शेअरबाजार- बस्स 02 मिनिट्स...आपण काय करावे??

प
प्रसाद भागवत यांनी
 ·  लेख
लेख
सध्या गाजत असलेल्या 'मॅगी' प्रकरणामुळे आज नेस्ले ईडिया कंपनीच्या शेअरने जवळजवळ 10% ची गटांगळी खाल्ली. हे प्रकरण मिडियात आल्यापासुन म्हणजेच गेल्या पंधराएक् दिवसांत हा शेअर सधारण 1000 रुपयांनी (म्हणजे जवळजवळ 14% घसरला) आपण, एका सामान्य गुंतवणुकदाराने या बाबत काय करावयास हवे असे आपणास वाटते??.. कर्मधर्मसंयोगाने मी याच विषयावर् अर्थपुर्णच्या येत्या मासिकात एक लेख लिहिला आहे. जरुर वाचावा. आपल्या प्रतिक्रिया, सुचनांचे स्वागत आहे. - प्रसाद भागवत
वर्गीकरण
लेखनविषय (Tags)
अर्थकारण
अर्थव्यवहार
गुंतवणूक
लेखनप्रकार (Writing Type)
माहिती
49547 वाचन
💬 प्रतिसाद (113)

प्रतिक्रिया

मृत्युन्जय
Wed, 06/03/2015 - 14:32 नवीन
माझे मत आहे की विकत घ्यावा नेसले चा शेयर. नेसले म्हणजे फक्त मॅगी नूडल्स नाहित. त्याव्यतिरिक्ता खालील ब्रँड्स सुद्धा आहेतः १. मॅगी सॉस २. एवरीडे ३. मिल्कमेड ४. नेसले दही, दूध ५. नेसकॉफी ६. नेसटी ७. किटकॅट ८. मॅगी मसाले आणि इतर फूड प्रॉडक्ट्स ९. पॉलो ९. मिल्कीबार १०. मंच ११. अल्पिनो, बारवन आणि इतर चॉकोलेट्स यातला मॅगी नूडल्सचा हिस्सा किती आहे ते माहिती नाही पण बाकीचे ब्रँडसदेखील तगडे आहेत ज्याच्या विक्रीवर काही परिणाम होणार नाही (मॅगी ब्रँडेड प्रॉडक्ट्स वगळता). शिवाय एक दोन महिन्यात लोक सगळे विसरतील. मॅगी नूडल्स न्युट्रिशियस असल्याचे प्रमाणपत्र मिळेल. काही सिने तारका आणि क्रिकेटपटु येउन मॅगीतली पोषणमूल्ये समजावुन सांगतील, काही आया आपली पोरे कशी मॅगी नूडल्समुळे भाज्या खायला शिकली ते सांगतील. मॅगी हे आधुनिक संजीवनी असल्याचा आभास निर्माण केला जाइल. एक - २ महिन्यात लोक सगळे विसरतील. आणी मॅगी नूडल्सचा खप परत सुरु होइल. त्यामुळे आत्ता वाहत्या गंगेत हात धुवुन घ्या. अर्थात भाव अजुन पडणार नाहित याची काही ग्यारंटी नाही. अवांतरः खरेदी आपल्या जोखमीवर करावी माझ्या मतावर नाही.

प्रसाद१९७१
Wed, 06/03/2015 - 16:06 नवीन
मॅगी कित्येक वर्ष खात आहे आणि ह्या प्रकरणामुळे खाणे अजिबात बंद करणार नाही. भारताबाहेर पण मॅगी मसाला भारतीयांमधे पॉप्युलर आहे. तिथे एक्स्पोर्ट होऊ शकले म्हणजे फार काही मोठी इश्यु नसणार. रादर आजच पुढच्या ६ महीन्यांचा स्टॉक करुन ठेवणार आहे. आणि माझ्या सारखे लाखो आहेत.
↩ प्रतिसाद: मृत्युन्जय

ब़जरबट्टू
गुरुवार, 06/04/2015 - 14:36 नवीन
मॅगी भारतात कितीही पॉप्युलर असली, व आपली विसरायची सवय असली, तरी जिथे मुलांच्या आरोग्याचा प्रश्न आहे, तिथे भारतीय आया ब-यापैकी जागरूक असतात... मागे जान्सन बेबी प्राडक्टच्या बाबतीत असाच किस्सा झाला होता, तेव्हा, मॅगी परत वर येणार हे नक्की, पण अब बुन्द से गयी है... :)
↩ प्रतिसाद: प्रसाद१९७१

आदूबाळ
Wed, 06/03/2015 - 16:10 नवीन
+१ सहमत आहे. मुंबई हल्ल्याच्या वेळी इंडियन हॉटेल्सचा शेअरही असाच धडपडला होता. त्यावेळी तिथेच नोकरी करत असल्याने घेऊ शकलो नाही...
↩ प्रतिसाद: मृत्युन्जय

आनंदराव
Wed, 06/03/2015 - 16:01 नवीन
अगदी बरोबर पण नेस्ले च्या दुध भुकटी मधे पण काहीतरी गड्बड सापडली आहे. भाव ५५००/- पर्यंत खाली आल्यास ३ वर्षांसाठी घेण्यास उपयुक्त ! बाकि : आपआपली सदसदविवेकबुद्धी वापरावी. माझी नको.

