चालू घडामोडी - एप्रिल २०२१ (भाग ७)

चर्चा अधिक परीपक्व होईल अशी अपेक्षा आहे.

मदनबाण.....

आजची स्वाक्षरी :- #BoycottRadhe

तज्ञांनी डूम्सडेचे आकडे द्यायला सुरवात केली. वॉशिंग्टन विद्यापीठातील तज्ञांच्या मते मे महिन्यात दररोज ५ हजार मृत्यू भारतात होणार. https://maharashtratimes.com/international/international-news/coronavir… असल्या तज्ञांनी मागच्या मे महिन्यातच लाखो लोकांना कोरोना होईल, इतके हजार लोक मरतील, २०२० च्या शेवटापर्यंत ३० लाख लोक भारतात मरतील वगैरे अंदाज व्यक्त केले होते. पण तसे काहीही न होता त्यांचे अंदाज चुकून सप्टेंबरपासून अचानक रूग्णसंख्या कमी का झाली हे काही त्यांना सांगता आले नव्हते. आता दुसर्‍या लाटेत असले तज्ञ लोक आता डूम्सडेचे आकडे द्यायला लागले आहेत. या तज्ञ लोकांचा पूर्वेतिहास लक्षात घेता हे भाकित खरे ठरण्यापेक्षा खोटे ठरायची शक्यता जास्त आहे. म्हणज असले अंदाज ते लोक देत असतील तर सध्याच्या काळात ती एक सकारात्मक बातमी म्हणावी का?

सप्टेंबर २०२० मध्ये माजी मंत्री रणजितसिंग पाटील यांनी विधानपरिषदेत ऑक्सिजनचा तुडवटा होऊ शकेल तेव्हा ऑक्सिजन प्लॅन्ट्स बांधण्याकडे लक्ष देण्यात यावे ही मागणी केली होती. पण तेव्हा महाभकास आघाडी सरकारपुढे कंगनाचे घर पाडणे, अर्णबला त्रास देणे, वाझेकडून कोट्यावधींची खंडणी उकळणे ही त्यापेक्षा बरीच जास्त महत्वाची कामे असल्याने ऑक्सिजन प्लॅन्ट्स उभारणे या किरकोळ गोष्टीकडे दुर्लक्ष केले गेले.

Despite timely warnings and repeated suggestions since the session held in September,2020 to set up a minimum of 15 #oxygen plants in the state, our system ignored the demands and turned a deaf ear to them! pic.twitter.com/K7lie8K3Ec

— Dr. Ranjit Patil (@Ranjitpatil_Mos) April 22, 2021

https://youtu.be/9Ya32_1mRRI विराफीन ला परवानगी

तज्ञांच्या देशाचे नाव, आणि "अश्याच तज्ञांनी" मागच्या वेळेस केलेली भाकिते चुकली, म्हणून खोटे म्हणणे चुकीचे वाटते. त्यांचे जर स्टॅटिस्टिकल मॉडेल असेल तर त्यांच्या नॅशनॅलिटी चा संबंध नाही. भारताचा द्वेष वैगेरे फारच फार फेच्ड. आयआयटी खरगपूरच्या मॉडेल नुसार आपण मे तिसऱ्या आठवड्यात किंवा थोडेसे आधी ग्राफच्या शिखरावर पोहोचू. तेव्हा ३५ लाखापर्यंत ऍक्टिव्ह केसेस असू शकतात. संग्राम पाटील नावाचे डॉक्टर यूकेतून व्हिडीओ बनवतात त्यांनी सुद्धा कालावधी जवळपास हाच सांगितलं आहे.शिखरानंतर हळूहळू वाढ कमी होईल. https://www.financialexpress.com/lifestyle/health/indias-covid-graph-ma…

मागच्या श्रीगुरूजींच्या धाग्याने कमी वेळात विक्रमी अशी ३५० प्रतिसादांची धावसंख्या ऊभारल्या बद्दल गुरूजींचे धणूष्यबाण, वाघाची प्रतिमा आणी हातात शिवबंधन बांधून अभिनंदन. :)

*सावध व्हा अन्यथा आपली स्थिती भारतासारखी होईल! पीएम इम्रान खान यांचे पाकिस्तानला आवाहन* हेच पहायचं राहीलं होतं :( https://pudhari.news/news/International/Pakistan-PM-Imran-Khan-s-appeal…

...... पुणेकर उद्योजकाच्या पुढाकारातून सिंगापूरमधून येणार ३५०० व्हेंटीलेटर्स; मोदी सरकार करणार ‘एअर लिफ्ट’ ..... -------------- https://www.loksatta.com/pune-news/3500-ventilators-and-8000-oxygen-con… --------------

.....अनिल देशमुख यांच्या घर, कार्यालयांसह विविध ठिकाणी सीबीआयची छापेमारी..... https://www.loksatta.com/maharashtra-news/parambir-singh-letter-cbi-has… ------------- CBI ला जर चौकशीची परवानगी दिली तर, अजूनही बरेच काही बाहेर येऊ शकते.... कदाचित महाराष्ट्र राज्यात घरोघरी भात तरी नक्कीच मिळेल ......

