Skip to main content

छायाचित्रणकलेच्या १७५ व्या वाढदिवसानिमित्त स्पर्धा

छायाचित्रणकलेच्या १७५ व्या वाढदिवसानिमित्त स्पर्धा

लेखक संपादक मंडळ
Published on मंगळवार, 19/08/2014 प्रकाशित मुखपृष्ठ
नमस्कार! १९ ऑगस्ट १८३९ ला पॅरिसमधे छायाचित्रणकलेची अधिकृतरीत्या सुरुवात झाली. या घटनेला आज १७५ वर्षे होत आहेत. या निमित्ताने मिपावर छायाचित्रणाची स्पर्धा घ्यावी असा एक प्रस्ताव श्री सर्वसाक्षी यांच्याकडून आला आहे. मिपावर अनेक गुणी कलाकार, छायाचित्रकार आहेत. मिपा सदस्य-स्पर्धकांना कोणताही एक विषय देऊन एकच एक स्पर्धा घेण्यापेक्षा स्पर्धामालिका सुरू करावी असा निर्णय घेण्यात आला आहे. सर्वात पहिल्या स्पर्धेचा विषय मानवनिर्मित स्थापत्य हा आहे. नव्या, जुन्या, प्राचीन, अर्वाचीन इमारती आणि स्थापत्य यांची तुम्ही काढलेली छायाचित्रे इथे या धाग्यावर प्रकाशित करावीत ही विनंती. आजपासून आणखी ७ दिवस, म्हणजे २६ तारखेपर्यंत प्रत्येकी ३ छायाचित्रे प्रकाशित करू शकता. त्यानंतर ७ दिवसपर्यंत सगळे मिपा सदस्य परीक्षक म्हणून या चित्रांना १,२,३ असे अनुक्रमांक देतील. मतांची सरासरी काढून अंतिम निर्णय या धाग्यावर प्रकाशित केला जाईल. स्पर्धेचे अन्य नियमः १)प्रत्येकजण ३ चित्रे अपलोड करू शकतो. २)सर्व सदस्य मतदान करणार असल्याने संपादकही सदस्य म्हणून स्पर्धेत भाग घेऊ शकतात. ३)पहिल्या भागानंतर यापुढेही अन्य विषय घेऊन ही स्पर्धा सुरू राहील. यात सदस्यही विषय सुचवू शकतात. ४)छायाचित्राचा exif data शक्यतो असावा. ५)ह्या शिवाय छायाचित्र कुठे काढलेले आहे, ठिकाणाची थोडक्यात ओळख आदि माहिती चित्रासोबत द्यावी. ६)प्रोसेसिंग वैगरे केले आहे का याची माहिती द्यावी. ७)फक्त मोबाईलवरून काढलेल्या फोटोंसाठी स्वतंत्रपणे स्पर्धा घेण्यात येईल. पाहिजे तर अशी छायाचित्रे या स्पर्धेतही भाग घेऊ शकतात, पण क्रमांकाबद्दल अंतिम निर्णय मिपा सदस्यांचा असेल. ८)स्पर्धेच्या विजेत्यांना प्रशस्तीपत्रके ईमेल करण्यात येतील. स्पर्धेत जास्तीत जास्त मोठ्या प्रमाणावर सहभागी होऊन स्पर्धा यशस्वी करण्यास हातभार लावावा ही विनंती. सर्व स्पर्धकांना शुभेच्छा!
लेखनविषय:
लेखनप्रकार
याद्या 102471
प्रतिक्रिया 182

प्रतिक्रिया

संजय क्षीरसागर मंगळवार, 19/08/2014
सुरेख उपक्रम.

मुक्त विहारि मंगळवार, 19/08/2014
नक्की भाग घेणार...... आपला निदान शेवटचा क्रमांक तरी नक्की....

गवि मंगळवार, 19/08/2014
उदा. धरणे, झोपडी, स्मशाने, घाट, पूल, मंदिरे, रस्ते , बोगदे, दळणवळणाचे मार्ग (मेट्रो, मोनो इ.) विषयाची रेंज अधिक स्पष्ट करण्यासाठी उपरोक्त उदाहरणे दिली आहेत. स्थापत्य म्हणजे फक्त इमारत असे मानले जाऊ नये म्हणून. Infrastructure या अर्थाचे सर्वकाही स्वीकारार्ह आहे.