प्रसाद भागवत
Wed, 06/03/2015 - 17:16 नवीन
काय 5500??...आपल्या तोडांत मॅगी सॉस, एवरीडे,मिल्कमेड.नेसले दही, दूध, नेसकॉफी. नेसटी.किटकॅट.मॅगी मसाले आणि इतर फूड प्रॉडक्ट्स, पॉलो. मिल्कीबार, मंच, अल्पिनो, बारवन, आणि इतर चॉकोलेट्स पडो.
↩ प्रतिसाद: आनंदराव

आनंदराव
Wed, 06/03/2015 - 18:56 नवीन
नको नको त्यापेक्षा मस्त बोकड कापु मटान बिटान
↩ प्रतिसाद: प्रसाद भागवत

कपिलमुनी
Mon, 06/08/2015 - 17:52 नवीन
आहे
↩ प्रतिसाद: आनंदराव

रामदास
Wed, 06/03/2015 - 16:23 नवीन
ठरवून राडा घातल्यासारखे वाटते आहे. त्यामुळे पडत्या भावात खरेदी करणार आहे.

संदीप डांगे
Wed, 06/03/2015 - 16:46 नवीन
सहमत. मॅगीला काँपीटीशन वाढल्याने हे एक मार्केटींग ट्रीक असल्यासारखे वाटत आहे. सेलीब्रिटी ब्रँड अम्बेसेडर्सना गुंतवणे म्हणजे जास्तीत जास्त लोकांपर्यंत हा इशू पोचवणे. नंतर काही वेळाने याच लोकांना वापरून, झालेल्या पब्लिसिटीचा फायदा घेऊन मॅगी किती उत्तम आहे याची जाहिरात करणे. सद्यस्थितीत मॅगीकडे वेगळेपणाचा कोणताच मुद्दा नसल्याने बॅड पब्लिसिटीचा घाट घातला आहे अशी शंका आहे. यातूनच कंपनीला दमदार अ‍ॅड कँपेन करण्याचे कारण मिळते. असे इशूनंतर झालेले कँपेन लक्ष वेधून घेऊन जनतेमधे चर्चा होण्यास भाग पाडते. साध्या कॅम्पेनने विक्रीत होणारी ५-८ टक्के वाढ अशा वादग्रस्त कॅम्पेनने ३५ टक्क्यांपर्यंत वाढते. इतरही बाजू असू शकतात. पण लेड आणि एमएसजी उकरून काढलेला वरवरचा मुद्दा आहे. याने फक्त एकच प्रश्न शिल्लक राहतो तो म्हणजे ते आधीपासून त्यात होतं का किंवा पुढे नसेल हे कसे ओळखायचं?
↩ प्रतिसाद: रामदास

काळा पहाड
Wed, 06/03/2015 - 16:53 नवीन
मी आत्ताच थोडासा युनिटेक (३५% कोसळला) खरेदी करण्यासाठी ऑव्हर्नाईट ऑर्डर प्लेस केली आहे. अदानी ८२% कोसळला आहे. त्याबद्दल आपलं काय मत आहे?

प्रसाद भागवत
Wed, 06/03/2015 - 17:11 नवीन
पहाड साहेब, अदानीच्या भावातील फरक हा डीमर्जरमुळे भावांत झालेली 'ॲडजेस्ट्मेंन्ट' आहे. युनिटेकबद्दल माझा अभ्यास नाही.
↩ प्रतिसाद: काळा पहाड

मृत्युन्जय
Wed, 06/03/2015 - 17:13 नवीन
अदनी डीमर्जर स्कीम मुळे पडला आहे. स्कीमबद्दल आधिक माहिती मिळाल्यानंतर त्यावर काही बोलणे योग्य होइल. युनिटेक का पडला कुणास ठाउक. डेड इन्व्हेस्टमेंट म्हणून घ्यायला हरकत नाही. पैसे वायाच जातील असे समजुन घ्यायचा
↩ प्रतिसाद: काळा पहाड

आनंदराव
Wed, 06/03/2015 - 18:54 नवीन
़जया, युनिटेक चे क्यु४ चे रिझल्ट्स लागले आहेत. १९४ कोटी लोस आहे म्हणुन पडला मी तर इन्फ्रा स्टोक च्या विरुद्ध आहे. घ्यायचाच असेल तर लार्सन बेस्ट !
↩ प्रतिसाद: मृत्युन्जय

