Skip to main content

प्राजक्त

लेखक विशाल कुलकर्णी यांनी मंगळवार, 05/04/2016 11:04 या दिवशी प्रकाशित केले.

कसे पारिजातास सांगू सख्यांनो जरा आवरी रे गंधा तुझ्या
सखी मोगरीही धुंदावली बघ विसरून अस्तित्वगंधा तिच्या

नको देखणे ते सडे सोनपुष्पी, नसे रातराणी ध्यानीमनी
प्राजक्त दारी ओघळावा, दरवळ रुजावा मुग्ध मातीतुनी

फुलावे किती सडे मौक्तिकांचे जणू प्रित तुजवर मोगरीची जडे
कधी सांडती आंसवे दोन, पाठी कधी थाप ती कौतुकाची पडे

इथे आज शब्दांत घडे आगळे शिल्प सुखे मोहरे ताज स्वप्नांतला
नसे शाश्वती श्वास कुठवर टिकावा? फुले नित्य प्राजक्त दारातला .

विशाल कुलकर्णी

काव्यरस
मुक्त कविता
लेखनविषय:
वाचने 2693
प्रतिक्रिया 14

प्रतिक्रिया

नाखु मंगळवार, 05/04/2016 11:45

विशाल्याला चोपा रे कूणी तरी !!!

जीवघेण्या कवीता रचून राहलाय !!

मिपावच्या कडक उन्हाळी धाद्यातही झुळकीने हरकलेला नाखु

अमृता_जोशी बुधवार, 06/04/2016 23:25

नको देखणे ते सडे सोनपुष्पी, नसे रातराणी ध्यानीमनी
प्राजक्त दारी ओघळावा, दरवळ रुजावा मुग्ध मातीतुनी

कातिल..

निशदे बुधवार, 06/04/2016 23:49

सुंदर.........
""इथे आज शब्दांत घडे आगळे शिल्प सुखे मोहरे ताज स्वप्नांतला
नसे शाश्वती श्वास कुठवर टिकावा? फुले नित्य प्राजक्त दारातला .
""
इथे कवितेने कळस गाठला.........