शनिवारवाडा कट्टा - २७ जानेवारी दुपारी ४ वाजता

कट्ट्याला हार्दिक शुभेच्छा. नेहमीप्रमाणे कट्ट्याला येऊ शकणार नाही. वृत्तांत आणि फोटोची वाट बघत आहे.

यायची खूप इच्छा आहे पण लॉन्ग वीकेंडला पुण्याबाहेर असल्यामुळे कट्टा चुकणार :(.

कट्याला शुभेच्छा...

लॉंग वीकेंडमधला बरोबर मधला दिवस धरल्यास अशा कट्टयाला कितपत उपस्थिती लाभेल याबद्दल शंका येते. भारतीय जनताही वीकेंड लाइफबाबत जागृत होतेय श्रीरंगअण्णा. ;-)

कट्टयाला शुभेच्छा

कट्ट्याला आणि श्रीरंगपंतांना लै लै शुभेच्छा. व्रुत्तांताच्या फोटोत चि. उमा दिसावी हि अपेक्षा. ;)

शनिवारी ऑफिसला सुट्टी नसल्याने संध्याकाळी ६ नंतरच जमू शकेल.

शुभेच्छा आणि बेस्ट ऑफ लक :D

आम्ही इथे मुंबैत पाट्या टाकणे सुरु केल्याने पुण्यनगरीतल्या कट्ट्याला येणे शक्य होणार नाहीये.. तस्मात आय माय स्वारी बरं का..

शनिवारवाड्यातील शनिवारच्या कट्ट्याला मॉप शुभेच्छा ! लैच्च महत्वाच्या कामात असल्याने येऊ शकणार नाही, इच्छा असूनही !

श्रीरंगजी, कट्टा पुढील शनिवारी करता येईल का? अनेक मिपाकर येऊ शकत नाहीयेत 27 तारखेला. मी मुंबईमध्ये असते. या शनिवारी नाही जमणार. पण पुढील शनिवारी ठरवलत तर नक्की प्रयत्न करेन.

शनिवार न कर्त्याचा वार असल्याने येणे लै अवघड आहे पंताना भेटायची प्रबळ इच्छा असलेला नाखु

मी यायचा प्रयत्न करणार अहे या वेळेस.. कृपया फोन नं व्यनि करावा ही विनंती.

श्रीरंग साहेब, २७ जानेवारीला मी पूर्ण दिवस एका समारंभात ढेपेवाडा येथे असणार आहे; त्यामुळे या कट्ट्यास इच्छा असूनही येता येणार नाही. कट्ट्याला अनेक शुभेच्छा! वेळ मिळाल्यास घरी या; बर्‍याच वर्षांत भेट नाही. कट्टा पुढे ढकलला गेल्यास येण्याचा अवश्य प्रयत्न करीन. समीर

पुण्यातले सकाळी ९-३ कट्टे रेल्वेमुळे जमु शकतात. संध्याकाळी आल्यास रात्री पावणे बाराची यात्रा स्पेशल पंढरपुर गाडीतून परत यावे लागते.

मी नक्की येणार. कृपया दिनांक बदलू नये ही विनंती ☺

वहिवटीप्रमाणे या पुणे कट्ट्याचा, धागा क्र २ व क्र ३, कधी काढणार आहात ?

अरे वाह, मस्तच. शुभेच्छा आणि सचित्र वृत्तांताच्या प्रतीक्षेत.

संध्याकाळी सहा नंतर प्रयत्न करु शकेन तोवर असाल तर तसं सांगून ठेवा.

श्रीरंग आणि जुइ पुण्यात स्वागत. कट्ट्याची तारीख नक्की आहे का तिसरा धागा निघालाय? !!

येणार!

मोठा सप्ताहांत असल्याने शक्य होणार नाही. :)

मी यायचा प्रयत्न करणार अहे या वेळेस..

धन्यवाद, नक्क्की भेटूयात

कट्ट्याला हार्दिक शुभेच्छा. पुण्याबाहेर असल्याने कट्ट्याला येऊ शकणार नाही. सविस्तर वृत्तान्त कळेलच.

या कट्ट्यात आमची संघटना सहभागी होऊ शकत नाही, वेळे अभावी. तथापी कट्ट्यास आमच्या संघटने तर्फे भरभरून शुभेच्छा ! - मिपा उर्वरित कट्टा करणी सेना

झाला का कट्टा सुरु?

येणार.....यायचा प्रयत्न.

??

प्रकाश आंबेडकरांनाही बोलवा. ;) कट्ट्यासाठी शुभेच्छा!

प्रकाश आंबेडकरांनाही बोलवा. ;) कट्ट्यासाठी शुभेच्छा!

