Skip to main content

प्रेम करुन करुन दमावं

लेखक चिन्ट् यांनी गुरुवार, 11/06/2015 11:19 या दिवशी प्रकाशित केले.

प्रेम करुन करुन दमावं
असं आमच्या आयुष्यात कधी घडलंच नाही,
आणि तसं काही घडण्यासाठी कधी कोणी आमच्या प्रेमात पडलंच नाही.
प्रेमात होकार मिळवणार्‍याची गावात मोठी वट आहे,
समोरुन जर नकाराचा 'रेड' सिग्नल आला तर लगेचच गावच्या 'मजनु' चा डाग आहे
सैफ च्या म्हातारपणात तरी असं काय रहस्य दडलंय,
त्याला जर करीना पटतेय तर आमचच घोड कुठ अडलंय.
आता तर म्हणे पोरगी कशी पटवावी याचेसुध्दा क्लासेस आहेत,
तरी सुध्दा नकार मिळणार्‍याच्या ओठी तर मद्याचेच चिकटलेले ग्लास आहेत.
आता तर मीही म्हणतो नाही मिळाली प्रेयसी तर नसू दे,
लग्नानंतर येईलच की बायको,
फिर यारो डरना कायको?

-------------------
लेखन संपादित केले आहे

लेखनविषय:
वाचने 3587
प्रतिक्रिया 15

प्रतिक्रिया

गवि गुरुवार, 11/06/2015 12:16

..पहिलीच ओळ काही हर्बल औषधांच्या जाहिरातीत फिट्ट बसावी.
.कॉपीराईट रजिस्टर करुन घेणे.. :)

..हा विनोद झाला..

लिहीत रहा.शुभेच्छा.

चिगो गुरुवार, 11/06/2015 23:54

.पहिलीच ओळ काही हर्बल औषधांच्या जाहिरातीत फिट्ट बसावी.

ROFL =)) साष्टांग दंडवत, गवि..
'आजकल के असंतुष्ट पारीवारीक जीवन का कारण है स्ट्रेस' टाईपातल्या ताकाला जाऊन भांडं लपवणार्‍या जाहिराती आठवल्या..

सतिश गावडे गुरुवार, 11/06/2015 12:59

अगदी असंच काही नाही. मराठी आंतरजाल सर्व प्रकारच्या वयोगटातील, सर्व प्रकारच्या शैक्षणिक थरांतील लोकापर्यंत पोहचलंय याची ही निशाणी आहे.

नाव आडनाव गुरुवार, 11/06/2015 20:36

व्वा !

पहिल्याच लायनीत अख्ख्या कवितेचा अर्थ समजला. एकदम भारी लाईन.

प्रेम करुन करुन दमावं
दमल्यानंतर परत प्रेम करावं.

मला पण जमली कविता !

आदूबाळ गुरुवार, 11/06/2015 22:42

चिन्टभाव, ही कविता तुमच्या आवाजात रेकार्ड करून इथे ऑडियो टाका ना. (नक्की कोणत्या चालीत म्हणायची आहे ते कळेल.)