Skip to main content

अपुले प्रधानमंत्री मोदी

लेखक सोहम कामत यांनी शुक्रवार, 11/11/2016 या दिवशी प्रकाशित केले.
('जगण्याचे भान हे' गाण्याच्या चालीवर रचलेले काव्य) देशाचे प्रेम उसळले.. पाचशेचे नोटच गळले.. हजारला कीड लागली.. भ्रष्टांची गल्लत फसली.. मोदींचा निर्णय एकला.... भुरट्यांना केले कंगाल.. बॅंकांची भलती उलाढाल.. उधळून तो काळा पैसा शेठ मावळले.... अकलेचे झाड हे मोदी अपुले.. देशाचे हाड हे मोदी अपुले.. हम्म.. वट ती शेठांची झालीया फुसकी.. झालीया सार्या नेत्यांची मासकी.. जातच नाही गळ्यातून व्हिसकी.. काळी ती नोट निघाली नासकी.. नि:वस्त्र झाले.. भ्रष्ट पळाले.. मंत्र्यांनी सार्या.. टिकास्त्र फेकले.. भाजपचे प्रधानमंत्री स्तुतीने न्हाले.. अकलेचे झाड हे मोदी अपुले.. देशाचे हाड हे मोदी अपुले.. हो.. पांढरा रंग हा.. होतसे या नेत्यांचा.. झालिया बोंबाबोंब.. ऐन या रातीला.. शेठांचा पैसा काळा.. बसलाया त्याला आळा.. जनतेचे अच्छे दिन ते आज उगवले.. अकलेचे झाड हे मोदी अपुले.. देशाचे हाड हे मोदी अपुले.
लेखनविषय:
वाचने 14314
प्रतिक्रिया 34

प्रतिक्रिया

सतिश गावडे शनिवार, 12/11/2016
हम्म.. वट ती शेठांची झालीया फुसकी.. झालीया सार्या नेत्यांची मासकी.. जातच नाही गळ्यातून व्हिसकी.. काळी ती नोट निघाली नासकी..
अप्रतिम !!!
जनतेचे अच्छे दिन ते आज उगवले.. अकलेचे झाड हे मोदी अपुले.. देशाचे हाड हे मोदी अपुले.
सुंदर !!!

अभिजीत अवलिया शनिवार, 12/11/2016
ह्या भयाणरसाने / करुणरसाने सजलेल्या ताजमहालला माझी एक वीट कविता करताना कवीने मला नाही 'आठवले' म्ह्णूनच हो दुर्दैवी मिपाकर कवितेचे यमकच बिघडले

कैलासवासी सोन्याबापु शनिवार, 12/11/2016
इंडियन आर्मीला हिंदुत्व वगैरेशी जोडणारी दिव्य रचना पण ह्यांच्याच कळफलकातून स्रावली होती न हो मंडळी?

सोहम कामत शनिवार, 12/11/2016
सोन्याबापूंना प्रामाणिक विनंती.. असे की माझ्या इतर कवितांवर काही आक्षेप असेल तर तो त्या कवितेच्या वेळी बोलावा. त्याचा संदर्भ इतर कवितांत लावून कवितांचा आस्वाद गढूळ करू नये.. आपणास आवडली नसेल तर कृपया माझ्या इतर चुका येथे दाखवू नये.

सतिश गावडे शनिवार, 12/11/2016
इतक्या सुंदर कवितेचा आस्वाद घ्यायचा सोडून तिचा इतर कवितांशी संबंध जोडून कवितेची चव डागाळणार्‍या सोन्याबापूंचा त्रिवार आणि तिव्र निशेध.

सतिश गावडे शनिवार, 12/11/2016
एक बापू आत आहेत. कोणत्या बापूंबद्दल बोलत आहेत तुम्ही मापंजी?

