(...मारीला म्यां डोळा ;)

ज — ज्ञानोबाचे पैजार,
पेरणा http://misalpav.com/node/47605 अनंतयात्रींची "...पाहिले म्यां डोळा" लैच अस्वस्थ करून गेली म्हणून वातावरण जरा हलके करण्याचा प्रयत्न...

...मारीला म्यां डोळा 😉

पालथ्या मुठीत घट्ट पकडलेला गुलाब जीवघेण्या कवितेपेक्षा टोचरा. घर्मबिंदूच्या ठिबकसिंचनाचा शशकासम कापऱ्या शरीरावरुन अविरत अभिषेक. बेबंद नाडीठोक्यांपुढे मुक्तछदंही अचंबित. धपापते विद्रोही तप्तश्वास. ओढणीने आच्छादलेल्या चेहऱ्यामागच्या नि:शब्द कवायतीमुळे कोंदलेले भवताल. स्वप्न-जागृती, शुध्दी-बेशुध्दीच्या अस्थिर सीमारेषांवर भोवंडणार्‍या जीवनाची ही अनिश्चिततेची जीवघेणी कडवी. संपतील एकदाची आत्ताच? की, ध्रुपदत राहतील पुन्हा नव्या पाखराच्या मागे आज उद्या परवा तेरवा पुढच्या आठवड्यात पुढच्या महिन्यात पुढच्या वर्षी पुढच्या दशकात पुढच्या जन्मात??????? (अनुभवातून शहाणा न होता पुन्हा पुन्हा प्रेमात पडणारा सच्चा आशिक) पैजारबुवा,
6789 वाचन
💬 प्रतिसाद (8)

ज्ञानोबाचे पैजार
Mon, 10/05/2020 - 12:18 नवीन
असा डोळा मोठा होण्याचीही आता सवय झाली आहे झाला नाही तरच चुकल्या सारखे वाटते पैजारबुवा,
↩ प्रतिसाद: महासंग्राम

महासंग्राम
Mon, 10/05/2020 - 13:29 नवीन
पालथ्या मुठीत घट्ट पकडलेली चिलीम जीवघेण्या कवितेपेक्षा टोचरी . मदिरेचाठिबकसिंचनाचा कापऱ्या शरीरावरुन अविरत अभिषेक. बेबंद नाडीठोक्यांपुढे मुक्तछदंही अचंबित. धपापते विद्रोही तप्तश्वास. गांजाच्या धुराने आच्छादलेल्या चेहऱ्यामागच्या नि:शब्द कवायतीमुळे कोंदलेले भवताल. स्वप्न-जागृती, शुध्दी-बेशुध्दीच्या अस्थिर सीमारेषांवर भोवंडणार्‍या जीवनाची ही अनिश्चिततेची जीवघेणी . संपतील LSD एकदाची आत्ताच? की, ध्रुपदत राहतील पुन्हा नव्या नशे मागे आज उद्या परवा तेरवा पुढच्या आठवड्यात पुढच्या महिन्यात पुढच्या जन्मात???????

ज्ञानोबाचे पैजार
Mon, 10/05/2020 - 13:26 नवीन
पुढच्या वर्षी पुढच्या दशकात
हे चार शब्द वगळले असते तर वास्तवदर्शी झाली असती पैजारबुवा,
↩ प्रतिसाद: महासंग्राम

दुर्गविहारी
Tue, 10/06/2020 - 20:46 नवीन
भारी प्रयत्न ! बाकी
ओढणीने आच्छादलेल्या चेहऱ्यामागच्या नि:शब्द कवायतीमुळे कोंदलेले भवताल.
हे डोस्कीवरन गेलं. ;-) असो.