मिसळपाव
धुंद एकांत हा - तुझ्या सवेच रंगतो
प्रणयाचा पूर ही - र्हुदयी या उधाणतो ।
स्पर्श स्पर्श जागवी अनोखीच चेतना
श्वास श्वास धुंद हा तनूवरी विसावतो ।
उष्ण अधर कापती - रंगती कपोलही
मुक्त कुंतलात या जीव तुझा गुंततो ।
झंकारे देहवीणा तुझीया कवेत रे
रासझूला चांदवा - अनंगरंग उसळतो ।
विखूरले उशीवरी चांदणे अजूनही
नाहूनी प्रीतीत मन मोगराही उमलतो ।
बरसत्या चांदण्यात तारकांच्या मैफिली
रातराणी बहरे, धुंद चाफा दरवळतो |
| लेखनविषय: |
|---|
वाचने
2522
प्रतिक्रिया
7
प्रतिक्रिया
मोहक
मोहक अनंगरंग. :)
क्रान्ति {मी शतजन्मी मीरा!}
www.mauntujhe.blogspot.com
शन्का
रंगती कपोलही
कपोल म्हंजे गाल का? ते लाजुन लाल होतत म्हणुण तुमी अस लिहलय का?
छान.
न्हाउनी प्रीतीत असे पाहिजे का? कविता छान.
कविता आवडली
>> स्पर्श स्पर्श जागवी अनोखीच चेतना
श्वास श्वास धुंद हा तनूवरी विसावतो ।
>> झंकारे देहवीणा तुझीया कवेत रे
रासझूला चांदवा - अनंगरंग उसळतो ।
>> बरसत्या चांदण्यात तारकांच्या मैफिली
रातराणी बहरे, धुंद चाफा दरवळतो |
या ओळी छान जमल्या आहेत.
मोहमयी क्षणांचा रासझुला . . . .
आसं वर्नन करावं वाटतया ह्या कईतेचं.
फारच "अनंगरंगीली " कविता, मनास महिरुन गेली.
मनिषाताई . . . ग्रेट !
झंकारे
झंकारे देहवीणा तुझीया कवेत रे
रासझूला चांदवा - अनंगरंग उसळतो ।
सुरेख!
- (सर्वव्यापी)प्राजु
https://praaju.blogspot.com/
छान कविता
कविता आवडली. वृत्त/मात्रांकडे योग्य लक्ष दिल्यास गेयबाधा जाणवायची नाही, असे वाटते.
(आस्वादक)बेसनलाडू