सुबोध खरे
Wed, 06/03/2015 - 19:02 नवीन
युनिटेक ३५ % पडला तरी त्याला सर्किट का लावले गेले नाही? माहितगार लोक यावर भाष्य करतील तर बरे होईल. बाकी ५४५ पर्यंत गेलेला समभाग आज त्याचा दीड टक्के किमतीवर (रुपये ८. ७०) का आहे याचा विचार केला तर यामध्ये पैसे गुंतवावे का याचे उत्तरही मिळेल. कंपनी गाळात आहे. बुडणे बाकी आहे.
↩ प्रतिसाद: आनंदराव

श्रीगुरुजी
Wed, 06/03/2015 - 19:12 नवीन
युनिटेकशी संबंधित असलेली युनिनॉर ही कंपनी २-जी स्पेक्ट्रमच्या घोटाळ्यात अडकलेली आहे. त्यामुळेच काही वर्षांपासून युनिटेकचा शेअर पडलेला आहे. या घोटाळ्याचा निकाल लागल्यानंतरच युनिटेक पूर्ण बुडेल का तरेल हे नक्की होईल.
↩ प्रतिसाद: सुबोध खरे

श्रीगुरुजी
गुरुवार, 06/04/2015 - 22:28 नवीन
युनिटेकचे वार्षिक निकाल मागील शुक्रवारी २९ मे रोजी लागले. युनिटेकला १९४ कोटी रू.चा तोटा झालेला आहे. या तोट्याचा परीणाम मागील शुक्रवारी व नंतर लगेच सोमवारी दिसायला हवा होता. या दोन दिवशी काही प्रमाणात हा समभाग घसरला. परंतु काल, म्हणजे निकालानंतर बर्‍याच उशीरा, हा समभाग ३५% ने घसरला (एकवेळ तो जवळपास ५०% खाली आला होता, पण नंतर ६.७५ या भावानंतर थोडा वाढून ८.७० ला बंद झाला.) त्याचे वेगळेच कारण आहे. वृत्तपत्रातील बातम्यानुसार या कंपनीवर ६००० कोटी रू. अधिक कर्ज आहे व कंपनी कर्ज फेडण्यास असमर्थ ठरत आहे असे वृत्त पसरल्याने या समभागाने इतकी मोठी आपटी खाल्ली. यापूर्वी सत्यमचा घोटाळा उघडकीस आल्यावर यापेक्षा मोठ्या फरकाने सत्यमचा सहभाग घसरला होता. ९/११ नंतर मॅस्टेकचा समभाग एका दिवसात ५६० वरून २६० वर आला होता, तर इन्फोसिसचा समभाग ९/११ नंतरच्या पहिल्या दिवशी ४००० वरून २४०० वर व दुसर्‍या दिवशी २००० वर जाऊन पोहोचला होता.
↩ प्रतिसाद: श्रीगुरुजी

मार्मिक गोडसे
Fri, 06/05/2015 - 01:03 नवीन
वृत्तपत्रातील बातम्यानुसार या कंपनीवर ६००० कोटी रू. अधिक कर्ज आहे व कंपनी कर्ज फेडण्यास असमर्थ ठरत आहे असे वृत्त पसरल्याने या समभागाने इतकी मोठी आपटी खाल्ली. कंपनी प्रमोटरनी ९० % शेअर प्लेज केले आहेत, ह्या शेअरचे सौदे वायदे बाजारात होत असल्यामुळे शेअरचा भाव अजून खाली येउन मार्जीन कॉल आल्यास आणी प्रमोटर तो भरण्यास असम्रर्थ ठरल्यास हा शेअर एका सत्रात कीतीही खाली येऊ शकतो. अशा शेअरपासून दूर राहीलेले बरे.
↩ प्रतिसाद: श्रीगुरुजी

श्रीगुरुजी
Fri, 06/05/2015 - 14:31 नवीन
सहमत. परंतु या शेअरमध्ये मी अडकलो आहे. विकण्यासाठी योग्य भावाची वाट बघत आहे. एखाद्या मोठ्या कंपनीने ही कंपनी टेकओव्हर केल्यास भाव वाढू शकतो.
↩ प्रतिसाद: मार्मिक गोडसे

hitesh
Sun, 06/07/2015 - 10:55 नवीन
केले तर तीही कंपनी बुडेल. शेअर रामाला अर्पण करा.
↩ प्रतिसाद: श्रीगुरुजी

काळा पहाड
Sun, 06/07/2015 - 16:07 नवीन
बहुधा तसं नसावं. गुरुजींनी तो शेअर ८०+ रुपयात जरी घेतला असेल तरी आता लॉस राईट ऑफ करायमध्ये काही फायदा नाही. शेअर या व्हॅल्यूपासून ९०% पडला आहे. आता रिस्क फार थोडी आहे आणि होल्ड केल्यास पोटेंशियल फायदा असू शकतो.
↩ प्रतिसाद: नगरीनिरंजन

