Skip to main content

अंबाडा

लेखक चांदणे संदीप यांनी सोमवार, 21/09/2015 या दिवशी प्रकाशित केले.
अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला? प्रतिमा मोहक ती अर्पण पाण्याचे त्या होई दर्पण स्पर्शाविना शिरशिरीचा कुणी तरंग लहरता सोडला? दवांसोबत हलके निजेतून बाग पाहते डोकावून दहादिशांना बहकवणारा कुणी गंध नाशिला सोडला? ना अजून भैरवी निजली ना अजून भूपाळी उठली क्षितीजावर सकवार सुरांचा कुणी राग मारवा सोडला? अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला? - संदीप चांदणे
काव्यरस
कविता माझी
भावकविता
लेखनविषय:
वाचने 14355
प्रतिक्रिया 45

प्रतिक्रिया

चांदणे संदीप सोमवार, 21/09/2015
धन्यवाद ३ए! एका शब्दांत अतिशय बोलकी प्रतिक्रिया!

किसन शिंदे सोमवार, 21/09/2015
अगदी पहिल्याच कडव्याला तोंडातून उत्स्फूर्त दाद बाहेर पडली.! संदीपराव प्रत्येक लेखागणीक आमच्या तुमच्यावर असलेल्या अपेक्षा वाढवताय.

चांदणे संदीप सोमवार, 21/09/2015
धन्यवाद किसनदेवा आणि अभ्यादादा! __/\__ @किसन शिंदे : असेच अपेक्षांचे ओझे वाढवित राहा. त्यातच खरी मजा आहे!

चाणक्य मंगळवार, 22/09/2015
हळुवार सुंदर रचना. आवडली.

चांदणे संदीप मंगळवार, 22/09/2015
धन्यवाद प्यारेदादा, शुचितै, स्रुजातै आणि चाणक्य! कवितेबद्दल अजूनही कुणाच्या काही सूचना असतील तर त्या ऐकायला आवडतील! :)

चांदणे संदीप बुधवार, 23/09/2015
रातराणी आणि प्राची अश्विनी तुमच्या प्रतिसादाबद्दल आभारी आहे!

पैसा बुधवार, 23/09/2015
खूप छान लिहिताय! वेगवेगळे प्रयोग करून बघा. कधी मुक्तछंदात तर कधी वृत्तबद्ध.

चांदणे संदीप गुरुवार, 24/09/2015
पैसाताई, ईशा१२३, जव्हेरगंज, प्रतिसादाबद्दल धन्यवाद!

निनाव गुरुवार, 24/09/2015
Kaay Mhanaave..shabda naahiyet...itka sundar lihile aahe..waah.

चांदणे संदीप गुरुवार, 24/09/2015
अजूनही प्रतिसाद येत आहेत हे पाहून बरे वाटले! निनाव, विशाल कुलकर्णी, अनुप ढेरे प्रतिसादाबद्दल आभारी आहे. कवितेची मैफल जर घडली कुणासोबत तर मजा येईल! मला आवडेल जॉईन व्हायला, किंवा पाठिंबा मिळाल्यास आयोजित करायलाही! :) Sandy

विश्वजित रामदास जाधव शनिवार, 03/10/2015
समोर मनात बिम्बलेल्या आजवरच्या काही सुंदर पहाट येऊन गेल्या! तुमची कविता त्यांच्यासारखीच सुन्दरय!

चांदणे संदीप शनिवार, 03/10/2015
प्रतिसादासाठी धन्यवाद विश्वजीत. ही माझीच कविता माझ्याच मनात एक वेगळी जागा करून राहिली आहे! तुझ्यासारखच प्रत्येकाला काहीना काही दिसावं वा अनुभवता यावं हाच माझा नेहमी प्रयत्न असतो. :) Sandy

प्रभू-प्रसाद शनिवार, 03/10/2015
कडवे क्र.३,४ सुरेख छा गये दिलपे.

चांदणे संदीप रविवार, 04/10/2015
गुर्जीं, प्रसाद धन्यवाद!

दीपा माने रविवार, 04/10/2015
कवितेतले शब्द नेमके भावविश्व उभे करतात.

यशोधरा रविवार, 04/10/2015
सुरेख रचना. एक सुचवावेसे वाटते की त्या, ती, तो वगैरे fillers सतत वापरले नाही तर अधिक योग्य होईल.

चांदणे संदीप रविवार, 04/10/2015
धन्यवाद यशोतै! वृत्तात बसवताना ते वापरावे लागले! पण सूचना एकदम मान्य. यापुढे कविता लिहिताना नक्की प्रयत्न करीन फिलर्स टाळण्याचा! :)

तुडतुडी बुधवार, 07/10/2015
अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला?
हडळ असेल कुणीतरी

चांदणे संदीप बुधवार, 07/10/2015
वरच्या प्रतिसादाने कवितेवर 'सूड' उगवलाय आणी तुमचा असा छान प्रतिसाद! केवढा विरोधाभास! धन्यवाद! आणखी येणारच आहे! Sandy

जव्हेरगंज बुधवार, 07/10/2015
अहो, मला वाटतय तो प्रतिसाद मजेमजेत दिलाय! त्यावर तुमचा रिप्लाय जास्तच टोकाचा वाटला. हे आपलं माझं एक निरिक्षण!!

प्रीत-मोहर गुरुवार, 08/10/2015
Avadli kavita. Pu.le. shu.