धुंद एकांत हा - तुझ्या सवेच रंगतो प्रणयाचा पूर ही - र्‍हुदयी या उधाणतो । स्पर्श स्पर्श जागवी अनोखीच चेतना श्वास श्वास धुंद हा तनूवरी विसावतो । उष्ण अधर कापती - रंगती कपोलही मुक्त कुंतलात या जीव तुझा गुंततो । झंकारे देहवीणा तुझीया कवेत रे रासझूला चांदवा - अनंगरंग उसळतो । विखूरले उशीवरी चांदणे अजूनही नाहूनी प्रीतीत मन मोगराही उमलतो । बरसत्या चांदण्यात तारकांच्या मैफिली रातराणी बहरे, धुंद चाफा दरवळतो |