श्रीगुरुजी
Mon, 06/08/2015 - 11:40 नवीन
मी होल्ड करणार आहे. अजून काही काळ थांबायची माझी तयारी आहे. २-जी स्पेक्ट्रम प्रकरणाचा निकाल याच वर्षी लागणार आहे. त्या निकालावर युनिटेकचे भवितव्य ठरेल.
↩ प्रतिसाद: काळा पहाड

प्रसाद भागवत
गुरुवार, 06/04/2015 - 09:44 नवीन
डॉ. साहेब, युनिटेकबद्दल मी मत व्यक्त करु शकणार नाही पण आपण सर्किट का लागले नाही असे विचारले आहे. तसे न लागण्याचे कारण म्हणजे 'ज्या शेअर्सचा वायदा बाजारात(futures) समावेश आहे, त्यांना सर्किट बेकर्सचा नियम लागु होत नाही' हे आहे. बाकी युनिटेकबद्दल मी मत व्यक्त करु शकणार नाही धन्यवाद.
↩ प्रतिसाद: सुबोध खरे

आदूबाळ
Fri, 06/05/2015 - 11:58 नवीन
'ज्या शेअर्सचा वायदा बाजारात(futures) समावेश आहे, त्यांना सर्किट बेकर्सचा नियम लागु होत नाही'
नवीन माहिती. धन्यवाद! हा नियम/अपवाद लॉजिकल वाटतो आहे. पण फ्यूचरच्या स्प्रेडपेक्षा मोठी चढउतार झाली तरी सर्किट लागणार नाही का?
↩ प्रतिसाद: प्रसाद भागवत

मार्मिक गोडसे
Fri, 06/05/2015 - 15:04 नवीन
हा नियम/अपवाद लॉजिकल वाटतो आहे. पण फ्यूचरच्या स्प्रेडपेक्षा मोठी चढउतार झाली तरी सर्किट लागणार नाही का? एखाद्या शेअरचे वायदे बाजारातील ओपन इंटरेस्ट मार्केट वाईड पोजिशनच्या ९५ % मर्यादेबाहेर गेल्यास संबंधीत शेअरचे सौदे थांबविले जातात पण ही सर्व माहीती बा़जार बंद झाल्यावर एकत्रीत केली जाते आणी सौदे दुसर्‍या दिवशी रोखले जातात. मार्केट वाईड पोजिशनची ६०% ची मर्यादा पार केल्यास संबंधीत एक्सचेंजकडून तसे संदेश येतात.
↩ प्रतिसाद: आदूबाळ

आकाश कंदील
Wed, 06/03/2015 - 17:19 नवीन
मला पूर्वी एक SMS आला होता "तुम्ही तुमच्या १० लाखाची गाडी रॉकेल वर चालवता का, जर नाही तर तुमच्या शरीरात अपायकारक गोष्टी का टाकता ?" आता कधीतरी ठीक आहे पण 'प्रसाद१९७१' म्हणतात तसे "आजच पुढच्या ६ महीन्यांचा स्टॉक करुन ठेवणार आहे. आणि माझ्या सारखे लाखो आहेत" यावर काय बोलावे समजत नाही. मग गुणवत्ता आश्वासन, गुणवत्ता नियंत्रण वैगेरे विभागाची ची गरजच काय. आपण आपल्या बद्दल जागरूक नसलो तर दुसरे आपली काळजी कशाला करतील. बाकी मला माहित आहे माझा मुद्दा धाग्याच्या विषया पासून वेगळा आहे पण राहवले नाही म्हणून मत मांडले.

प्रसाद१९७१
Wed, 06/03/2015 - 17:30 नवीन
१. एक तर गेली ३० वर्ष मॅगी खाऊन काही त्रास झाला नाही. झालाच तर तो मॅगी मुळे होईल असे वाटत नाही. कारण मॅगी खाल्ली तरी जास्तीत जास्त आठवड्यात एकवेळेला. २. भारतीय सरकारच्या कुठल्याही विभागावर विश्वास नाही. उत्तर प्रदेशच्या तर नाहीच नाही. नेसले वर जास्त विश्वास आहे. ३. प्रचंड धुर असणार्‍या रस्त्यांवर दिवसाचा १ तास तरी जातोच, ( पूर्वी तर लेड पण असायचे ह्या धुरात ). कुठलीही टेस्ट पास होऊ शकणार नाही असे पाणी हे मायबाप सरकार देते. तेही वर्षभर पितच असतो. ह्या सर्व प्रकारात मॅगी खाउन अजुन काही जास्तीचा अपाय होइल असे वाटत नाही.
↩ प्रतिसाद: आकाश कंदील

