Skip to main content

विठुराया.....

लेखक Jayagandha Bhatkhande यांनी मंगळवार, 20/07/2021 08:25 या दिवशी प्रकाशित केले.

विठुराया....

तुझ्या प्रेमामृताच्या वर्षावात नित्य न्हाऊनही,
कोरडीच राहिली काया....
मन विषयी गुंतले निरंतर,
सोडवेना कधी माया...
क्षणामागून क्षण संपले,
जीवन जातसे वाया...
पश्चात्तापे मन तप्त,
लाभो तुझी छाया...
आता लागो तुझे ध्यान,
पडतसे मी पाया...
नको दूर लोटूस मजला,
विनविते तुज विठुराया...!!

जयगंधा..
९-११-२०१४.

लेखनविषय:
वाचने 4985
प्रतिक्रिया 11

प्रतिक्रिया

बाजीगर मंगळवार, 20/07/2021 09:10

एकादशीची पहाट
विठ्ठलाकडे पाठ
मुख्यमंत्र्यासह आठ
फोटोसाठी

रांगेत उभे वारकरी
अडाणी कुणी शेतकरी
भवसागर पारकरी
तासंतास

विठ्ठला पाऊस पाड
कोरोना जाऊस धाड
मनात खाऊस वाढ
हे साकडे

किती वर्षे देवा
राहशील मूक,
म्हणे बाजीगर
जन्मोजन्मी चूक,
दर्शनानेच मात्र
भागवी-भक्त भूक !!