कैलासवासी सोन्याबापु शनिवार, 12/11/2016
कामत साहेब आपण जे काही लिहितो त्याला आपण अन फक्त आपण जबाबदार असतो ह्याचे भान ठेवा जरासे. ही तुमची तीच दिव्य कविता ह्या कविते (?) वर शेवटची कॉमेंट माझीच आहे, तुम्ही त्याला काहीही प्रतिसाद दिलेला नाहीयेत. परत मलाच शिकवताय की जिथले तिथे बोला ?? आधी जे काही वैचारिक रित्या गरिबीरेषेच्या खाली लिहिलंय त्याची जबाबदारी घेऊन, जिथे लिहिलंय तिथे स्पष्टीकरण द्यायचे धारिष्ट्य दाखवा, मग मी इथे तुम्हाला ह्या कवितेबद्दल (परत ?)प्रतिक्रिया सुद्धा देतो अन प्रामाणिक प्रश्न सुद्धा विचारतो, कसे??.

सोहम कामत शनिवार, 12/11/2016
तुमची अस्वस्थ प्रतिक्रिया मान्य आहे आणि हेही मान्य करतो की त्या कवितेत हिंदू धर्माबद्दल भावूक होवून लिहीले आहे आणि त्याबद्दल क्षमस्व.. मी हिंदू असल्याने थोडा भावूक झालो होतो तेंव्हा माहित नव्हते की वाचक इतर नजरेने सुद्धा वाचतात. परंतु फक्त एका कवितेच्या चुकीमुळे कवीला चुकीचे ठरवणे चुकीचे आहे. तुम्हाला कवितेतील काही कळत नसेल तर कृपया प्रतिक्रिया देवू नये. मी आपणास शिकवित नाही तर समजावतो आहे.. त्या कवितांची चुक इतरत्र काढून कृपया गोंधळ वाढवू नये. आपल्यामुळे इतरांना कवितेचा आनंद घेणे कठीण होते. काही चुकीचे बोललो असल्यास क्षमस्व..

संदीप डांगे शनिवार, 12/11/2016
रा रा रा... धागाकर्ते..! बापुसाहेब हिंदूही नाहीत आणि भावूक तर अज्याबात नाहीत. ते फक्त सैनिक आहेत. एवढं ज्याला कळत नसेल त्याने इतरांच्या कळण्या-न-कळण्याच्या, समजावण्याच्या फंदात पडू नये. हे मी आपल्याला शिकवित नाही, समजवत नाही, काहीच करत नाही. मला मिसळपावच्या मालकांनी प्रतिक्रिया द्यायचा हक्क दिलाय तो बजावतोय...

अत्रुप्त आत्मा शनिवार, 12/11/2016
बुळूक बुळूक बुळूक...! वावराला सोन्याची झुळूक! . . . डबडं घेऊन पळत पळत जौन बसल्यासारखं वाट्टय... वर पासून खालपरेंत वाचताना! =))

राजेश घासकडवी शनिवार, 12/11/2016
अकलेचे झाड? देशाचे हाड? अहो माननीय पंतप्रधानांना तुम्ही अशा उपमा का दिल्या आहेत? अकलेचं झाड वाचल्यावर अकलेचा कांदा हा शब्दप्रयोग डोळ्यासमोर आला. आणि देशाचं हाड म्हटल्यावर 'तुमच्या देशाला काही हाड-बिड नाही का?' असं काहीतरी वाटलं. किंवा देशच त्यांना 'हाsssड' म्हणतोय असं वाटलं. जरा चांगले शब्द वापरा की हो.

सोहम कामत शनिवार, 12/11/2016
अहो विडंबन काव्य आहे ते.. वाचकांना थोडेसे विनोदी वाटायला पाहिजे ना पंतप्रधानांना आम्हीही मान देतोच की.. परंतु चुकीचे शब्द म्हणण्यापेक्षा मान ठेवून विडंबन केलेले शब्द असे म्हणणे कसे वाटेल? :-P

सोहम कामत शनिवार, 12/11/2016
चोर कवी? मला समजले नाही तुम्हाला नेमके काय म्हणायचे आहे..

सोहम कामत शनिवार, 12/11/2016
चोर कवी? मला समजले नाही तुम्हाला नेमके काय म्हणायचे आहे..

सचु कुळकर्णी शनिवार, 12/11/2016
ह्यालाच तीन तेरा होणे असे म्हणत असावेत. बराय बावा र्हायलेल्या १२ कवितांच्या वाटेला नाय गेलो. खोकलाया १२ दिशा ;) ह्याच निमित्ताने गडबडीतच का होईना बुवा तांब्या स्वारी डबड घेउन आले हे हि नसे थोडके ;)