छान. येणार. १. लहान मुलांना येता येईल का? किती वयापासूनच्या? २. टिळक स्मारकला आहे म्हणजे मिपापुरता मर्यादित नसेल असे वाटते. ३. येताना साहित्य काय आणावे लागेल? ४. अन्य परिचितांना सांगावे काय? तसे असल्यास प्रवेश शुल्क किती असेल? सध्या इतकेच प्रश्न पडलेत!

सुट्टी असली तर नक्की येणार.

डोंबिवलीत आणि तोही नंदी पॅलेसला कट्टा करणे.

‘ओरिगामी मित्र’ या संस्थेतर्फे टिळक स्मारक मंदिर, टिळक रस्ता, पुणे येथे १९-२०-२१-२२ नोव्हेंबर या कालावधीमध्ये रोज सकाळी १० ते रात्री ८ या वेळात ओरिगामी प्रदर्शन आयोजित केलं आहे. संस्थेच्या आम्ही सभासदांनी साकारलेल्या ओरि-कलाकृती प्रदर्शनात बघता येतील. हे प्रदर्शन सर्वांंसाठी खुलं आहे. प्रदर्शनासाठी नाममात्र शुल्क असण्याची शक्यता आहे. प्रदर्शनासाठी कोणतीही वयोमर्यादा नाही. आपल्या मित्रांना, नातेवाइकांना या प्रदर्शनाची जरूर माहिती द्या.

तर मंडळी, या प्रदर्शनानिमित्त रविवारी, २२ तारखेला एक मिपा कट्टा होणार आहे. मी मुंबईहून डेक्कन एक्स्प्रेसने येणार आहे. ११ वाजता पुण्याला पोहोचेन. आपण १२ वाजता टिळक स्मारक मंदिरच्या प्रवेशद्वारापाशी भेटू. सर्व मिपाकरांना मी प्रदर्शन दाखवीन. ज्या मिपाकरांना फक्त प्रदर्शन बघायचं असेल, (नंतर जेवायला यायचं नसेल) ते यानंतर आपापल्या कामाला जाऊ शकतात. ज्या मिपाकरांना प्रदर्शन बघायचं नसेल, पण कट्ट्याला (भेटायला आणि जेवायला) यायचं असेल, त्यांनी साधारण एक-दीड वाजता (प्रचेतस, नाद खुळा या) पुणेकर मिपाकरांशी संपर्क साधा. नंतर पुणेकर मिपाकर नेतील तिथे भोजन करायचं, आणि नंतर ते ठरवतील तो कार्यक्रम. मी संध्या. ५.५५च्या इंटरसिटीने मुंबईला परतेन. या कट्ट्यानिमित्त पुणेकर मिपाकरांशी भेट होईल. तेव्हा भेटूच..

मी येतोच आहे. मुंबैवरुन येणारे नूलकर काका एकटेच असतील तर त्यांना शिवाजीनगर स्टेशनवरून घेऊन टिळक स्मारकला पोहोचेन. पुढचं तिथे ठरेल तसं.

माझं काही नक्की नाहीये. आलो तर सर्वांना थेट टिळक स्मारक मंदिरातच भेटेन.

कोण कोण येतंय?

शुक्रवार, 20 नोव्हेंबर 2015 - 03:15 AM IST Tags: 3d tajmahal, wonderfold 2015 exhibition, pune पुणे - सहा हजार कागदेंच्या युनिटपासून बनविलेले भव्य "लोटस टेंपल‘ प्रदर्शनस्थळी प्रवेश करताच क्षणी लक्ष वेधून घेते. पंधरा वर्षांच्या लहानग्याने बनविले "थ्रीडी ताजमहाल‘ अन्‌ "ऑपेरा हाऊस‘ जणू तुमच्या स्वागतासाठी सज्ज असल्याचा आभास निर्माण करतात. प्राण्यांपासून रणगाड्यांपर्यंत विविध प्रकारच्या "ओरिगामी‘ कलाकृती "वंडरफोल्ड 2015‘ प्रदर्शनात मांडल्या आहेत. ओरिगामी मित्र संस्थेतर्फे ओरिगामी कलाकृतींचे प्रदर्शन गुरुवारपासून खुले झाले असून, टिळक स्मारक मंदिर येथे ते रविवारपर्यंत (ता. 22) सकाळी 10 ते रात्री 8 वेळेत रसिकांना पाहण्यासाठी खुले असणार आहे. न कापता, न चिटकवता कागदांपासून तयार केलेले हत्ती, कोल्हा, कांगारू, वाघ, सिंह असे विविध प्राणी, पक्षी, फुले आणि मानवी कलाकृती येथे ठेवल्या आहेत. नृत्य करणारी मुले-मुली, पियानो-गिटार वाजविणारे वादक आणि विविध वाद्य वाजविणाऱ्या बॅंडच्या आकर्षक कलाकृती प्रदर्शनात मांडल्या आहेत. अशा सुमारे तीनशे कलाकृती प्रदर्शित करण्यात आल्या आहेत. साहित्यिक डॉ. अनिल अवचट यांनी बनविलेल्या ओरिगामी कलाकृती हे प्रदर्शनाचे आकर्षण आहे. प्रदर्शनास भेट देणाऱ्या आणि ओरिगामीमध्ये रस असणाऱ्या कलाप्रेमींना सायंकाळी पाच ते सात वेळेत अवचट प्रात्यक्षिक करून दाखविणार आहेत, असे संस्थेचे विश्‍वास देवल यांनी सांगितले आहे. मानस जोशी या पंधरा वर्षाच्या मुलाने तीन ते सात हजार युनिटपासून बनविलेल्या गणपती बाप्पा, सुवर्ण मंदिर, ट्विन टॉवर्स अशा विविध प्रतिकृती मांडल्या आहेत. फुलांची झाडे, कावासाकी रोझेस व्रेथ, मोटरसायकल, वेगवेगळे पॉट, गाड्या, जहाज, स्वामी विवेकानंद, लोकमान्य टिळक यांच्यावरील कलाकृती येथे पाहायला मिळतील. ओरिगामी म्हणजे काय? ओरिगामी ही मूळची जपानी कला आहे. एका चौरस कागदास फक्त घड्या घालून कलाकृती तयार केल्या जातात. या कलाकृती बनविताना कागद कापत किंवा चिटकवत नाहीत. युनिट ओरिगामी ह एक प्रकार प्रदर्शनात ठेवला आहे. यात कागदाच्या घड्या घालून युनिट तयार करतात आणि सर्व युनिट एकमेकांस जोडून कलाकृती केल्या जातात.