Skip to main content
लेखक किसन शिंदे यांनी गुरुवार, 29/11/2018 20:59 या दिवशी प्रकाशित केले.

मिपाकर बोका-ए-आझम उर्फ ओंकार पत्की यांना चारेक वर्षांपूर्वी पहिल्यांदा भेटलो. त्यानंतरही कट्ट्यानिमित्ताने वारंवार भेटी होत राह्यल्या, अधुन मधून फोनवरही बोलणं व्हायचं. अगदी पहिल्या भेटीपासून दिलखुलासपणे बोलणारा माणूस.
पण आज दुपारची त्यांच्या निधनाची बातमी माझ्यासाठी अगदी अनपेक्षित आली आणि 'मोसाद' ही लेखमालिका डोळ्यासमोर झटकन उभी राह्यली. माझ्यासारखेच इथले बहुतांश मिपाकर त्यांच्या लेखमालिकेचे फॅन आहेत. मोसाद, स्केअरक्रो अशा अनेक उत्कृष्ट लेखमालिकांची मेजवानी त्यांच्या लेखनीतून आपल्या सगळ्यांना अनुभवायला मिळाली.

बोकाशेठना माझ्यातर्फे भावपूर्ण श्रद्धांजली !!

लेखनविषय:
लेखनप्रकार
वाचने 19907
प्रतिक्रिया 36

प्रतिक्रिया

सस्नेह गुरुवार, 29/11/2018 21:17

Really shocked !
वय काय होतं त्यांचं ?
अत्यंत दु:खद घटना. सखेद श्रद्धांजली __/\__

नाखु गुरुवार, 29/11/2018 21:35

अतिशय दिलखुलास संवाद करणारं व्यक्तिमत्त्व.

देव त्यांच्या कुटुंबीयांना या प्रसंगातून सावरण्यासाठी शक्ति देवो हीच प्रार्थना.

टर्मीनेटर गुरुवार, 29/11/2018 22:01

गेल्याच आठवड्यात त्यांच्या प्रकृती अस्वास्थ्याबद्दल मुविंकडून समजले होते, पण एवढी चिंताजनक परिस्थिती असेल याची कल्पना नव्हती.
मिपावरच्या उत्कृष्ठ लेखकांपैकी एक असलेल्या बोकाशेठना भावपूर्ण श्रद्धाजली !! त्यांच्या आत्म्यास सद्गती लाभो हि ईश्वर चरणी प्रार्थना _/\_

llपुण्याचे पेशवेll गुरुवार, 29/11/2018 22:19

बोका अनेक कायप्पा ग्रुपवर पंगे घेणारा म्हणून प्रसिद्ध होता. पण अत्यन्त माहितीपूर्ण व व्यासंगी माणूस होता. बरं पंगा घेऊन झाला की परत त्याच माणसाशी गप्पा मारायला तो तयार. वाईट वाटलं फार.

पाषाणभेद गुरुवार, 29/11/2018 22:28

मोसादचे वाचन कित्येक वेळा केले होते.
आधी इस्त्रायलचा फॅन होतोच पण या मालीकेमुळे अधिकच आकर्षण वाढले.
ओघवती लेखनशैली, प्रसंग समोर उभा करण्याची हातोटी हि लेखनाची वैशिष्ट्ये होती ओमकार यांची होती.
त्यांचे अकाली जाणे रुखरुख लावणारे आहे.
काय असेल ते असो पण मिपावरील ओळखीच्यांपैकी जे गेले ते अकालीच गेले होते. यकू झाला, इंदूरला नोकरी करणारा कुलकर्णी अपघातात गेले. काळाच्या हातातल्या गोष्टी सगळ्या.
कुलकर्णी गेला तेव्हा त्याच्या अंतिम यात्रेला नाशकात गेलो तेव्हा ढसढसा रडायला झाले होते. राज जैन ने बातमी दिली तर विश्वासच बसत नव्हता.
आताही तसेच झाले. कोण कुठले आपण पण आवडीच्या माध्यमातून जवळ आलेलो. असे दुर जाणे मनाला लागणारे आहे.
ओमकार यांच्या आत्म्याला शांती मिळो हि परमेश्वर चरणी प्रार्थना.

दशानन शुक्रवार, 30/11/2018 00:38

त्यांच्या आत्म्यास सद्गती लाभो हि ईश्वर चरणी प्रार्थना !

When I buy a new book, I always read the last page first, that way in case I die before I finish, I know how it ends.

-Nora Ephron.

रातराणी शुक्रवार, 30/11/2018 02:16

:( फार वाईट बातमी. श्रद्धांजली.. स्केअर क्रो ही अनुवाद केलेलं काही वाचायची पहिलीच वेळ होती आणि इतका सुंदर अनुवाद करता येऊ शकतो यावर विश्वास बसला नव्हता..

शिद शुक्रवार, 30/11/2018 14:08

बोका-ए-आझम ह्यांना भावपूर्ण श्रध्दांजली...ईश्वर त्यांच्या मृतात्म्यास सद्गती देओ आणि त्यांच्या आप्तजनांस दु:खातून सावरण्यास बळ देओ.

_/\_

प्रा.डॉ.दिलीप बिरुटे बुधवार, 05/12/2018 21:17

बोका ए आझमची धक्कादायक बातमी वाट्सअ‍ॅपवर किसनानेच दिली. बाप रे...! इतकंच उचारलं. शांत राहीलो. बोका ए आझमच्या आजाराबद्दल वाचूनच कळलं. अतिशय वाईट वाटलं.

बोका ए आझमशी मिपावर अनेकदा वाद झाले. वाट्सपॅच्या विविध चर्चात अनेकदा वाद होत असत, आणि ते गृप मधून रागाने बाहेर पडत. असं अनेकदा व्हायचं. बोका ए आझमचा पहिल्यांदा जेव्हा फोन आला तेव्हा आश्चर्य वाटलं, पण, मग गप्पा रंगल्या. आम्ही सर्व विसरुन ख्याली खुशाली विचारल्या आणि बराच वेळ बोललो. असे दोन चार वेळी असे बोलणे झाले. पण असं काही होईल असे कधी वाटलेच नाही. बोका ए आझम विसरता येणे शक्य नाही. लेखन आठवत राहील, व्यक्तिमत्व आठवत राहील.

भावपूर्ण श्रद्धांजली.

-दिलीप बिरुटे

स्वाती दिनेश गुरुवार, 06/12/2018 08:07

फार वाईट बातमी ,
श्रध्दांजली...
स्वाती