहे. 169 वर्षे जुन्या असलेल्या या स्थानकात पर्यावरण रक्षणासाठी केलेल्या विविध उपाययोजनांसाठी हे देण्यात आलेले आहे.

कंजूस
Fri, 07/28/2023 - 21:17 नवीन
गाडी वेगळ्या मार्गाने मनमाडला दीड तास लवकर पोहोचली आणि तिथून नियोजित वेळेप्रमाणे वेळेपर्यंत न थांबवता पुढे पळवली . मग काय झाले . . . गोवा ते निजामुद्दीन गाडीचा मजेशीर किस्सा.

हेमंतकुमार
Tue, 08/15/2023 - 07:16 नवीन
वर्षभर चाललेल्या या भागात चांगली चर्चा झाली. त्यात सहभागी झालेल्या सर्वांना धन्यवाद ! या पुढील चर्चा भाग ३ मध्ये करावी. सर्वांचे तिकडे स्वागत…