ह्या काही चारोळ्या मी तिच्यासाठी लिहिल्या होत्या...पण तिला सांगण्याची वेळच आली नाही ..... जाउद्या मंडळी..ते पुन्हा कधीतरी... १. पारिजातक सकाळ सकाळ अंगणात पडतो पारिजातकाचा सडा जसा| रांगोळी काढताना तुला पाहिलं जीव झाला माझा वेडा तसा || २. तिळ तू जवळ असलीस की पडतं चंद्राचं चांदणं | चंद्राचा डागच मला जास्त आवडतो म्हणून तर तुझ्या गालावरच्या तिळाला न्याहाळणं || ३. असणे-नसणे तू समोर असतेस तेंव्हा बोलू देत नाहीस | तू समोर नसतेस तेंव्हा झोपू देत नाहीस || ४.वाट वाट बघत माझी होतीस उभी तू स्टॉपवर | मुद्दामच उशीर केला जीव जडलाय तुझ्या लटक्या रागावर || ५. शॉपिंग तुझ्यासोबत शॉपिंगचा येतो कधी कधी कंटाळा | शॉपिंग तर बहाणा आहे तुच माझा विरंगुळा || ६. सिनेमा सिनेमाची तिकिटं काढलीयत दोन तू येशील ना??? | कोपर्‍यातील सीट आहे एक गोड गोड पापा देशील ना??? || - (फक्त तिचाच) प्रभो... (आवडलं नाही तर जोड्याने हाणा..पण चप्पल नको...)