मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

अंबाडा

चांदणे संदीप · · जे न देखे रवी...
लेखनविषय:
कविता
प्रेमकाव्य
काव्यरस
कविता माझी
भावकविता
अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला? प्रतिमा मोहक ती अर्पण पाण्याचे त्या होई दर्पण स्पर्शाविना शिरशिरीचा कुणी तरंग लहरता सोडला? दवांसोबत हलके निजेतून बाग पाहते डोकावून दहादिशांना बहकवणारा कुणी गंध नाशिला सोडला? ना अजून भैरवी निजली ना अजून भूपाळी उठली क्षितीजावर सकवार सुरांचा कुणी राग मारवा सोडला? अंधाराचा अन पहाटेचा तो बंध हळवा सोडला पैलतीरावर त्या घाटावर कुणी अंबाडा सोडला? - संदीप चांदणे
वाचने 14353 वाचनखूण प्रतिक्रिया 45

किसन शिंदे Mon, 09/21/2015 - 22:29
अगदी पहिल्याच कडव्याला तोंडातून उत्स्फूर्त दाद बाहेर पडली.! संदीपराव प्रत्येक लेखागणीक आमच्या तुमच्यावर असलेल्या अपेक्षा वाढवताय.

चांदणे संदीप Mon, 09/21/2015 - 23:16
धन्यवाद किसनदेवा आणि अभ्यादादा! __/\__ @किसन शिंदे : असेच अपेक्षांचे ओझे वाढवित राहा. त्यातच खरी मजा आहे!

चांदणे संदीप Tue, 09/22/2015 - 01:57
धन्यवाद प्यारेदादा, शुचितै, स्रुजातै आणि चाणक्य! कवितेबद्दल अजूनही कुणाच्या काही सूचना असतील तर त्या ऐकायला आवडतील! :)

पैसा Wed, 09/23/2015 - 22:29
खूप छान लिहिताय! वेगवेगळे प्रयोग करून बघा. कधी मुक्तछंदात तर कधी वृत्तबद्ध.

चांदणे संदीप गुरुवार, 09/24/2015 - 16:46
अजूनही प्रतिसाद येत आहेत हे पाहून बरे वाटले! निनाव, विशाल कुलकर्णी, अनुप ढेरे प्रतिसादाबद्दल आभारी आहे. कवितेची मैफल जर घडली कुणासोबत तर मजा येईल! मला आवडेल जॉईन व्हायला, किंवा पाठिंबा मिळाल्यास आयोजित करायलाही! :) Sandy

चांदणे संदीप Sat, 10/03/2015 - 21:59
प्रतिसादासाठी धन्यवाद विश्वजीत. ही माझीच कविता माझ्याच मनात एक वेगळी जागा करून राहिली आहे! तुझ्यासारखच प्रत्येकाला काहीना काही दिसावं वा अनुभवता यावं हाच माझा नेहमी प्रयत्न असतो. :) Sandy

यशोधरा Sun, 10/04/2015 - 17:28
सुरेख रचना. एक सुचवावेसे वाटते की त्या, ती, तो वगैरे fillers सतत वापरले नाही तर अधिक योग्य होईल.

चांदणे संदीप Sun, 10/04/2015 - 17:35
धन्यवाद यशोतै! वृत्तात बसवताना ते वापरावे लागले! पण सूचना एकदम मान्य. यापुढे कविता लिहिताना नक्की प्रयत्न करीन फिलर्स टाळण्याचा! :)