चित्रगुप्त मंगळवार, 19/08/2014
अतिशय समयोचित उपक्रम. कृपया दोन गोष्टींबद्दल स्पष्टीकरण द्यावे: १. फोटो अपलोडवताना जास्तीत जास्त रुंदी किती ठेवावी ? २. फ्लिकर मधे अपलोडवलेले फोटो अलिकडे दुसरीकडे वापरता येत नाहियेत, (copy image URL हल्ली गायब झालेले दिसते) यावर काय उपाय करावा? फ्लिकर खेरील अन्य कुठे कुठे अपलोडवलेले बरे?

धन्या मंगळवार, 19/08/2014
फ्लिकर खेरील अन्य कुठे कुठे अपलोडवलेले बरे?
या कामासाठी फोटोबकेट डॉट कॉम ही उत्तम वेबसाईट आहे. फेसबुक, फ्लिकर किंवा तत्सम सोशल नेटवर्किंग साईटवरील फोटो आयटीत काम करणार्‍या आमच्यासारख्या गरीबांना पाहता येत नाही. या सायटी आयटी हापिसांमध्ये ब्लॉक केलेल्या असतात.

पैसा बुधवार, 20/08/2014
६००-६५० एवढ्या आकाराचे फोटो चांगले दिसतात. त्याहून मोठे कॉलमच्या बाहेर जातात. फ्लिकर वापरत नाही त्यामुळे माहिती नाही. गुगल फोटो/पिकासा वरून कधी काही प्रॉब्लेम येत नाही.

एस मंगळवार, 19/08/2014
'ऐसी...' वरील छायाचित्रण आव्हाने छान असतात. आपल्याकडेही असा उपक्रम चालू झाल्याबद्दल आनंद वाटला. :-) जागतिक छायाचित्रणदिनाच्या सर्वांना हार्दिक शुभेच्छा!

प्रचेतस मंगळवार, 19/08/2014
सुरेख उपक्रम. स्पर्धेत भाग घेईनच.

स्पा मंगळवार, 19/08/2014
कृष्ण धवल प्रकाशातली तीन छायाचित्रे टाकत आहे १. दीपमाळ - सिद्धेश्वर कुरोली ह्या कोनातून दिपमाळेची भव्यता खुलून दिसतेय fgf Exif data: nikon coolpix digicam f /4.2, iso:125, exposure time: 1/320 sec २.गेट वे ऑफ इंडिया हि जगप्रसिद्ध इमारत सर्वांना माहित आहेच, पण नेहमीप्रमाणे पूर्ण फोटो न घेता, त्यातलाच एक दरवाजा कॅमेरात पकडायचा प्रयत्न केलाय fgf Exif data: nikon डि ३१००, f /१०, iso:४००, exposure time: १/१६० sec,फोकल लेन्थ,: ५५ मिमी ३.ताज हॉटेल,मुंबई fgf Exif data: nikon डि ३१००, f /११, iso:४००, exposure time: १/५०० sec,फोकल लेन्थ,: ५५ मिमी

धन्या मंगळवार, 19/08/2014
एक शंका: फोटोंवर वॉटरमार्क चालेल का? या स्पर्धेच्या निमित्ताने स्पा यांनी काढलेली "वॉटरमार्कविरहीत" प्रकाशचित्रे पाहायला मिळाली. :)

भाते मंगळवार, 19/08/2014
छान उपक्रम. सर्व मिपाकरांना स्पर्धेसाठी हार्दिक शुभेच्छा!

पैसा मंगळवार, 19/08/2014
२६ तारखेपर्यंत स्पर्धक छायाचित्रे अपलोड करतील, आणि सर्व सदस्यांनी त्यानंतर ७ दिवसपर्यंत म्हणजे २ तारखेपर्यंत आपल्या आवडीच्या चित्रांना क्रमांक १ २ ३ असे द्यायचे आहेत. सर्वात शेवट सर्व मार्क्स एकत्रित करून निकाल जाहीर केला जाईल. पहिल्या नंबराला अर्थातच जास्त वेटेज असेल. दुसर्‍या आणि तिसर्‍या नंबराला त्याप्रमाणे कमी.

