अशी बायको असती तर,आम्ही असे झालो नसतो भर तारुण्यात कफनी घालून, रानावनात निघालो नसतो तिची नसती आली कुणालाच सर अशी बायको असती तर पेशवाई गाजवली असती, मिजास मोठीकेली असती, राजबिंडा बनून मिरावलो असतो पर्वतीवर छोटस आमच असत घर अशी बायको असती तर सारसबागेच्या झुडुपांमधे तिला घेऊन बसलो असतो आम्ही सुद्धा छत्रीमागे तुम्हाला कधी दिसलो असतो तळ्यातल्या गणपतीने दिले असते अनेक वर अशी बायको असती तर तुळशीबागेतल्या फेरीवाल्यांनी केला असता सलाम एक ते चार रोज मस्त केला असता आराम दुकानदारानी माझ ऐकून वेळेअगोदर उघडले असते शटर अशी बायको असती तर चितळेबंधुनी होम डिलिव्हरी केली असती माझ्यासाठी रांग सुद्धा थांबवली असती काही नसते बोलले उडवल्यावर पुणेकरांची टर, अशी बायको असती तर शनिवारवाड्यात माझ्यासाठी खास ठेवली असती जागा सर्वाना बोललो असतो सौजन्याने वागा माझी गाडी नसती थांबवली कोणत्याच सिग्नलवर अशी बायको असती तर आता नाशिबाला दोष लावुन काय फायदा केला असता छातीठोकुन एक वायदा झालो असतो मी या जन्मातच पुणेकर अशी बायको असती तर