मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

हाक आभाळाची येता

अनन्त्_यात्री · · जे न देखे रवी...
लेखनविषय:
कविता
काव्यरस
मुक्त कविता
रूटीनाचे गंजलेले यंत्र अखंड घुमते जुन्या व्रणावर रोज नवी जखम करते अनावर भोवंडून शिणलेल्या प्राणासाठी वाटेवरच्या झाडाची साथ वाटे मला मोठी त्याचा मायाळू विस्तार घाले हिरवी फुंकर एक रंगीत पाखरू झुले उंच फांदीवर इवल्याश्या कंठातून काढी तरल लकेरी हाक आभाळाची येता झेपावते दिगंतरी
वाचने 3079 वाचनखूण प्रतिक्रिया 7

Bhakti Mon, 02/01/2021 - 20:51
त्याचा मायाळू विस्तार घाले हिरवी फुंकर एक रंगीत पाखरू झुले उंच फांदीवर .. मस्त रुटीन शब्दाऐवजी दुसरा मराठी शब्द छान वाटेल..रोजचाच ?

ज्ञानोबाचे पैजार Tue, 02/02/2021 - 09:29
रूटीनाचे गंजलेले यंत्र अखंड घुमते कोणते बरे गंजके यंत्र असेल असे जे अखंड घुमत असते? हे समजले की बाकी कविता समजायला कठीण नाही. आवडली, पैजारबुवा,

अनन्त्_यात्री Tue, 02/02/2021 - 11:38
नित्यक्रम कितीही कंटाळवाणा अन् यांत्रिक (गंजलेला व यंत्रवत) असला तरी तो अखंड चालू ठेवावाच लागतो यातून येणार्‍या वैफल्याला रूटीनाचे अखंड गंजके यंत्र ...