संजय क्षीरसागर मंगळवार, 19/08/2014
म्हणजे २६ पर्यंत नुसते फोटो पाहायचे आणि २७ पासनं मार्कप्रणाली कार्यन्वित होणार. ओके!

श्रीरंग_जोशी मंगळवार, 19/08/2014
वाह, जगभरातल्या मिपाकरांच्या उत्कृष्ट छायाचित्रांचा आस्वाद एकाच ठिकाणी घेता येईल. एक सूचना: ज्या वास्तूचे वा रचनेचे चित्र आहे ती तेवढी प्रसिद्ध नसल्यास इतर माहितीखेरीज त्या स्थळाचा गूगल मॅप्सचा दुवा पण द्यावा.

एस मंगळवार, 19/08/2014
एखादे छायाचित्र हे विषयाला धरून आहे की नाही हे कसे ठरवणार? ;-)

पैसा मंगळवार, 19/08/2014
ठरवायचं नाहीच मुळी! एखाद्याला वाटलं की दहीहंडीचे थर हे मानवी स्थापत्य आहे, तर त्याने फोटो द्यावेत. सगळे मिपाकरच त्याचा काय तो निकाल करतील!

श्रीरंग_जोशी मंगळवार, 19/08/2014
म्हणजे ते एसएमएसद्वारे महागायक /महागायिका वगैरे निवडले जातात तसेच ना?

पैसा मंगळवार, 19/08/2014
पण एसेमेस करण्यासाठी लोकांना सिमकार्डे आणि फोन देऊन बसवतात. इथे प्रत्येक आयडीला एकदाच मत देता येईल. डु आयडी असल्यास तसे सांगावे ही विनंती! :-/ :P

श्रीरंग_जोशी मंगळवार, 19/08/2014
गुप्त मतदानपद्धती नसल्याने काही आयडींची अडचण होऊ शकते. विधानपरिषद किंवा राज्यसभेच्या निवडणुकीप्रमाणे पहिल्या, दुसर्‍या व तिसर्‍या क्रमांकाची मते दिली जाणार आहेत. फिक्सिंग करणे अवघड आहे ;-). बाकी काही आयडी पुन्हा पुन्हा बारसे करवुन घेतात. दर वेळी नव्याने मतदान केल्यास अधिकच घोळ होईल =)).

पैसा बुधवार, 20/08/2014
ज्यांना गुप्त मतदान करायचं आहे त्यांनी सं मं ला नंबराचा व्यनि करून इथे तशी नोंद करावी. पुन्हा पुन्हा बारशी करणार्‍यांची बारशी आम्ही इथे जेवून बसलेलो असल्याने त्यांना काही गडबड करता येणार नाही. फिक्सिंगसाठी आधी एक कंपू तयार करावा लागेल. ते फार वेळखाऊ काम आहे असे एकूणात दिसते.

इरसाल गुरुवार, 21/08/2014
आमाला नाय बोलवलत बारश्याचं जेवाला. आमीबी खाल्या असत्यान घुगर्‍या नि पेढं !

प्यारे१ गुरुवार, 21/08/2014
>>> पुन्हा पुन्हा बारशी करणार्‍यांची बारशी आम्ही इथे जेवून बसलेलो असल्याने ओ आम्हाला आठवत नाही. कधी आलेलात? प्यारे१-प्रशांत आवले-प्यारे१ (हे एलिझाबेथ टेलर सारखं झालं असं वाटत असल्यास निव्वळ योगायोग समजावा)

प्रशांत बुधवार, 20/08/2014
बाकी काही आयडी पुन्हा पुन्हा बारसे करवुन घेतात. दर वेळी नव्याने मतदान केल्यास अधिकच घोळ होईल =)).
काळजी नसावी बारसे झाले तरी बिल्ला नंबर तोच असतो.... हा का ना का.