प्रसाद भागवत
Wed, 06/03/2015 - 17:53 नवीन
भारतीय सरकारच्या कुठल्याही विभागावर विश्वास नाही. उत्तर प्रदेशच्या तर नाहीच नाही. नेसले वर जास्त विश्वास आहे........दुर्दैवाने सहमत..
↩ प्रतिसाद: प्रसाद१९७१

काळा पहाड
Wed, 06/03/2015 - 17:50 नवीन
नेसले मागची कटकट संपलीयसं वाटत नाही. भाव उद्या सुद्धा खाली जावू शकतो. जोपर्यंत हा इश्श्यू हॉट आहे, तोपर्यंत कंपनीच्या स्टॉक वर नकारात्मक परिणाम होईलसं वाटतंय. उद्या वॉच ठेवून निर्णय घ्यावा म्हणतोय. भागवत साहेब, उद्या साठी काय प्रेडिक्शन आहे?

प्रसाद भागवत
Wed, 06/03/2015 - 18:03 नवीन
अशा प्रकरणांतला क्लायमॅक्स कधी येइल याचा अंदाज बांधणे हे भुकंपाचा केंद्रबिंदु भुकंप होण्याआधीच सांगण्यासारखे आहे पहाड्साहेब. यावर उपाय म्हणुन खरेदी हप्त्याहप्त्याने करता येवु शकते.सर्वसामान्यतः, मला स्वतःला 5900 ही एक चांगली आधारपातळी वाटते आहे.
↩ प्रतिसाद: काळा पहाड

प्रसाद भागवत
गुरुवार, 06/04/2015 - 21:59 नवीन
नेस्लेसंदर्भात 'मला स्वतःला 5900 ही एक चांगली आधारपातळी वाटते आहे..' असे मी काल म्हटले होते, माझ्या या अनुमानावर विसंबुन आज साधारणतः मी 5855/60 दराने नेस्लेची खरेदी केली. येत्या 50 सत्रांत (sessions) मध्ये भावपातळी 6700+ व्हावी अशी माझी अटकळ आहे. हा खुलासा करण्याचे कारण म्हणजे मी येथे करीत असलेल्या लिखाणातील विचार हे बहुतेकदा स्वतः अंमलात आणतो किंबहुना माझा चरितार्थ त्यावर गेली अनेक वर्षे अवलंबुन आहे, ही गोष्ट अधोरेखित करणे हा आहे. अर्थातच अशा लेखनातुन (व अगदी याही प्रतिक्रियेतुन) मी कोणताही खरेदी विक्रीविषयक शिफारस करीत नाही वा कोणत्याही नफ्याची हमी देत नाही व याची नोंद सदस्यांनी घ्यावी.
↩ प्रतिसाद: काळा पहाड

सुबोध खरे
Wed, 06/03/2015 - 18:49 नवीन
नेस्लेच्या समभागाला घेणारा दिवसाखेरीस कोणीही नव्हता. आताच आलेल्या बातमीनुसार माग्गीच्या नुडल्सच्या विक्रीवर दिल्लीत १५ दिवस बंदी घातली आहे. याचा अर्थच हा आहे कि उद्या तो अजून ५-१० % पडेल. आणी येत्या महिन्याभरात तो सहजरीत्या चढणार नाही. कारण कायद्याच्या कटकटीतून बाहेर पडण्यास त्यांना अजून थोडा वेळ लागेल. आज सहा हजार दोनशेच्या आसपास एक समभाग घेऊन तो जास्तीत जास्त किती चढेल तर सात हजार पर्यंत( गेल्या सहा महिन्यांची सरासरी) आजमितीस सर्वात जास्त ( लाइफ टाईम हाय) ७५०० होता. तेंव्हा मिळणारा परतावा हा १३% असेल यातून १.५ टक्के ब्रोकर चे कमिशन आणी नफ्या वर १५ % कमी वेळाचा भांडवली परतावा(SHORT TERM CAPITAL GAINS) म्हणजे २% असे ३. ५% कमी केलेत तर मिळणारा परतावा जास्तीतजास्त ९.५% असेल. यात जर मॉन्सून कमी उतरला तर ग्रामीण भागातील त्यांची विक्री कमी राहील. अशा तर्हेच्या धोक्यांचा विचारही व्हावा ब्लू चीप कंपनी असल्याने भांडवल बुडणार नाही हे नक्की. परंतु त्याऐवजी त्याच श्रेणीतील टाटा स्टील घेतला तर ३१६ रुपयाचा समभाग ३५० रुपये नक्की होईल. म्हणजे वर दिल्याप्रमाणे सर्व खर्च वजा जाता १०% परतावा नक्की मिळेल. शिवाय एकदम एवढे पैसे एका समभागात गुंतवण्याऐवजी तुम्हाला पाहिजे तेवढे समभाग घेता येतील. किंवा आय सी आय सी आय बँक २९७ रुपयाला घेतल्यास तो नक्की तितकाच परतावा देऊ शकेल. ज्यांना एकदम एवढे पैसे एका समभागात गुंतवायचे नाहीत त्यांनी अशा तीन चार कंपन्यांचे पाच पाच समभाग घेतले तर त्यातून मिळणारा नफा तेवढाच असेल पण पैसे जास्त खेळते राहू शकतील आणी धोका तितका कमी होईल. ता क़:- मी एक सामान्य गुंतवणूकदार आहे आणि माझे पैसे मी समभागात गुगलवर बातम्या काढून वाचल्यानंतर कुठे गुंतवायचे ते ठरवतो. प्रत्येकाने आपल्या स्वतःच्या बुद्धीनुसार गुंतवणूक कशी करावी हे ठरवावे

