मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

आज पाहुणे घरात घुसले, तुझ्यामुळे -

विदेश · · जे न देखे रवी...
लेखनविषय:
विडंबन
जीवनमान
राहणी
अर्थव्यवहार
मौजमजा
काव्यरस
करुण
. (चाल: आज चांदणे उन्हांत हसले, तुझ्यामुळे-) आज पाहुणे घरात घुसले, तुझ्यामुळे नात्यातून बघ अंतर पडले, तुझ्यामुळे ... घाव अंतरी बसतच होते घर खरोखर सुखात होते खर्चातून हैराण जाहले, तुझ्यामुळे ... उसनवारीचे द्रव्य जमविले व्याजच होते भारी कसले द्र्व्यास्तव ते सर्व भांडले, तुझ्यामुळे ... उगाच माझी होती दैना खाली पाकिट मार्ग सुचेना वादातून दाताड विचकले, तुझ्यामुळे ... सदनि या जरी होती शांती पाहुणे परंतु येता बोंब ती आज शंख तरि मीच ठोकले, तुझ्यामुळे ... .
वाचने 3177 वाचनखूण प्रतिक्रिया 7

पैसा Sun, 05/11/2014 - 20:45
सासू-सासरे पाहुणे आल्यामुळे झालेली करूण अवस्था छान जमली आहे!

प्रचेतस Mon, 05/12/2014 - 10:22
काही वेळा पाहुण्यांबरोबरच ढेकूणही घरात घुसतात तेव्हा एका ढेकूणजन्य पाव्हण्याला उद्देशून प्रसवलेली ही जिलबी. आज ढेकणे घरात घुसली, तुझ्यामुळे फटीतूनी बघ हळूच शिरली, तुझ्यामुळे.. रात्री येती ते बाहेरी रक्तपिपासू लपती भितरी चाव्यांनी त्या हैराण झालो, तुझ्यामुळे.. रात्रीची ती झोप मोडिली हुळूहुळूनी ती त्वचाच गेली लालेलाल ती त्वरे जाहली, तुझ्यामुळे... उगाच माझी होती दैना सुटकेचा परि मार्ग सुचेना दुकानातूनी मग औषध आणिले, तुझ्यामुळे ....... सदनि या जरी होती शांती ढेकूण येता झाली बोंब ती औषध तरि मी आज मारिले, तुझ्याचमुळे ...

विदेश Tue, 05/13/2014 - 13:03
पैसा, शशिकांत ओक, वेल्लाभट, वल्ली, मदनबाण - मनःपूर्वक आभार सर्वांचे !