सांज वेडी रंगताना

सांज वेडी रंगताना याद यावी का तुझी
आस वेडी या मनाची दाट होते त्या क्षणी..।।

राग जुळता या मनाचे दुर होती अंतरे
गीत फुलवी जिवनाचे सुर देती पाखरे
स्वप्न फुलता हे उद्याचे रात वाटे पाहुणी
आस वेडी या मनाची दाट होते त्या क्षणी..।।

चिञ माझे अंतरीचे रंग भरती ही फुले
गंध ओले चंदनाचे अंतरंगी दरवळे
याचवेळी ही अबोली प्रित दाटे या मनी
आस वेडी या मनाची दाट होते त्या क्षणी..।।

सांज वेडी रंगताना याद यावी का तुझी
आस वेडी या मनाची दाट होते त्या क्षणी..।।