Skip to main content

पी एम केअर फंड- लपवा छपवी?

लेखक शुर यांनी सोमवार, 27/09/2021 21:37 या दिवशी प्रकाशित केले.
सेंटर फॉर पब्लिक इंटरेस्ट लिटिगेशन या स्वयंसेवी संस्थेतर्फे दाखल करण्यात आलेली याचिका सर्वोच्च न्यायालयाने फेटाळून लावली. पीएम केयर्स फंडाला एनडीआरएफमध्ये ट्रान्सफर करण्याचा आदेश दिला जाऊ शकत नाही, असं न्यायालयाने ही याचिका फेटाळून लावताना म्हटलं. सर्वोच्च न्यायालयाने सांगितलं की, प्राईम मिनिस्टर्स सिटीझन असिस्टेंट्स अँड रिलीफ इन इमर्जन्सी सिच्युएशन्स (पीएम केअर्स) फंडाला राष्ट्रीय आपत्ती निवारण निधी अर्थात नॅशनल डिझॅस्टर रिलीफ फंड (एनडीआरएफ)मध्ये विलीन करण्याची आवश्यकता नाही. पी एम केअर फंड ची स्थापना कोरोना काळात करण्यात आली. आताच सरकारने जाहीर केलेय की तो निधी सरकारी नाही. किती पैसे जमा झाले? किती खर्च करण्यात आले? ह्याचा कुठलाही हिशेब देण्यास नकार देण्यात आलाय. कोरोना संकटात भरभरून दान देण्यात आलेल्या पैशांचे काय झाले ह्याचा हिशेब देण्याची नैतिक जबाबदारी भारत सरकारची आहे. ही जबाबदारी सरकार का पार पाडत नसावे?? नेमकं काय आणी का लपवण्यात येत आहे?? पैसे खर्च केलेत तर तसं देशातील जनतेस दाखवण्यात नेमकी काय समस्या आहे?? पीएम केअर्स या फंडातील ५० हजार कोटी रुपये गेले कुठे? असा प्रश्न कोंग्रेसने ऊपस्थित केलेत. ह्यात गोपनीय ठेवण्यासारखे नेमके काय आहे? https://www.loksatta.com/desh-videsh/pm-care-fund-is-not-a-government-f… https://www.bbc.com/marathi/india-53838492
वाचने 22610
प्रतिक्रिया 149

प्रतिक्रिया

प्रसाद गोडबोले शुक्रवार, 01/10/2021 18:16
राजेश , तुमचे सगळेच प्रतिसाद मजेशीर आहेत . लॉजिकल लाईन ऑफ अर्ग्युमेंट मध्ये कोणतेही असर्टेव्ह विधान केल्यावर ते सिध्द करणार्‍याची जबाबदारी विधान करणार्‍यावर असते , विधान खोडून काढणार्‍यावर नाही. तुम्ही म्हणाला आहात की "Pm care fund बेकायदेशीर आहे" तर त्याबद्दल तुम्ही पुरावे दिले पाहिजेत . ती तुमची जबाबदारी आहे. ते सोडून तुम्ही दुसर्‍यालाच पुरावे मागताय =)))) आमच्या कॉलेजात पी.एच.डीचा कोणेही विद्यार्थी त्याचा प्रबंध प्रकाशित करायचा तेव्हा समोर किमान ५ टेन्युअर्ड प्रोफेसर बसलेले असायचे त्याची विधाने खोडून काढायला. तुम्ही तिथे गेलात तर तुम्ही प्रोफेसरांनाच पुरावे अन लिन्क्स मागुन येडं कराल =)))) पण एकुणच हे सारं फार मजेशीर आहे हे . लॉजिक, एकॉनॉमिक्स, स्टॅटिस्टिक्स मधील तुमचे अगाध ज्ञान सर्वच प्रतिसादातुन ओसंडून वहात आहे ! =))))

Rajesh188 रविवार, 03/10/2021 01:22
डाटा,लॉजिक, चा प्रतिवाद योग्य नियमानुसार करण्यात अर्थ नाही. कारण सरकार चे कोणतेच निर्णय जे आता पर्यंत ह्या सरकार नी घेतले आहेत.ते डाटा,लॉजिक, ह्या नुसार तपासले तर पूर्णतः चुकीचे आहेत. सरकार चा एक पण निर्णय देशाच्या हिताचा ह्या सरकार नी घेतलेला नाही . देशात इतके कायदे आहेत की एकादी कृती एक कायदा गुन्हा ठरवत असेल तर दुसरा कायदा तीच कृती गुन्हा ठरवत नाही. लॉजिक,डाटा ह्याच्या गोष्टी करूच नका. स्वैर प्रतिवाद च आताच्या परिस्थिती मध्ये योग्य आहेत. उगाच मोठ्या साजूक अपेक्षा ठेवू नका.

प्रसाद गोडबोले रविवार, 03/10/2021 10:26
उगाच मोठ्या साजूक अपेक्षा ठेवू नका.
तर्कशुध्द विधान करण्याचा दर्जा जपणे , पुराव्याच्या कसोटीवर ताऊन सुलाखुन निघणारीच विधाने करणे हे कोणत्याही संतुलित बुध्दिमत्तेच्या माणासाचे लक्षण आहे. देशात इतके कायदे आहेत की एकादी कृती एक कायदा गुन्हा ठरवत असेल तर दुसरा कायदा तीच कृती गुन्हा ठरवत नाही. हे असले जर तुमचे अंडर्स्टँडिंग असेल असेल , तर धन्य आहे ! =)))) तुमचा वरील प्रतिसाद हा तुमच्या विचारसरणीचे खणाखणीत स्वरुप दाखवत आहेच पण एकुणच सर्वच काँग्रेस समर्थकांच्या बौध्दिक वादविवाद करण्याच्या क्षमतेचे झालेले अधःपत्तन देखील दर्शवतो.
स्वैर प्रतिवाद च आताच्या परिस्थिती मध्ये योग्य आहेत.
असला बाष्कळपणा करण्यात मला काहीही रस नाही. हे विधान म्हण्जे तुमच्या बालिषपणाचा परिपाक आहे ! आणि तुम्ही कान डोळे हे मोडीद्वेषाची हिंदुद्वेषाची झापडे लाऊन बंद केल्याने तुमच्या डोक्यात डेटा , लॉजिक , कंसिस्टंट अ‍ॅर्ग्युमेन्ट वगैरे घुसण्याची शक्यता नाही. @गुरुजी म्हणाले तेच योग्य आहे ! -

" गाढवापुढे वाचली गीता , कालचा गोंधळ बरा होता "

hrkorde शनिवार, 02/10/2021 11:48
पीएम नेशनल रिलिफ फंड ला कोड स्कॅन करून जिपेने ७७७ रु दिले. आता ह्याची पावती कशी येते ते बघूया

hrkorde शनिवार, 02/10/2021 11:58
पीएम नेशनल रिलिफ फंड ला कोड स्कॅन करून जिपेने ७७७ रु दिले. आता ह्याची पावती कशी येते ते बघूया. ( नेहरु फंड) गांधी जयंती व शास्त्री जयंतीच्या हार्दिक शुभेच्छा. अजुन भाजपाच्या कुणाच्या अशा विश्वव्यापी जयंत्या साजर्‍या होत नाहीत. १९२५ पासून अजून कुणी नररत्न जन्माला येईना ??