प्रचेतस बुधवार, 20/08/2014
१. अजिंठा (लेणी क्र. २६, चैत्यगृह) छायाचित्रातील चैत्यगृहातील स्तंभांवरील कोरीव भाग आहे. Camera: Canon EOS 550D Lens: 18-55mm f/4.4-28 Focal Length: 30 mm Exposure 1/40 F Number: f/4.5 ISO: 2500 Flash Not used a २. ७ व्या ते ८ व्या शतकात निर्मिलेली वेरूळची कैलास लेणी (लेणी क्र. १६) Camera: Canon EOS 550D Lens: 18-55mm Focal Length: 55 mm Exposure 1/125 F Number: f/7.1 ISO: 100 Flash Not used a ३. वेरूळच्या कैलास लेण्यातील प्रदक्षिणापथ Camera: Canon EOS 550D Lens: 18-55mm Focal Length: 50 mm Exposure 1/30 F Number: f/5.6 ISO: 3200 Flash Not used a वरील तिन्ही छायाचित्रात कसलेही पोस्ट प्रोसेसिंग केलेले नाही.

ज्ञानोबाचे पैजार बुधवार, 20/08/2014
फारच सुरेख कल्पना. या स्पर्धे निमित्त चांगली छायाचित्रे पहायला मिळतिल. पैजारबुवा,

श्रीरंग_जोशी बुधवार, 20/08/2014

~ विस्कॉन्सीन स्टेट कॅपिटॉल ~

Wisconsin State Capitol Exif Details: Sony Nex-5N, F-stop: F/11, ISO:100, Exposure 1/100

~ मिलवॉकी आर्ट म्युझियम ~

Milwaukee Art Museum Exif Details: Sony Nex-5N, F-stop F/13, ISO:100, Exposure 1/250

~ माउंट रशमोअर नॅशनल मेमोरियल ~

Mount Rushmore National Memorial Exif Details: Canon SX-30IS, F-stop:F/4.5, ISO:80, Exposure:1/1000 वरील तिन्ही छायाचित्रात पोस्ट प्रोसेसिंग केलेले नाही. मूळ आकारात चित्रे बघायची असल्यास कृपया चित्रावर क्लिक करावे. माझ्या छायाचित्रणात सुधारणा करण्यासाठी आपल्या सूचनांचे स्वागत आहे.

श्रीरंग_जोशी रवीवार, 24/08/2014
अमेरिकेत राज्यांच्या राजधानीच्या ठिकाणी स्टेट कॅपिटॉल असते. तिथे त्या राज्याच्या विधिमंडळाची सभागृहे, गवर्नर चे कार्यालय व स्थानिक सिनेटर्स, काँग्रेसमन यांची कार्यालये त्याखेरीज त्या राज्यातील सर्वोच्च न्यायालयाचे कार्यालय असते. विस्कॉनसिन चे स्टेट कॅपिटॉल राजधानी चे शहर मॅडिसन मध्ये आहे. डाऊनटाऊन मॅडिसन हे दोन जलाशयांचे मध्ये वसले आहे (लेक मेंडोटा व लेक मोनोना). स्टेट कॅपिटॉलच्या इमारतीचे स्थापत्य अत्यंत भव्य व आकर्षक आहे. ठोकळेबाजपणा कुठल्याही कोनातून जाणवत नाही. पर्यटकांना आत बाहेर मुक्त प्रवेश असल्यामुळे तेथील स्थापत्याच्या सौंदर्याचा पुरेपूर आस्वाद घेता येतो. घुमटाच्या आतील बाजूचे नक्षीकाम व रंगसंगती वाखाणण्याजोगी आहे. विस्कॉनसिन मधील सर्वात मोठे शहर मिलवॉकी येथील मिलवॉकी आर्ट म्युझियम संग्रहालय म्हणून वाखाणण्याजोगे आहे पण २००१ साली बांधल्या गेलेल्या Quadracci Pavilion या इमारतीने त्याचे स्थापत्य एका नव्या उंचीवर नेऊन ठेवले आहे. लेक मिशिगनच्या काठावर असल्यामुळे लांबून पाहिल्यास एकादे जहाज नांगर टाकून उभे आहे असा भास होतो. स्थापत्य रचनाकार आहेत सॅंतियागो कलात्रावा. २०११ मध्ये प्रदर्शित झालेल्या एका प्रसिद्ध हॉलिवूडपटातील एक दृश्य येथे चित्रित झाले आहे. ओळखा पाहू हा चित्रपट. साऊथ डाकोटा या राज्याचे नाव ऐकताच डोळ्यासमोर माउंट रशमोअर नॅशनल मेमोरियलची प्रतिमा डोळ्यासमोर येते. पर्यटकांना आकर्षित करण्यासाठी वेगळे काहीतरी करून दाखवण्याच्या महत्त्वाकांक्षेतून निर्मिती झालेले महाशिल्प प्रत्यक्ष पाहताना डोळ्याचे पारणे फिटते. Gutzon Borglum यांच्या हाताखाली ४०० शिल्पकार व संबंधित कामगारांनी १४ वर्षे (१९२७ ते १९४१) राबून हे महाशिल्प डोंगरात घडवले. चार राष्ट्राध्यक्ष, जॉर्ज वॉशिंग्टन, थॉमस जेफरसन, थिओडोर रूझवेल्ट व अब्राहम लिंकन यांची ही शिल्पे प्रत्यक्षात योजल्यानुसार कंबरेपर्यंत घडवायची होती. Gutzon Borglum यांच्या मृत्यूनंतर (मार्च १९४१) त्यांच्या पुत्राच्या नेतृत्वाखाली पुढचे काही महिने काम चालले परंतु निधीअभावी ते अर्धवट राहिले व आजही त्याच अवस्थत आहे. ही बाब ठाऊक नसणाऱ्यांना ते काम अपूर्ण आहे असे वाटत नाही.