वास्तविक असल्या स्टोरीज (अनेक तद्दन खोट्या, इतर काही अतिशयोक्त, अजून काही मोडतोड केलेल्या...) काही ठराविक माध्यमे इतकी करतात व तथाकथित विद्वान, विचारवंत इत्यादी. त्या लगोलग उचलून पसरवतात, की ह्या अनेक माध्यमांची विश्वासार्हता, निदान माझ्या दृष्टिने तरी संपूर्ण संपलेली आहे. ह्यात बर्‍याच भारतीय आणि काही जुन्या, नावाजलेल्या पाश्चिमात्य मीडियांचा समावेश आहे. आता 'द वायर' हे खरे तर साम्यवादी बाजूचे न्यूज पोर्टल. अर्थात, ह्याला कमर्शियल दृष्टिकोन असण्याची जरूरी नाही, म्हणजे क्लिक्सवर अवलंबून राहून त्यांना जाहिराती मिळवून पैसा करण्याची जरूर नाही (किमानपक्षी, साम्यवादाच्या बांधिलकीमुळे तशी ती नसावी. असलीच तर ती स्वतःशीच प्रतारण आहे). तसे असल्यास, एकादी बातमी 'ड्यू डिलिजन्स' न करता देण्याची त्यांना घाई नसावी. पण तरीही राजनाथ सिंगांच्या तोंडी काही खोटे वक्तव्य खपवल्यावर, ते तसे करावेसे त्यांना वाटले- अथवा तसे करणे त्यांना भाग पडले. मग दिलेली बातमी मागे घ्यावी लागली व हा खुलासा द्यावा लागला. असा खुलासा देणे हेही नसे थोडके. इतरस्त्र तेही केले जात नाही.