प्रसाद भागवत
Wed, 06/03/2015 - 20:07 नवीन
डॉ. साहेब, (१) नेस्लेच्या समभागाला घेणारा दिवसाखेरीस कोणीही नव्हता.... ही माहिती कोठे उपलब्ध आहे ?? (२) दिल्लीत १५ दिवस बंदी घातली आहे. याचा अर्थच हा आहे कि उद्या तो अजून ५-१० % पडेल..... ह्या विधानांमुळे गोंधळ उडाला आहे. (३)एकीकडे नफ्याची टक्केवारी काढताना वर्षाचा कालावधी धरलेला दिसतो आणि त्याच वेळेस कमी वेळाचा भांडवली परतावा(SHORT TERM CAPITAL GAINS)ही... (४) येत्या महिन्याभरात तो सहजरीत्या चढणार नाही.... तो जास्तीत जास्त किती चढेल तर सात हजार पर्यंत... त्याच श्रेणीतील टाटा स्टील घेतला तर ३१६ रुपयाचा समभाग ३५० रुपये नक्की होईल...शक्य आहे पण शेवटी हे अंदाजच आहेत. काळच याची उत्तरे देइल.(५) शिवाय एकदम एवढे पैसे एका समभागात गुंतवण्याऐवजी तुम्हाला पाहिजे तेवढे समभाग घेता येतील...या वर एक (वादग्रस्त) विधान उध्रूत करतो.. 'Diversification is protection against ignorance......
↩ प्रतिसाद: सुबोध खरे

सुबोध खरे
Wed, 06/03/2015 - 20:24 नवीन
MONEYCONTROL च्या वेबसाईट वर हा समभाग टिचकी मारल्यास BID आणी OFFER PRICE आणी QUANTITY आपल्याला दिसू शकतात. याच ठिकाणी समभाग आयुष्याभरात सर्वोच्च स्थानावर किति आणी कधी पोहोचला हे येते आणी बाकी सर्व त्या कंपनीची कुंडलीहि दिसू शकते. साहेब कोणताही समभाग घ्या एक तर एका वर्षाच्या आत आपण विकलात तर STCG आपल्याला भरायला लागेल मग तो टाटा स्टील असो कि नेसले वा आय सी आय सी आय बँक असो त्यामुळे तुलनात्मक रित्या काहीच फरक पडत नाही. राहिली गोष्ट टक्केवारी काढताना एक वर्षाच्या आतील कालावधी धरला आहे. जो माणूस लांब पल्ल्यासाठी( एक वर्ष आणी अधिक) गुंतवणूक करणार आहे त्यासाठी तर टाटा स्टील किंवा आय सी आय सी आय बँक या नक्कीच नेसले पेक्षा चांगल्या कंपन्या( परताव्याच्या दृष्टीने) आहेत. कारण नेसले कंपनी अधिक चांगलीअसली तरी त्याचा समभाग फार महाग आणी फार उच्चीवर आहे. http://www.theguardian.com/world/2015/jun/03/india-withdraws-maggi-noodles-shops-mounting-food-safety-scare गुगलून पहा. राहिली गोष्ट 'Diversification is protection against ignorance.या बाबत आपले मत बहुसंख्य जनता आणी विशेषज्ञ यांच्या विरोधात आहे त्याबद्दल मी मत देणे टाळतो.
↩ प्रतिसाद: प्रसाद भागवत