पैसा बुधवार, 20/08/2014
आतापर्यंतच्या तीनही प्रवेशिका एकापेक्षा एक भारी आहेत! निर्णय द्यायचं मिपाकरांचं काम फार कठीण करताय तुम्ही फटुग्राफर लोक!

एस बुधवार, 20/08/2014
मेजवानी मिळणार आहे मस्त! जरा ती मुदत कमी वाटतीय हो. सात दिवसांत कितीशा प्रवेशिका येतील!

ज्ञानोबाचे पैजार बुधवार, 20/08/2014
महाबळेश्वर जवळ काढलेला धरणाचा फोटो Dharan पावसाळ्यातला मुंबई पुणे एक्सप्रेस वे Express Way कात्रज सिंहगड ट्रेक करताना रात्री दोन वाजता लागणारे एक मंदिर Mandir पैजारबुवा,

आतिवास बुधवार, 20/08/2014
ब्लू मॉस्क, मझार ए शरीफ, अफगणिस्थान blue mosque आजही धडकी भरवणारा सेल्युलर जेल, अंदमान celluar jail गोळकोंडा मधलं हे बहुतेक बाजार भरण्याचं ठिकाण असावं का? का घोड्यांच्या पागा? माहिती नाही! golkonda

असंका बुधवार, 20/08/2014
शंका १. डुआयडीने फोटो पोस्ट बिस्ट केले तरीही चालतील का हो? २. फोटो बदलता येतील का?

पैसा बुधवार, 20/08/2014
१. एका आयडीला जास्तीत जास्त ३ फोटो अपलोड करता येतील. तुमचे किती आयडी आहेत? २. फोटो बदलता येणार नाहीत. कारण नंतर लोकांना मत देताना क्न्फ्युजन होईल.

प्रमोद देर्देकर बुधवार, 20/08/2014
ओ पैतै, अगोदरच्या जुन्या धाग्यात एकदा मिपावर डकवलेली, छा.चि. पुन्हा एकवार डकवली तर चालतीलय काय?

पैसा बुधवार, 20/08/2014
जास्तीत जास्त ३. आणि ती तुम्ही काढलेली हवीत.

चिंतामणी बुधवार, 20/08/2014
https://lh3.googleusercontent.com/-L567gWjPiWg/U_RQpZtBBCI/AAAAAAAABso/R9kGBa7VdXA/s720/%25E0%25A4%25AE%25E0%25A4%25BE%25E0%25A4%25B9%25E0%25A5%2582%25E0%25A4%25B2%25E0%25A5%2580.jpg श्री क्षेत्र माहूली येथील कृष्णा नदीवरील पूल. https://lh3.googleusercontent.com/-HWiVuijljyg/UMCbFWi16FI/AAAAAAAAA7U/YqiDLnHjBHU/s576/05122012%2528004%2529.jpg शिंदे छत्री- पुणे https://lh3.googleusercontent.com/-Qaikyu7_GtQ/U_RQoDPWEgI/AAAAAAAABsY/40N2XsmYC3E/s720/%25E0%25A4%25AE%25E0%25A4%25BE%25E0%25A4%25B9%25E0%25A5%2582%25E0%25A4%25B2%25E0%25A5%2580%25201.jpg श्री क्षेत्र माहूली येथील शिव मंदीर

पैसा बुधवार, 20/08/2014
पैजारबुवा. आतिवास, चिंतामणी, विलासराव सगळ्यांचे फोटो उत्तम आहेत!

