पुरे आता, बास । कवितांची रास । किती किती त्रास । कवींचा या । । पाहवेना नेत्री । रात्री अपरात्री । कवितांना कात्री । लागलेली । । पुरे दादागिरी । आता माझी बारी । वदतो अंतरी । विडंबक । । इरसाल स्वारी । बसे खाटेवरी । पुंगी वेळेवरी । वाजवाया । । 'काळा' की 'कावळा' । 'प्रेम' की 'पाचोळा' । भरल्या मी चुळा । कल्पनांच्या । । कवितेचा घास । करुनिया खास । सोडला उपास । लेखनाचा । । ओळींना वळण । शब्दांचे दळण । करितो कांडण । कवितांचे । । शिव्यांचाही भार । घेई शिरावर । खरा गुन्हेगार । कवितेचा । । काय त्या म्हणावं ? देव की मानव । कोणाला कळावं ? माकड ते । । प्रयत्नाच्या अंती । ध्येयाची ती पूर्ती । करा विडंबने । कवी व्हाया । । जाणा एक धर्म । 'केसु' हाच पंथ । । सांगे लाडू आज । सकलांना । । लाडू म्हणे ऐसे । कवींना पिडावे । कोणी न धजावे । लिहावया । । प्रेरणा: प्राजुताईंचा विठू काय सांगतो ते