प्रसाद भागवत
Wed, 06/03/2015 - 20:49 नवीन
(१)दिवसाअखेरीस सर्वच BID आणी OFFER PRICE आणी QUANTITY ह्या शुन्य दिसत असाव्यात, मात्र ह्यावर विसंबुन आपण करता तसे विधान करणे चुकीचे आहे. आपण सुचविलेल्या ह्याच पानावर दोनच सेमी वर आज झालेला व्हॉल्युम पहा. तेथे पाहता येते की गेले ३० दिवसाच्या व्हॉल्युमच्या १०पट शेअर्सचा आज व्यवहार झाला. म्हणजेच आज दिवसाअखेरीस या शेअरला कोणी खरेदीदार नव्हते हे कसे काय ?? (२) सर्वस्वी आपल्या अंदाजांवर आधारित असा आपण सुचविलेला पर्याय( म्हणजे टाटा स्टील) आणि नेस्ले यांच्या संभाव्य नफ्यात आपल्याच आकडेवारीप्रमाणे फरक आहे तो उणापुरा अर्धा टक्का. त्यात उजवे डावे कसले??. घाईघाईत आकडेवारीतली झालेली गफलत मी फक्त नजरेस आणुन दिली, ती आपण मान्य करुन आपली आकडेमोड सुधारावी म्हणुन एवढेच त्याने तर्कात फरक पडेल असे म्हणालो नाही. (३)कोण महाग, कोण स्वस्त...हे काळच ठरवेल. बाजर इतक्या गणिती, साचेबद्ध पद्ध्तीने चालत नाही हे मी आपणास सांगावयस नकोच (४) 'Diversification is protection against ignorance.या बाबत आपले मत.........क्षमस्व. मी हे 'उधृत' केलेले वाक्य आहे हे बहुधा घाईत आपल्या नजरेतुन सुटले असावे. साहेब, हे माझे नव्हे तर सर बफेट यांचे मत आहे.
↩ प्रतिसाद: सुबोध खरे

सुबोध खरे
Wed, 06/03/2015 - 21:36 नवीन
PREV. CLOSE 6803.25 OPEN PRICE 6500.00 BID PRICE (QTY.) 0.00 (0) OFFER PRICE (QTY.) 6186.95 (138) साहेब NSE वर बिड कोणीच करत नव्हतं पण offer price आणि quantity पण दिसत आहे वर दिले आहे याचा अर्थ मी म्हणालो तसा आहे. गेले ३० दिवसाच्या व्हॉल्युमच्या १०पट शेअर्सचा आज व्यवहार झाला. म्हणजेच आज दिवसाअखेरीस या शेअरला कोणी खरेदीदार नव्हते हे कसे काय ??तुमच्या माझ्या सारखे लोक थांबले आहेत समभाग अजून पडण्याची वाट पाहत म्हणूनच तर दिवसाखेरीस कोणी विकत घेणारा नाही. दहा पट व्यवहार झाला कारण लोकानी आपले समभाग घाईने विक्रीस काढले आणि तोटा कमी केला. अठरा मेला ७३२७ ला असलेला समभाग आज ५९८० पर्यंत घसरला याचे कारण काय ? लोक गेले पंधरा दिवस हे समभाग विकत आहेत. आणि याची सुरुवात १९ मी च्या बातमीने झाली आहे. तेंव्हा या समभागाने ताल गाठला आहे असे म्हणवत नाही. http://www.moneycontrol.com/news/cnbctv18-comments/gujaratmaharashtra-fda-to-probe-into-maggi-noodles_1387754.html राहिली गोष्ट बाजार इतक्या गणिती, साचेबद्ध पद्ध्तीने चालत नाही म्हणून तर एकाच टोपलीत आपली अंडी ठेवू नका हि म्हण प्रसिद्ध आहे यासाठीच मी म्हणालो कि एक महाग समभाग घेण्यापेक्षा त्याच किमतीत चार उत्तम कंपन्यांचे पण तुलनेत स्वस्त समभाग घ्या. बाकी आपण सर्व "बफेट" नाही म्हणूनच "diversification" आवश्यक आहे.
↩ प्रतिसाद: प्रसाद भागवत

प्रसाद भागवत
Wed, 06/03/2015 - 22:27 नवीन
असहमत. आता या मुद्द्यावर आपल्या पोस्ट्स् दुराग्रहाकडे झुकताहेत असे खेदाने म्हणावे लागते. offer price आणि quantity ह्या सेकंदागणिक बदलतात. आपण पहात असलेला सोदा दिवसाचा शेवटचा सौदा आहे. त्यामुळे आपण म्हणता अशी स्थिती दिसते आहे. शेवटी खरेदीदार नव्हते या म्हणण्याला अर्थ नाही. अशी स्थिती जवळपास प्रत्येक समभागाबद्दल आणि दररोज दिसेल.तेंव्हा दिवसातला शेवटच्या सौद्यावरुन काहितरी निष्कर्ष काढ्ण्यात काय अर्थ आहे?? असे शेवटचे सौदे अनेकदा चुकीची माहिती प्रसुत करतात म्ह्णुनच दिवसाचा बंद निर्देशांक शेवट्च्या काही सोद्यांची सरासरी काढुन ठरवला जातो हे आपणास विदित असेलच. "diversification" आवश्यक आहे किंवा नाही हे एकाच पॅथीच्या डॉक्टरच्या सल्ल्याने चालावे की ... याच चालीवरचा वैचारिक मुद्दा आहे. एक महाग समभाग घेण्यापेक्षा त्याच किमतीत चार उत्तम कंपन्यांचे पण तुलनेत स्वस्त समभाग घ्या...पुन्हा एकदा महाग स्वस्त हे ठरविणार कोण?? एक्दाच१० ग्रॅम सोने घ्यावे की ०२/०२ ग्रॅम चांदी, काही तांबे,पितळ व अन्य धातु... हे सागंता येणे कठीण. बाकी आधी "diversification" बाबतचे मत बहुसंख्य 'जनता आणी विशेषज्ञ' यांच्या विरोधात आहे असे लिहुन नंतर ... आपण सर्व "बफेट" नाही असे म्हणुन बफेट सरांचा सन्मान करण्याची आपली हातोटी आवडली.
↩ प्रतिसाद: सुबोध खरे