चित्रगुप्त बुधवार, 20/08/2014
पुढील फेर्‍यांसाठी सुचवल्या जाणार्‍या विषयांसाठी एक नवीन धागा काढावा, ज्यात विविध विषय एकाच ठिकाणी साचवता येतील. मला सुचणारे विषयः १. निरागस २. प्रयत्न ३. माझी आवडती वस्तु ४. सावल्या ५. बिंब-प्रतिबिंब ६. मूर्तीकला ७. सौंदर्य ८. वृद्ध्त्व ९. विचित्रता १० फुरसतीचे क्षण

अनुप कोहळे बुधवार, 20/08/2014
Perrier Bridge HDR ISO-100 Shutter speed - 1/200, 1/800, 1/100 लेन्स १४ मि. मि. हे छायाचित्र माझे खूप आवडीचे आहे. ३ प्रतिमांचे प्रोसेसिंग Lightroom ह्या प्रणाली मधे करून Photomatix ह्या प्रणाली मधे HDR तयार केले आहे. आशा आहे कि तुम्हाला सुद्धा हे छायाचित्र आवडेल.

वेल्लाभट बुधवार, 20/08/2014
१. अहमदाबाद जवळ असलेली अडालज ही भव्य विहीर. aa अडालज की बावड़ी (गुजराती : अडालजनी वाव) एक सीढ़ीदार कुँआ (बावड़ी) है जो गुजरात के अडालज नामक गाँव में है। दूर-दराज से बड़ी संख्या में लोग इस कुएं को देखने आते रहते हैं। वास्तव में यह एक बड़े भवन के रूप में निर्मित है। भारत में इस तरह के कई सीड़ीनुमा कूप हैं. (मला अत्ताच कळलंय की पुण्याजवळ निंब येथे अशीच एक, बहुदा याच्याहून भारी विहीर आहे शिवकालीन. तेंव्हा ती बघायला जायचंय आता.) फोटोबाबतः कॅमेरा - कॅनन पॉवरशॉट एस एक्स २२० एचएस शटरस्पीड - १/६४० अ‍ॅपर्चर - एफ ४.० आयएसओ - २०० पोस्ट प्रोसेसिंग - लेव्हल अ‍ॅडजस्टमेंट, ब्राईटनेस/कॉन्ट्रास्ट २. सटाणा येथील मांगी-तुंगी या जुळ्या शिखरांकडे जाणा-या पाय-या. ४०००+ पाय-या चढून या शिखरांवर जाता येतं. a मांगी - तुंगी हा महाराष्ट्रातील एक किल्ला आहे. नाशिक जिल्ह्यातील सटाणा तालुक्यात भिलवड गावानजीक हा किल्ला उभा आहे. हे एक जैन तीर्थक्षेत्रदेखील असून, तेथे चढून जाण्यासाठी सुमारे चार हजारांहून अधिक पायऱ्या आहेत. फोटोबाबतः कॅमेरा - कॅनन पॉवरशॉट एस एक्स २२० एचएस शटरस्पीड - १/८०० अ‍ॅपर्चर - एफ ४.० आयएसओ - १०० पोस्ट प्रोसेसिंग - लेव्हल अ‍ॅडजस्टमेंट, ब्राईटनेस/कॉन्ट्रास्ट ३. जिनिवा, स्वित्झर्लंड येथील एक गल्ली. दोनही बाजूंना उत्तमोत्तम स्विस शैलीतल्या इमारती, त्यांवरची नक्षी, सजावट इत्यादी. aa Geneva (/dʒɨˈniːvə/; French: Genève, is the second most populous city in Switzerland (after Zürich) and is the most populous city of Romandy, the French-speaking part of Switzerland. Situated where the Rhône exits Lake Geneva, it is the capital of the Republic and Canton of Geneva. फोटोबाबतः कॅमेरा - ऑलिंपस एफई २० शटरस्पीड - १/२५ अ‍ॅपर्चर - एफ ३.१ आयएसओ - १२५ पोस्ट प्रोसेसिंग - लेव्हल अ‍ॅडजस्टमेंट, ब्राईटनेस/कॉन्ट्रास्ट