पण भारताविषयी मात्र या लोकांचे कायमच डूम्सडेचे अंदाज राहिले आहेत. आकडे किंवा इतर सांखिकी बद्धल मला विशेष काही माहित नाही, परंतु सध्य काळात मृत्यू चे प्रमाण हे करोनाच्या सुरुवातीच्या काळा पेक्षा नक्कीच अधिक आहे. आजु-बाजु स्थिती आणि एकंदर बातम्या पाहिल्यावर स्थिती भयावह आहे हे लगेच कळते. रुग्णालयाच्या पायरीवर लोक मृत्यूमुखी पडलेली पाहतो आहे,यावरुन मला करोना काळाच्या आधीची परिस्थिती आठवते, तेव्हा ऑफिस चालु होते आणि चीन मधले लिक झालेले व्हिडियो मी डाउनलोड करुन फॉरवर्ड करत होतो,अगदी हापिसात देखील लोकांना चीन मध्ये काय घडतय ते सांगत होतो. तेव्हा चीन मध्ये लोक असेच रस्त्यात मरुन पडतानचे काही व्हिडियो मी पाहिले होते. आज तशीच काहीशी परिस्थिती आपल्या इथे निर्माण होताना दिसते. माझ्या ओळखितले, फार लांबचे नातेवाईक / ओळखीतले लोक करोनामुळे गतप्राण झालेले आहे. करोना नंतर वर्क फ्रॉम होम सुरु झाले त्यानंतर माझ्या नविन बॉस ने कार्यभार सांभाळायला घेतला,आमच्या टिम मधल्या कोणालाच त्यानी पाहिले नव्हते ना आम्ही त्यांना फक्त फोन आणि व्हॉइस मिटिंगवर जवळपास रोज बोलणे असायचे. हा बॉस माझ्याच कॉलनीच्या आत कुठे तरी एका सोसायटीत राहतो आणि मी त्याच्या इतक्या जवळ आहे हे एकदा मोकळ्या गप्पां मधुनच आम्हा दोघांना समजले. नंतर कंपनीने लॅपटॉप वितरीत करण्यास सरुवात केली,त्यावेळी मी नुकताच करोना मधुन सावरत होतो. तेव्हा माझा लॅपटॉय याच बॉस ने आमच्या सोसायटीच्या वॉचमन केबीन मधे आणुन ठेवला. नंतर काही काळाने हापिसात शिफ्टिंग होते तेव्हा आमच्या अजुन एक सिनियर बॉसने फोन केला की काही व्यक्तिगत सामान डेस्क मध्ये असेल तर सांगा ! मी सांगितले माझ्या डेस्कटॉपवर लालबागच्या गणपतीचा एक साधा फोटो आहे [ तो बाप्पा माझ्या बरोबर इतके वर्ष प्रत्येक प्रोजेक्ट फिरतो आहे. ] तो मला मिळाला तर फार आनंद होइल. ते देखील माझ्या साहेबाने केले, तो फोटो देण्यासाठी आमचे एक दोन वेळा बोलणे झाले पण या-ना त्या कारणाने भेटीचा योग जुळुन येत नव्हता. शेवटी एक दिवस त्यांचा मला फोन आला, त्यांच्या कुटुंबा सोबत ते बाहेर जाणार होते तेव्हा जाताना माझ्या कॉलनीतुन बाहेर पडताना तुला तो फोटो देतो असे त्यांनी मला कळवले.मला अत्तरांची भारी आवड ! आमची पहिली भेट लक्षात रहावी म्हणुन माझ्याकडची अगदी मधाळ सुगंधाची कुपी घेउन ठेवली, त्यांची माझी भेट झाली आणि बाप्पाचा फोटो घेतल्यावर त्यांना मी अत्तर लावले. ही आमची पहिली आणि शेवटची भेट ठरली ! बॉस म्हणणे त्यांना चुकीचे ठरावे,कारण बॉसिंग न करणारा,मनमोकळा आणि दिलखुलास व्यक्तिमत्व असणारा राजा माणुस तो. ते हॉस्पिटल मध्ये अ‍ॅडमिट झाल्याचे अचानक कळले, त्यांना त्यांच्या मोबाइलवर फोन लावला तेव्हा तो उचलुन बोलण्याच्या स्थितीत ते होते,म्हणाले रेमडेसिवीरचे इंजेक्शन दिले आहे, [ या नंतर त्यांना डिस्चार्ज मिळाला पण नंतर परत अ‍ॅडमिट करावे लागले. ] २ दिवसांनी हापिसच्या व्हॉट्सग्रुप मध्ये त्यांना रक्ताची [प्लेटलेट्सची गरज असल्याचा मेसेज वाचला ] गरज असल्याचे समजले. हॉस्पिटल मध्ये फोन लावला तर ती गरज भागल्याचे डॉक्टरांकडुन कळले आणि व्हेंटिलेटर वरुन काढले असल्याचे कळले .मला वाटले आता धोका कमी झालेला दिसतोय फक्त श्वास घ्यायला त्रास होतोय, पण एकदोन दिवसातच ते गेल्याचे समजले ! एक व्यक्ती एक वर्षासाठी माझ्या आयुष्यात आला आणि एकदाच भेट होउन कायमचा दुरावला ते कधीच न भेटण्यासाठी ! :( हे सगळ कठीण आहे, दु:खद आहे, वेदनादायी आहे आणि अस्वस्थ करणार आहे, रोज मृत्यूच्या बातम्या, रोज होणारे लोकांचे हाल, अपुर्‍या पडणार्‍या ववस्था या सर्व गोष्टींचा एक अनामिक ताण मनावर आहे. खरतर मन कुठे तरी दुसरीकडे वळावं, ताणातुन काही काळ का होइना मोकळीक मिळावी म्हणुनच खरं तर मी हे वेब सिरीज, चित्रपट पाहण्याचा धडाका लावला आहे,कारण मनावरील ताण कमी करणे गरजेचे आहे. अगदी आत्ता देखील आचार्य अत्रे यांचे केवळ भाषण ऐकत बसलो होतो. विनोदा सारखे दुसरे उत्तम औषध मनावर सध्या तरी उपलब्ध नाही !

मदनबाण.....