माझा हा पहिलाच मिपा कट्टा. त्यामुळे आभासी जगातील काहीजणांना तरी प्रत्यक्षात पाहण्याची जाम उत्सुकता होती. ४.१० ला पोचलो. नजर सैरभैर. अद्याप कोणालाच पाहिलेले नाही, मग ओळखायचे तरी कसे? वाड्याच्या दाराशी एकजण उभे होते. त्यांच्याकडे पाहून कसेनुसे हसलो आणि भीतभित विचारले,"तुम्ही जोशी का?" पण निराशाच पदरी कारण त्यांनी फक्त नकारदर्शक मान हलवली. मग थोडी उंचावरील जागी उभे असलेल्यांवरून नजर फिरवू लागलो. मग एक 'सभ्य गृहस्थ' नजरेत भरले. का कोण जाणे पण एकदम आतून वाटले की हा 'आपला माणूस' आहे. मग हळूच जवळ गेलो अन त्यांचेकडे बोट दाखवत 'मिसळ पाव?' असे विचारले. आता मात्र नेम बसलेला होता! मंडळी, हे गृहस्थ म्हणचेच आपले आदरणीय आणि मित्रवत डॉ. सुहास म्हात्रे ! तर अशा या आनंददायी भेटीने शनिवारचा शनिवारवाडा कट्टा चालू झाला होता..…. (क्रमशः)

पुढे चालू... आता मात्र एकदम जिवात जीव आला. आता दोन ऐवजी चार डोळे अन्य मिपाकरांची वाट पाहू लागले. दरम्यान आमचा ओळख कार्यक्रम सुरू झाला. आता हे ‘डॉ’ गृहस्थ म्हणजे माझ्यासारखेच वैद्यकीय डॉ. की पीएचडी धारक हे अद्याप कळायचे होते. मग जेव्हा कळले की आम्ही दोघेही पुण्याच्याच बी.जे. मेडिकल चे माजी विद्यार्थी आहोत तेव्हा झालेला आनंद काय सांगू ! मग ती ‘तुमची बॅच, आमची बॅच, कोणते हॉस्पिटल-युनिट, अजून कोणकोण वर्गातले...... असे मस्त स्मरणरंजन झाले. दरम्यान एकीकडे वाड्यावरील लोकांची झुंबड वाढत चाललेली. अहो, जोडून सुट्या आल्यावर होणारच ना. त्यात सेल्फीवाल्यांचा धुमाकूळ. मी जरी पुणेकर असलो तरी आज जवळजवळ वीस वर्षांनी वाड्यात शिरणार होतो. तसे एकदा शालेय जीवनात तिथल्या एक-दोन सहली झाल्यावर पुढे तिथे मुद्दामहून आत कशाला कोण जाईल? ...आणि मग आम्हा दोघांच्या गप्पा रंगात येत असतानाच श्रीरंगचे ‘सकुसप’ आगमन जाहले...... (आता फुडचे एक दोन प्रतिसाद अन्य कट्टेकरींचे येउद्यात की राव....)

श्रीरंग जोशी आणि कुमार१ यांनी कट्टावर्णन दिले आहेच, त्यात मी काही प्रकाशचित्रांची भर टाकतो...

बघा, बघा, मिपाकट्टा होतोय म्हटल्यावर शनिवारवाड्यावर किती अफाट जनसागर उसळलेला होता ते ;)

मिपाकर आणि श्रीरंग जोशी यांच्याबरोबर आलेले ज्येष्ठ कट्टेकरी

लाईट अँड साऊंड शोसाठी बनवलेल्या प्रेक्षकसज्जातल्या खुर्च्यांत बसून गप्पा मारताना शनिवारवाड्याच्या परिसराचे घेतलेले एक चित्र

कारने गोल फेरी मारली शनिवारवाड्याला. फारच कंजेस्टेड ठिकाण. फक्त एक जलद भेट घेऊन निघायची इच्छा होती पण पार्किंग सोडाच, थांबवणंही शक्य झालं नाही. मैलोगणती दूर पार्किंग करुन फॅमिलीला तंगदतोड़ करत आणणं कठीण होऊन बसलं. त्यामुळे नाइलाजाने शनिवारवाड्याला दुरूनच रामराम करावा लागला. उत्स्फूर्त कट्टयांच्या जागा केवळ "मध्यवर्ती" न ठेवता किंचित पार्किंग फ्रेंडली ठेवाव्यात अशी विनंती. पुढील कट्टयांना शुभेच्छा.

अर्थात, कट्याला किती मिपाकर आले हा मूद्दा फारच गौण. कधी-कधी मी एका मिपाकराबरोबर पण कट्टा केला आहे. माझा पहिला कट्टा दुबईत कुंदनशेख बरोबरच झाला होता आणि आम्ही दोघेच रात्रभर कट्टा साजरा करत होतो. असो, वृत्तांताच्या अपेक्षेत आम्ही सगळेच आहोत.

