Skip to main content

शब्दखेळ : विरंगुळा

लेखक हेमंतकुमार यांनी रविवार, 24/05/2020 15:45 या दिवशी प्रकाशित केले.
शब्द्प्रेमींसाठी विरंगुळा खालील शब्दांना समानार्थी शब्द लिहा. प्रत्येक शब्द वै या अक्षरानेच सुरू व्हायला हवा. 1 ऐच्छिक : 2 अपूर्णता : 3 विष्णूचे स्थान : 4 वाचा : 5भिन्नता : 6काळी तुळस : 7 सावत्र : 8धन्वंतरी : 9कायदेशीर : 10 आश्चर्य : 11गरूड : 12 समृद्धी : 13 सीता : 14 ऐश्वर्य : 15 निष्फळता : 17 शत्रू : 18 चारा : 19 संन्यासी : 20 ओसाड : 21 कुबेर : २२. चतुर्वर्णापैकी एक : 23. विष्णूभक्त : 24 निज 25 सूड उगवणे : 26 लग्नाची एक पद्धत : 27 अग्नी :
लेखनविषय:
लेखनप्रकार
वाचने 150776
प्रतिक्रिया 523

प्रतिक्रिया

हेमंतकुमार शुक्रवार, 17/07/2020 18:59
तुमची दिशा योग्य आहे. आता ९, ६ वाला योग्य शब्द शोधा !

हेमंतकुमार शुक्रवार, 17/07/2020 19:00
'सरकारी' दृष्टीने बघण्याऐवजी 'लोकसंख्याशास्त्राचे' दृष्टीने बघा .

हेमंतकुमार शुक्रवार, 17/07/2020 20:19
निसर्गानुसार कुठल्याही समाजात दोन घटना कायम घडत असतात. त्यांचा समतोल बिघडला की मगच लोकसंख्या वाढ होत राहते . बघा या माहितीचा काही उपयोग होतोय का !

पलाश शुक्रवार, 17/07/2020 21:12
घटणारा मृत्युदर व तुलनेने स्थिर जन्मदर यामुळे लोकसंख्यावाढ होते. पण यासंबंधी कोड्यातला हा शब्द काही सांगता येत नाही.

हेमंतकुमार शुक्रवार, 17/07/2020 21:16
ठीक आहे . सध्या ३ बाजूला ठेऊ. अन्य कोणी बघेल. कुटुंबनियोजन न केल्यास ४ व ५ समाजात उद्भवतात. त्यांची उत्तरे देऊ शकता.

हेमंतकुमार शुक्रवार, 17/07/2020 21:44
४. कुपोषण >>> आ हा, बरोबर ! ... आता ६ घ्यावे...

हेमंतकुमार शनिवार, 18/07/2020 11:31
६. समस्या १ मुळे आपल्या सर्वांना सदोदित काय सहन करावे लागते ? (5, 4). >>>>> माझे उत्तर ‘गजबजाट’. तुमचे : कमतरता . माझे स्पष्टीकरण : प्रश्नातील “आपल्या सर्वांना” हे पाहा. कायम सर्वत्र गर्दी ही देशातील सर्वांनाच सहन करावी लागते. ‘कमतरता’ ही जाणीव आर्थिक परिस्थितीची निगडीत आहे. = सापेक्ष. तसेच सर्व गोष्टींची ‘कमतरता’ सदोदित असेल काय ? .......... मतभिन्नतेचा आनंदच आहे. अशी चर्चा जरूर व्हावी. ३ च्या उत्तराबद्दल तुमचे मनापासून अभिनंदन !!

सत्यजित... शनिवार, 18/07/2020 12:22
आपण मांडलेल्या निकषावर विचार करुन मी माझे मत मांडले होते. मतभिन्नतेवर एकमत आणि चर्चेचे स्वागत असल्याने,जरा विस्ताराने भूमिका लिहितो आहे. सापेक्षता तशी गजबजाटाच्या बाबतीतही आहे. जसे शहरी,निमशहरी,ग्रामीण भागांत यांत बरीच तफावत दिसते. आर्थिक दृष्टीने समाजात वेगवेगळे वर्ग असले तरी,आवश्यक-अत्यावश्यक सेवा,संसाधनांची उपलब्धता,त्यासाठी लागणारा वेळ व मूल्य याची झळ सर्वांनाच सोसावी लागते. वाढती मागणी व अपुरा/घटता पुरवठा,याने उपलब्धता,वेळ व मूल्य आपल्या सर्वांसाठीच खर्चीक व दुष्प्राप्य होत राहते. किंबहुणा,या कमतरतेमुळेच,ठिकठिकाणी गजबजाट पहायला मिळतो. बाकी,यावेळचे कोडे मात्र कठीणच होते! येवू द्या अजून!

हेमंतकुमार शनिवार, 18/07/2020 12:33
सत्यजित तुमचे स्पष्टीकरण आवडले. माझे स्पष्टीकरण लिहिल्यानंतर मलाही पश्चातबुद्धी झाली होती, की गजबजाट देखील सापेक्ष वाटू शकतो किंवा ठरवता येऊ शकतो. अगदी बरोबर. थोडक्यात हा मुद्दा असा आहे- एकाच वक्त्याला चर्चेतील दोन्ही बाजूंनी बोलायला सांगितले, तर तर तो दोन्हींचे समर्थन करून दाखवू शकतो. तसं हे काहीतरी आहे. धन्यवाद !

हेमंतकुमार शनिवार, 18/07/2020 07:38
सर्वांचाच खेळ आतापर्यंत छान झाला आहे. आता फक्त ३ राहिले आहे. त्या शब्दाचा आशय कुटुंबनियोजन हाच आहे. पलाश यांचा हा प्रतिसाद त्या शब्दाच्या बऱ्यापैकी जवळ जात आहे : घटणारा मृत्युदर व तुलनेने स्थिर जन्मदर यामुळे लोकसंख्यावाढ होते. लोकसंख्याशास्त्रावरील लेखांमध्ये आपल्याला हा शब्द आढळतो. मला खात्री आहे की तुमच्यापैकी कोणीतरी तो नक्की शोधून काढेल !

मराठी_माणूस शनिवार, 18/07/2020 11:36
सत्यजीत ह्यांचे अभिनंदन. आणि तुम्हाला धन्यवाद कोड्यासाठी . खुप विचार करावा लागला, मजा आली. आता पुढील कोड्याची वाट पहात आहे . एक विनंती, नवीन कोड्यासाठी नवीन धागा चालु करावा.

हेमंतकुमार शनिवार, 18/07/2020 12:15
वरील सर्व सहभागी सदस्यांचे आभार. या वेळेस प्रत्येक सहभागीने किमान एक उत्तर बरोबर दिले हे छान वाटले. तुमच्या सहभागानेच विचारमंथन होते. म मा यांच्या सूचनेची नोंद घेतोय. माझी पण एक विनंती. शब्दखेळात नियमित सहभागी होणाऱ्या प्रत्येकाने सवडीने एक तरी कोडे तयार करावे. आतापर्यंत ज्ञा पै व मी हेच कोडेनिर्माते राहिलो आहोत. तेव्हा अशा नव्या धाग्याचे उद्घाटन तुमच्यापैकीच कोणी तरी करा. प्रतीक्षेत !