तसा मी शक्यतो कूणाची मस्करी करायला जात नाही.कारण कधी-कधी मस्करी मूळे पार वाट लागते.पण कधी-कधी काही जण असे काही बोलून जातात, की मग त्यांची थोडी मस्करी केल्याशिवाय राहवत नाही. मागच्या आठवड्यात पण असेच झाले.मी आणि मूलगा इंटरनेट थ्रु गप्पा मारत होतो. ...म्हणजे मी परदेशात नौकरी करण्याइतपत माझे शिक्षण झाले असून, दोन्ही घरातील इंटरनेटचा खर्च मी भागवू शकतो, हे तूमच्या लक्षांत आले असेलच.बायकोला घाबरून पळून गेलो, हे जगमान्य सत्य माझ्या आयुष्यात पण सत्य झाले, हे देखील लक्षांत आले असेलच... तेव्हढ्यांत मूलाचा मित्र आला. ...तो कसा आला? बेल वाजवून की कडी वाजवून? हे मैलिक प्रश्न न विचारल्यास उत्तम.... त्याला हे ऑन लाईन चॅटिंग प्रकरण माहित न्हवते. ...आता ६वीतल्या मूलाला हे माहित नाही हा दोष कूणाचा?ते देवाला माहित.आपण त्यात न पडणेच बरे नाही का?.. त्याने मूलाला विचारले , अरे हे काका कॉम्प्युटर मध्ये कसे गेले. मी पटकन म्हणालो, अरे कूणाला सांगू नकोस. माझ्या मूलाने आणि त्याच्या आईने मला, जादू करून कॉम्प्युटरमध्ये बंद करून टाकले.जास्त मस्ती केलीस तर तूला पण ह्याच्यात बंद करून टाकतील. त्या-दिवसापासून ते पोरगे बिचारे, माझ्या मूलाचे सगळे म्हणणे ऐकायला लागले. तुम्ही पण अशी कूणाची मस्करी केली असेल तर सांगा.