प्रसाद१९७१
गुरुवार, 06/04/2015 - 13:53 नवीन
डॉक्टर साहेब, काल नेस्लेचे ७३०००+ शेयर्स विकले/घेतले गेले. हा सरासरी व्हॉल्युमच्या १०-१५ पट आहे. ह्याचाच अर्थ विकणारे होते तसेच ते घेणारे पण होते. तुम्ही दिवस संपल्यानंतर चे आकडे बघितल्या मुळे तुम्हाला कोणी खरेदीदार नाही असे वाटले. सध्या टाटा स्टील च्या वाट्याला जावु नका ( जर आतली काही खबर नसली तर ). त्यांची कोरस स्टील प्रचंड नुकसान करते आहे. चीन ची मागणी कमी झाली तर फारच कठीण परीस्थिती येइल
↩ प्रतिसाद: सुबोध खरे

आनंदराव
Wed, 06/03/2015 - 19:00 नवीन
एस बी आय आय टी सी सध्या च्गा भाव खरेदी करयला उत्तम बाकी नेहमीचे डिस्केमर - स्वताची सद सद विवेकबुद्धी वापरावी.

काळा पहाड
Wed, 06/03/2015 - 19:32 नवीन
१. चीन मध्ये मंदी सुरू झालेली आहे. त्याचा फटका कदाचित खनिजे आणि धातूंना बसू शकतो कारण भारत हे निर्यात करतो. http://www.cbc.ca/news/business/china-s-central-bank-cuts-interest-rates-as-slowdown-deepens-1.2977221 २. भारतात हे वर्ष दुष्काळाचं आहे. ऑटो उद्योगाला मोठा फटका बसू शकतो. रियल इस्टेट मध्ये मंदी आहेच. मोठ्ठी इन्व्हेन्टरी पडून आहे आणि आता दुष्काळात लोक गुंतवणूक करतील अशी शक्यता कमी आहे. बिल्डर्स आता काम अर्धवट सोडून पळून जाण्याची शक्यता जास्त आहे. नवीन प्रोजेक्ट मध्ये गुंतवणूक करताना विचार करून करा. ३. बँकांचे एन.पी.ए. सध्या उंच जागी आहेत. विशेष करून युनायटेड बँकेचे एनपीए पहा. एस बी आय सुद्धा एन.पी.ए. च्या बाबतीत धोक्याच्या जागी उभी आहे. http://www.blog.sanasecurities.com/non-performing-asset-npa-in-public-sector-banks/

मी-सौरभ
Wed, 06/03/2015 - 23:17 नवीन
या सेक्टर बद्दल काय मत आहे?

सखारामगटणे
गुरुवार, 06/04/2015 - 02:04 नवीन
http://www.nestle.com/aboutus/ask-nestle/answers/maggi-noodles-india एक शंका आहे त्यांनी असे म्हटले आहे की उत्तर प्रदेश मध्ये maggi packets मध्ये जास्त लीड सापडले ते lot नोव्हेंबर २०१४ expiry असलेले होते.. पण ह्याचा अर्थ असा आहे का की Maggi expire झाली की त्यातले लीड कंटेट वाढते? एकूणच बर्याचादा maggi हानिकारक अशी डिबेट होत असते..कोणी तज्ञ ह्या बाबत अधिक माहिती देऊ शकेल काय?

काळा पहाड
गुरुवार, 06/04/2015 - 13:40 नवीन
असं होवू शकत नाही. लीड हा धातू आहे. एस्क्पायर झाल्यावर दुसर्‍या कंटेंट चा शिसे नावाचा धातू बनू शकत नाही* * याला एक अपवाद आहे. युरेनियम-२३८ चं शिसे-२०६ मध्ये रेडिओअ‍ॅक्टीव्हिटी मुळे रुपांतर होतं. पण त्याला ४.४६ बिलियन वर्षं (४४६००००००० वर्षं) लागतात. एक्स्पायर होणारी मॅगी जर तेवढी अगोदर बनवली असेल आणि त्यात जर युरेनियम-२३८ असेल तर तयारही होईल त्यात शिसं.
↩ प्रतिसाद: सखारामगटणे