मिसळपाव
रोज रोज त्याच दिशा
रोज रोज त्याच वाटा
दिशांनी पण वाटा थोड्या बदलायला हव्यात.
रोज रोज तेच गाव
रोज रोज तिच पायवाट
वाटेनेही गाव जरा विसरायला हवे.
रोज रोज त्याच व्यथा
रोज रोज त्याच कथा
कथांनीही कधी कधी व्यथांना सावरायला हव.
रोज रोज तिच छाया
रोज रोज तोच दाह
दाहानेही कधीतरी छायेत बसायला हव.
रोज रोज तेच हसण
रोज रोज तेच रडण
रडता रडता खुदकन जरा हसायला हव.
रोज रोज तिच सकाळ
रोज रोज तिच संध्याकाळ
संध्याकाळ्नेही थोड सकाळसारख ताज व्हाव.
रोज रोज तिच घडण
रोज रोज तेच जीवन
जीवनातही कधी कधी बदल घडवायला हवा.
वाचने
3967
प्रतिक्रिया
16
प्रतिक्रिया
छान आहे
छान आहे कविता
आवडली
बाकरवडी
खरेच बदल .......
आपल्याला ताजेतवानें करतो. सध्या सोप्या रीतीनें मांडलें आहे. छानच.
सुधीर कांदळकर.
सुंदर ! रोज
सुंदर !
रोज रोज तिच छाया
रोज रोज तोच दाह
दाहानेही कधीतरी छायेत बसायला हव.
चित्र उपलब्ध नाही
धन्यवाद
बाकरवडी, सुधीर, राजे धन्यवाद.
आवडली
रोज रोज तिच कविता
रोज रोज तेच प्रतिसाद
प्रतिसादातही कधी कधी काव्य बसवायला हव.
थोडासा बदल चांगलाच!!
कविता आवडली बर का जागुजी :-)
जरा कविता अश्याच हव्यात..
ज्यात साधेपणा असावा म्हणजे समजायला अवघड जात नाही,
आपणही असेच लिहीत रहावे अशी अपेक्षा (शर्मा कि॑वा बेलवणकर नव्हे.)
रोज रोज तेच रडण
रडता रडता खुदकन जरा हसायला हव.
करणार प्रयत्न करणार
सुहास..
"व्यथा असो आनंद असू दे, प्रकाश किंवा तिमिर असू दे,"
"वाट दिसो अथवा न दिसू दे, गांत पुढे मज जाणे, माझे जीवनगाणे। "
.
सहज सुंदर कविता!
अवांतर : ;)
रोज रोज तीच झोप
रोज रोज तेच उठणं
उठुनही परत परत झोपायला हवं.
रोज रोज तेच काम
रोज रोज तेच ऑफीस
ऑफीसातही कधी कधी काम करायला हवं.
रोज रोज तेच प्रतिसाद
रोज रोज तेच विडंबन
प्रतिसादातही विडंबन टाकायलाच हवं.
प्रतिसादातील विडंबन
रोज रोज तेच प्रतिसाद
रोज रोज तेच विडंबन
प्रतिसादातही विडंबन टाकायलाच हवं.
छान प्रतिसाद
बाकी कविता मात्र मस्त आहे.
_______ निशिगंध
मस्तच!
मस्तच आहे बदल! खूप मनापासून भावला.
रोज रोज तेच काटे
रोज रोज तेच सल
काट्यांनीही कधीतरी फुलायला हव!
क्रान्ति {मी शतजन्मी मीरा!}
सहज आणि साधी..
बदल आवडला.
- (सर्वव्यापी)प्राजु
https://praaju.blogspot.com/
वा
मस्त आहे कविता
उत्तम !!
आवडली कविता !! :-)
बैलोबा चायनीजकर !!!
माणसात आणी गाढवात फरक काय ?
माणुस गाढव पणा करतो,गाढव कधीच माणुस पणा करत नाही..
सहज, सुहास,
सहज, सुहास, सँडी, निशिगंध, क्रांती, प्राजु, जृंभणश्वान, अनिल तुमचे खुप खुप धन्यवाद.
दाहानेही
दाहानेही कधीतरी छायेत बसायला हव.
व्वा! सुंदर कविता...!
तात्या.
बदल
मजा आली ! झकास !
छान
छान आहे, आवडेश !!
सस्नेह
विशाल
*************************************************************
इतक्या वर्षानंतर तिला पाहिली तेव्हा कशी भासली सांगु....
कल्पनेतला "ताजमहाल" हिणकस ठरला !!! :-) :-)