Skip to main content

ओले केस

लेखक पाषाणभेद यांनी गुरुवार, 26/09/2019 05:18 या दिवशी प्रकाशित केले.

केस ओले न्हालेते
आले प्रेमाचे भरते

(पावसात केस ओले
प्रेमाचे भरते आले) ( आपआपल्या मगदुराप्रमाणे केस ओले करावेत!)

शिडकावा ओल्या थेंबांचा
चिंब भिजवून देण्याचा

गोरी काया ओलेती
तुझे लावण्य दाखवती

गाली लाज आलेली
शृंगाराविना सजलेली

अशी सामोरी ललना
मन हरखले ना !

साडी लपेटून उभी
येते कवेत कधी?

- पाषाणभेद
२६/०९/२०१९

काव्यरस
माझी कविता
शांतरस
लेखनविषय:
वाचने 6720
प्रतिक्रिया 11

प्रतिक्रिया

गामा पैलवान गुरुवार, 26/09/2019 13:28

पाभे,

सुंदर कविता आहे. मन हरखून गेलं.

पाऊस = सांबार
गौरकाय = इडली
गाली लाज = सांबारातल्या टॉमेटोचा लाल तुकडा
ओले केस = सांबारातल्या शेकटाच्या शेंगेवरच्या रेषा
शृंगाराविना सजलेली = फारसे मसाले न घालताही चविष्ट असलेली
लपेटलेली (हिरवी) साडी = इडलीवर पसरलेली तिखटजाळ (हिरवी) चटणी

तोंपासु! धन्यवाद!

आ.न.,
-गा.पै.

गवि गुरुवार, 26/09/2019 13:58

ते आता व्यस्त आहेत. कवेत येण्याची वाट पाहात.

पुढची कविता आता कोरडे झाल्यावर येईल.

खिलजि शुक्रवार, 27/09/2019 20:11

पाभे कविता आवडलेली आहे पण खालील कंसाचा खुलासा अभिप्रेत हाय

( आपआपल्या मगदुराप्रमाणे केस ओले करावेत ! )

पाषाणभेद शनिवार, 28/09/2019 00:12

कविता आवडल्याबद्दल धन्यवाद. सा-यांनाच.

>>> केस ओले न्हालेते
>>> आले प्रेमाचे भरते

>>> (पावसात केस ओले
>>> प्रेमाचे भरते आले) ( आपआपल्या मगदुराप्रमाणे केस ओले >>> करावेत!)

कंसातले दुसरे कडवे हे पहिल्या कडव्याला पर्याय आहे.
ज्याला जे आवडेल ते कडवे निवडावे.

काय आहे की पार्श्वभुमी निराळी आहे. आधीच माझ्या कविता हलक्या असतात. त्यात पहिले कडवे न्हाऊन ओले झाल्यामुळे केसांचे आहे. त्यामुळे कुणाला नाही आवडणार.

म्हणून मी दुस-या कडव्याचा पर्याय ठेवला.

त्यामुळे पावसामुळेही कुणी केस ओले करू शकतो.

आवड ज्याची त्याची.

तुमची आवड काय मग?