खटपट्या गुरुवार, 21/08/2014
हायला एक सो एक आहेत मिपा वर !! बहुतेक पहिले, दुसरे आणि तिसरे पारितोषिक विभागून द्यावे लागणार :)

एस गुरुवार, 21/08/2014
छायाचित्रे अप्रतीम येताहेत. डावंउजवं करणं खरोखरच अवघड जाणार आहे. :-)

स्वैर गुरुवार, 21/08/2014
१.फ्रान्समधील इटाम्स गावातील चर्चचा दरवाजा: 20141404 (21) २.आएफेल टॉवरवरुन काढलेला फोटो: 20142004 (32) ३.आळंदीरोडवरील साईमंदिर परिसरात असलेला स्तंभ : IMG_0679

पैसा गुरुवार, 21/08/2014
मीता, kohalea तुम्ही अजून फोटो देऊ शकता. वेल्लाभट आणि स्वैर, खूपच छान फोटो! स्वैर, पहिला फोटो तर जबरदस्त आवडला!

बोका गुरुवार, 21/08/2014
दिल्लीतील माझे आवड्ते ठिकाण. पर्यटक फारसे नसतात आणि सुंदर परिसर. (अवांतर - मकबरा, कबर, थडगे सारे एकच का ?) h कॅनन EOS 1000D लेन्स - टॅमरॉन 17-50mm @ 17mm 1/400, f/6.3, आयएसओ 200

sagarparadkar गुरुवार, 21/08/2014
स्वित्झर्लंड मधील अपेन्त्सेल कौंटिमधील स्टाईन गावातील चीझ फॅक्ट्रीच्या मगील खास अपेंत्सेलर हाउस Appnzellar House लेक कोन्स्टान्झ किंवा बोडेन्झे मधील 'मायनाउ' बेटावरील संस्थानिकाचा राजवाडा Mainau Palace व्हिएन्नाच्या सुप्रसिद्ध 'ऑपेरा हाउस'चे अंतरंग Opera House Vienna धन्यवाद

sagarparadkar शुक्रवार, 22/08/2014
स्वित्झर्लंड मधील अपेन्त्सेल कौंटिमधील स्टाईन गावातील चीझ फॅक्ट्रीच्या मगील खास अपेंत्सेलर हाउस http://s1383.photobucket.com/user/sagarparadkar/media/AppenzellerHouse_zps1b3ee1be.jpg.html लेक कोन्स्टान्झ किंवा बोडेन्झे मधील 'मायनाउ' बेटावरील संस्थानिकाचा राजवाडा http://s1383.photobucket.com/user/sagarparadkar/media/MainauPalace_zpsaca4309a.jpg.html व्हिएन्नाच्या सुप्रसिद्ध 'ऑपेरा हाउस'चे अंतरंग http://s1383.photobucket.com/user/sagarparadkar/media/OperaHouseVienna_zps45d75f5b.jpg.html स्वित्झर्लंड्च्या लुझर्न मधील जनरल पोस्ट ऑफिसची इमारत http://s1383.photobucket.com/user/sagarparadkar/media/LucernPostOffice_zps2e91a371.jpg.html

पैसा शुक्रवार, 22/08/2014
मूळ प्रतिसादात अपलोड केलेत. मात्र ३ च फोटो देता येतील. त्यामुळे चौथा टाकला नाही. तो हवा असेल तर आहे त्यापैकी एखादा काढावा लागेल. फोटो सुरेख!

डॉ सुहास म्हात्रे गुरुवार, 21/08/2014
माझे पण तीन फोटो... १. कंबोडियातिल बांतीय श्रेइ मंदिरातील एक कोरीवकाम : २. चीन मधिल लेशान येथिल बसलेल्या बुद्धाचे शिल्प : ३. शांघाईच्या पर्ल टॉवरच्या काचेच्या जमिनीतून दिसणारा टॉवरचा स्तंभ व शेजारच्या मोठ्या चौकात असलेल्या उंच वर्तुळाकार पादचारी मार्गासह इतर परिसर : (कॅमेरा: Soni DSC-TX7)