अंबाडा

चांदणे संदीप जे न देखे रवी...
अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला? प्रतिमा मोहक ती अर्पण पाण्याचे त्या होई दर्पण स्पर्शाविना शिरशिरीचा कुणी तरंग लहरता सोडला? दवांसोबत हलके निजेतून बाग पाहते डोकावून दहादिशांना बहकवणारा कुणी गंध नाशिला सोडला? ना अजून भैरवी निजली ना अजून भूपाळी उठली क्षितीजावर सकवार सुरांचा कुणी राग मारवा सोडला? अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला? - संदीप चांदणे
वर्गीकरण
45 टिप्पण्या 14,355 दृश्ये

Comments

चांदणे संदीप नवीन

धन्यवाद ३ए! एका शब्दांत अतिशय बोलकी प्रतिक्रिया!
किसन शिंदे नवीन

अगदी पहिल्याच कडव्याला तोंडातून उत्स्फूर्त दाद बाहेर पडली.! संदीपराव प्रत्येक लेखागणीक आमच्या तुमच्यावर असलेल्या अपेक्षा वाढवताय.
चांदणे संदीप नवीन

धन्यवाद किसनदेवा आणि अभ्यादादा! __/\__ @किसन शिंदे : असेच अपेक्षांचे ओझे वाढवित राहा. त्यातच खरी मजा आहे!
चाणक्य नवीन

हळुवार सुंदर रचना. आवडली.
चांदणे संदीप नवीन

धन्यवाद प्यारेदादा, शुचितै, स्रुजातै आणि चाणक्य! कवितेबद्दल अजूनही कुणाच्या काही सूचना असतील तर त्या ऐकायला आवडतील! :)
चांदणे संदीप नवीन

रातराणी आणि प्राची अश्विनी तुमच्या प्रतिसादाबद्दल आभारी आहे!
पैसा नवीन

खूप छान लिहिताय! वेगवेगळे प्रयोग करून बघा. कधी मुक्तछंदात तर कधी वृत्तबद्ध.
चांदणे संदीप नवीन

पैसाताई, ईशा१२३, जव्हेरगंज, प्रतिसादाबद्दल धन्यवाद!
चांदणे संदीप नवीन

अजूनही प्रतिसाद येत आहेत हे पाहून बरे वाटले! निनाव, विशाल कुलकर्णी, अनुप ढेरे प्रतिसादाबद्दल आभारी आहे. कवितेची मैफल जर घडली कुणासोबत तर मजा येईल! मला आवडेल जॉईन व्हायला, किंवा पाठिंबा मिळाल्यास आयोजित करायलाही! :) Sandy
विश्वजित रामदास जाधव नवीन

समोर मनात बिम्बलेल्या आजवरच्या काही सुंदर पहाट येऊन गेल्या! तुमची कविता त्यांच्यासारखीच सुन्दरय!
चांदणे संदीप नवीन

प्रतिसादासाठी धन्यवाद विश्वजीत. ही माझीच कविता माझ्याच मनात एक वेगळी जागा करून राहिली आहे! तुझ्यासारखच प्रत्येकाला काहीना काही दिसावं वा अनुभवता यावं हाच माझा नेहमी प्रयत्न असतो. :) Sandy
यशोधरा नवीन

सुरेख रचना. एक सुचवावेसे वाटते की त्या, ती, तो वगैरे fillers सतत वापरले नाही तर अधिक योग्य होईल.
चांदणे संदीप नवीन

धन्यवाद यशोतै! वृत्तात बसवताना ते वापरावे लागले! पण सूचना एकदम मान्य. यापुढे कविता लिहिताना नक्की प्रयत्न करीन फिलर्स टाळण्याचा! :)
तुडतुडी नवीन

अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला?
हडळ असेल कुणीतरी
चांदणे संदीप नवीन

वरच्या प्रतिसादाने कवितेवर 'सूड' उगवलाय आणी तुमचा असा छान प्रतिसाद! केवढा विरोधाभास! धन्यवाद! आणखी येणारच आहे! Sandy
जव्हेरगंज नवीन

अहो, मला वाटतय तो प्रतिसाद मजेमजेत दिलाय! त्यावर तुमचा रिप्लाय जास्तच टोकाचा वाटला. हे आपलं माझं एक निरिक्षण!!