भ्रष्टाचाराच्या विरोधात 9158242424

सरकारी-निमसरकारी कार्यालयातील भ्रष्टाचाराचे पीक कमी करण्यासाठी ऍंटी करप्शन ब्युरोने यापूर्वीही अनेक उपक्रम राबविले आहेत. तसेच गेल्या सहा महिन्यांत 60 हून अधिक सापळे यशस्वी करत लाचखोरांना अटक केली आहे. लाचखोर अधिकाऱ्यांच्या तक्रारी विनासायास करता याव्यात आणि लाचलुचपतीविरोधातील कारवाईला अधिक गती मिळावी , या दुहेरी हेतूने 9158242424 हा मोबाईल क्रमांक सुरू करण्यात आल्याची माहिती ' ऍंटी करप्शन ' चे अधीक्षक हरिष बैजल यांनी दिली. कुठल्याही सरकारी खात्यातील भ्रष्टाचाराची माहिती देण्यासाठी तक्रारदारांना सकाळी 10 ते सायंकाळी 6 या कार्यालयीन वेळात या मोबाईलवर संपर्क साधता येईल. तसेच कुठल्याही वेळेत ' एसएमएमस ' पाठवता येईल. तक्रारदाराच्या नावाबाबत पूर्णत: गुप्तता ठेवली जाणार असल्याने , एसएमएस करताना तक्रारदाराने तक्रारीचे स्वरुप व त्याखाली स्वत:चे नाव टाकण्याचे आवाहन बैजल यांनी केले आहे. एसएमएस केल्यानंतर ऍंटी करप्शन ब्युरोतर्फे संबंधिताला संपर्क साधून अधिक माहिती घेतली जाईल.