मिसळपाव
दोस्तहो,
सध्या लोकसत्तेच्या ’लोकमुद्रा’ पुरवणीत सलील कुलकर्णी यांची मराठी भाषेविषयक लेखमालिका सुरू आहे.
त्या मालिकेतल्या नुकत्याच प्रकाशित झालेल्या लेखातील काही अंश इथे प्रकाशित करतो, आणि मराठी भाषेच्या संवर्धनासाठी होत असलेल्या प्रयत्नात आपला खारीचा वाटा उचलण्यासाठी सक्रिय सहभाग नोंदवावा, असे आवाहन करतो.
."...संपूर्ण जगात भाषकसंख्येनुसार मराठी ही पंधराव्या क्रमांकाची भाषा आहे आणि भारतात हिंदी, बंगाली व तेलुगू भाषांच्या नंतर चौथ्या क्रमांकाची भाषा आहे. महाराष्ट्रात सुमारे दहा कोटी मराठी भाषिक आहेत. ही लोकसंख्या जगातील जर्मनी, फ्रान्स, इंग्लंड, इटली, ऑस्ट्रेलिया, स्वित्र्झलड, कॅनडा, स्वीडन, अशा अनेक प्रगत राष्ट्रांपेक्षादेखील कितीतरी जास्त आहे. ग्राहक म्हणूनही मराठी जनतेचे संख्याबळ फार मोठे आहे. आपल्याला आपल्या भाषेत योग्य व सक्षम पद्धतीने सेवा मिळणे हा आपला अधिकार आहे. आपण मराठी ग्राहक एकजूट बांधू शकलो तर आपले रास्त विचार आपण विविध खासगी व्यापारी कंपन्या व सरकारी संस्था यांच्या गळी नक्कीच उतरवू शकू. बहुसंख्य मराठीजनांनी आपल्या भाषेची आणि भाषकांची प्रगती साधण्यासाठी एकजूट केली तर आपल्याला काय शक्य नाही?"
"...विविध उद्देशांसाठी ‘मराठी एकजूट’ साधण्याच्या दृष्टीने आपण एकत्र येऊन औपचारिकपणे एखादा संघ स्थापन करणे, एकमेकांच्या सतत संपर्कात राहणे व वेळोवेळी एकत्रितपणे कृती करणे फार महत्त्वाचे आहे.
यादृष्टीने मायबोली मराठीसाठी प्रामाणिकपणे कृती करू इच्छिणाऱ्या सर्व सज्ञान मराठीप्रेमींना मी ‘मराठी एकजुटी’मध्ये सहभागी होण्याचे कळकळीचे आवाहन करतो.
त्यासाठी
आपले नाव,
जन्मदिनांक,
संपर्कासाठी वास्तव्याचा संपूर्ण पत्ता,
चलध्वनी आणि दूरध्वनी क्रमांक, शिक्षण, व्यवसाय आणि मराठीच्या हितासाठी करण्यासारख्या विविध लहान-मोठय़ा कृतीसंबंधी आपल्या सूचना, असे सर्व तपशील शक्यतो ई-मेलने marathi.ekajoot[at]gmail[dot]com या ई-पत्त्यावर किंवा पत्राने ‘मराठी एकजूट’, टपाल-पेटी क्रमांक १९२०, पुणे-४११ ०३८, या पत्त्यावर कळवावेत. आजच्या आधुनिक काळात ई-मेलद्वारे संपर्कात राहणे हे झटपट, बिनखर्चाचे व अत्यंत सोयीचे ठरते. त्यामुळे शक्य असेल तर इतर तपशिलाबरोबरच आपला ई-मेल पत्तासुद्धा नक्की कळवा. आपल्याकडे महाराष्ट व मराठी यांच्या संबंधातील चांगल्या कविता, लेख, माहिती व भाषणे किंवा काही विशेष अनुभव गाठीला असतील तर तेसुद्धा लिखित स्वरूपात अवश्य पाठवावेत."
मूळ लेख इथे वाचता येईल-
.
.
http://www.loksatta.com/index.php?option=com_content&view=article&id=32…
वाचने
2401
प्रतिक्रिया
6
प्रतिक्रिया
धन्यवाद
माहीती
आभारी आहे
धन्यवाद
आभार.
स्वःताची