आजची स्वाक्षरी :- #BoycottRadhe

.... पोलिसांनी रंगेहाथ पकडलं, पोलिसांनी कारवाई नेमकी कशी केली? https://www.tv9marathi.com/maharashtra/navi-mumbai/navi-mumbai-police-c… ------------- आता ही पण चुकी केंद्राचीच बरं का, असेही काही टक्के जनता म्हणण्याची शक्यता नाकारता येत नाही...

https://www.loksatta.com/desh-videsh-news/coronavirus-situation-handlin… देशात करोनामुळे निर्माण झालेली परिस्थिती, आरोग्य सुविधांसह औषधांचा तुटवडा, करोनाबाधितांचे होत असलेले हाल… यावरून मतं मांडणाऱ्या आणि करोना परिस्थिती हाताळण्यावरून सरकारवर टीका करणाऱ्या काही नेते व अभिनेत्यांसह काही जणांनी केलेल्या ट्विटवर कारवाई करण्यास केंद्राने ट्विटरला सांगितलं. त्यावरून काही अकाऊंटवरील ट्विट्स ब्लॉक करण्यात आले आहेत. जर ह्या बतमीमध्ये तथ्य असेल तर भाजपा सरकार चुकीच्या वाटेने जात आहे.

कायमच त्याच वाटेने जाते. म्हणून तर बिजेपी समर्थक गप्प बसले आहेत.

कोरोना समस्यावर केंद्र सरकार आता दिवसेंदिवस धोरणांच्या बाबतीत अधिक विनोदी होत चाललेले दिसत आहे, देशात आता मुक्तकंठाने केंद्रसरकारच्या धोरणावर टीका होत आहे, आता ती टीका जागतिक स्तरावरही होतांना दिसून येत आहे. परदेशी दैनिकांमधून आत्मगौरवाचे, आत्मसंतुष्टकांचे वाभाडे काढलेले दिसत आहे. "मोदींचा अतिआतिविश्वास भोवला, भारताने दुसर्‍या लाटेला जो प्रतिसाद दिला त्याने अनेक कच्चे दुवे आहे, यातून इतर देशांनी धडा घेण्यासारखे आहे'' - द गार्डियन. (दुवा दी गार्डीयन) करोनाचा संसर्ग होत असतांना गंगास्नान कुंभमेळ्यावर टीका केल्याचे दिसते. ट्रम्प प्रमाणे निवडणुका मोदींनी सोडल्या नाहीत. मोर्चे रॅली यावरही ही टीका दिसून येते. मोदींनी आपलं अपयश झाकण्यासाठी त्यांचं खापर राज्यांवर कसे फोडले त्याचंही वर्णन दी गार्डीयन करतांना दिसते. (सविस्तर पोष्ट वाचावी) चुकीच्या निर्णयांनी भारताने करोनाचा पेच आणखी गंभीर केला त्यात आत्मसंतुष्टाही भोवली. करोना रोखण्यातील भारताच्या सातत्याचे अपयश हे जागतिक परिणाम करणारे आहे. (न्युयॉर्क टाइम्स) अशा प्रकारच्या केंद्र सरकारच्या नेतृत्वाच्या चुकांचा पाढा या दैनिकांनी वाचलेला दिसून येतो. पंतप्रधान यांनी त्यांच्या स्वतःच्या आकलनाने काही निर्णय घेतले. तज्ज्ञांच्या इशा-याकडे दुर्लक्ष केले त्यांच्या चुकांच्या परिणाम भोगावे लागत आहे. नरेंंद्र मोदी यांच्या अतिआत्मविश्वासामुळे हे सारे घडले. मा.मोदींनी तज्ज्ञांचा सल्ला घेऊन निर्बंध कसे राखावेत असे म्हटले आहे. मंत्रीमंडळातील मंत्रीही मोंदींची खुशामत करतात वगैरे असे म्हटले आहे. असे दोन्ही वृत्तपत्रातील संपादकीयचा आशय दिसतो. द वाशिग्नटन पोष्टनेही असेच वाभाडे काढलेले दिसत आहेत. क्रिकेट, कुंभमेळा, आणि सरकारच्या ढीसाळ कारभारावर टीका केलेली दिसते. एकतर या सर्व दैनिकांनी विरोधी पक्षाशी संगनमत केले असावे अशी शंका आहे. जगभराच्या दैनिक आणि तज्ज्ञांच्या मी एक लक्षात आणून देऊ इच्छितो की आदरणीय पंतप्रधान मा.मोदी हे स्वतःच एक मोठे तज्ज्ञ असल्याने आम्हाला कोनाच्याही सल्ल्याची आणि सल्लागाराची गरज नाही, गरज पडत नाही. आम्ही आमचं पाहून घेऊ. मला वाटतं, या दैनिकांच्या मागे सीबीआय चौकशी लावावी मग नीट होतील, असे माझे व्यक्तीगत मत आहे. एवढे बोलून दोन शब्द संपवतो. ;) -दिलीप बिरुटे