.

....आता आम्ही वाड्यात शिरणार तेवढयात अभिजित अवलिया दाखल झाले. अशा प्रकारे आम्ही ५ मिपाकर आणि २ वाचक असे सप्तक पूर्ण झाले होते. 'हम पांच' म्हणजे डॉ. सुहास, श्रीरंग, जुई, अभिजित अ आणि मी . आणि हो! लहानग्या उमाला आम्ही 'भावी मिपाकर'च समजून घेतले. ☺ मग वाड्यात रांगेने प्रवेश, फेरफटका, इतिहासाची उजळणी, काही मिपाकरांच्या आठवणी आणि हास्यविनोद करत दोन तास आनंदात गेले. आता तेथील शिरस्त्याप्रमाणे बाहेर पडण्यासाठी च्या सूचक शिट्ट्या वाजू लागल्या. मग आमचे निरोपाचे हस्तांदोलन झाले आणि उत्साहित मनाने आम्ही घराकडे मार्गस्थ झालो.

अरे वा! मस्त झाला की कट्टा.

सर्वाना भेटून आनंद झाला. मी श्रीरंग ह्यांना ४:२० पर्यंत येतो असे सांगून ठेवले होते. आजकाल डिमेन्शिया झाल्यासारखी माझी अवस्था असल्याने मी शनिवारवाड्याच्या जवळ पोचल्यावर आत जायचे गेटच विसरलो आणि चुकून पुढे निघून गेलो. ह्या भागात सगळे वन वे असल्याने गावाला वळसा घालून परत गेट पर्यंत येण्यात १० मिनिटे गेली. अतृप्त आत्मा येतो येतो असे सांगून पण ६:१५ झाले तरी अवतरले नाहीत. वास्तविक आत्म्याला कुठेही एका क्षणात पोचता आले पाहिजे. पण असो. मजा आली.

ह्यावेळी कट्ट्याला येणे काही अपरिहार्य कारणांमुळे जमले नाही. कट्टा मात्र छान झालेला दिसतोय.

छान सह-वृतांत !

बघा, बघा, मिपाकट्टा होतोय म्हटल्यावर शनिवारवाड्यावर किती अफाट जनसागर उसळलेला होता ते

:-) इथला ध्वनी-प्रकाशाचा खेळ पाच-सात वर्षांपुर्वी पाहिला होता. आवडला होता. आता बरा चाललाय का? फोटोमध्ये डॉ. सुहास दिसत नाहीयत का?

या वेळेस माझी एकाही मिपाकराची ओळख नव्हती त्यामुळे कट्टास्थळी पोचल्यावर जी अडचण जाणवली त्यातून मी कट्टा संयोजनासाठी काही सूचना करत आहे: १. ज्यांनी ‘नक्की येणार’ असे प्रतिसादात कळवले असते त्यांना संयोजकाने व्य नि तून आपला मोबाइल क्र कळवावा. म्हणजे प्रथम येणाऱ्यास खूप फायदा होतो. नाहीतर कोणास विचारायचे असा पेच पडतो. हे पसंत नसल्यास… २. संयोजकाने वेळेआधी 5 मि येऊन हातात ठळक दिसेल असे ‘मिपाकट्टा’ चे पत्रक ठेवावे. किंवा… ३. भेटीचे ठिकाण मोकळ्या सार्वजनिक जागेऐवजी रेस्तराँ ठेवावे म्हणजे काउंटर वर तशी सूचना देता येते. इतरांची मते / अनुभव जरूर लिहा

फोटोमध्ये डॉ. सुहास दिसत नाहीयत का?>> होय, हा फोटो त्यांनी काढला आहे. दुसरा फोटो श्रीरंग यांनी काढला आहे त्यात डॉ आहेत. तो येथे प्र करावा ही विनंती

कट्ट्याला शुभेच्छा देणार्‍या व कट्ट्यामध्ये सामिल होणार्‍या सर्व मिपाकरांना धन्यवाद. माझ्या फोनने काढलेले कट्टेकर्‍यांचे फोटोज.

.

मिपाकर द्वि-चक्री, त्री-चक्री आणि चार-चक्री रथ दौडत कट्टास्थानी पोहोचले तर ! ज्या शनिवार वाड्यात "ध चा मा" ची कारस्थानं झाली त्या शनिवार वाड्यात एका मिपाकरास "कार-स्थान" मिळाले नाही हे वाचून मौज वाटली. या पुढे शनिवार वाड्यात कट्टा केल्यास "कार-पागा" ची सोया करावी लागेल असे दिसते. खादाडीचे फोटो नसल्याने जळजळ कमी झाली हे नमूद करतो.