कृष्ण तो आतला ...

व्वाह!! खुपच सुंदर

प्रपंच देहाचा
उन्मळे रातीला
पावसाची लय
अशी अखंड साथीला.

क्या बात है!!

वेगळाच बाज आहे या लिखाणाला.
उमगल्या सारख वाटल तरी पुन्हा गुढच!

khoopach surekh.. AparNa ji chya pratisadaas sahamat!

कविता आवडली. 'वेगळाच बाज' शी सहमत.

खुप गुढ वाटत आहे. कुणी समजावून सांगेल का?

हे रसग्रहण नाही, पण हि रचना वाचून सुचलेल्या काही ओळी.
प्रत्येक कडव्याला एक धरुन माझ्या ओळी खाली दिल्या आहेत:
------------

रोजचाच त्याने
धावा हा घेतला
गूढ डोहाच्या तळात
उभा अंगार पेटला.

मन पाकोळी पाकोळी, जीव अधीर अधीर
जाळ पेटला अंतर्मनी, घाव बधीर बधीर

युद्धे घमासानी
हळू प्राण हा बेतला
श्वासामागे श्वास
कसा, न कळे रेटला.

सदा संगर चालला, मन सावर सावर
रेटीयला दिस कसा, रात आवर आवर

निसटून गेले, त्याचे
भय ना मातीला
उणे काही नाही
भेद जागत्या वातीला.

वाहत्या मातीला नसे, भय स्थावर स्थावर
संवेदना गोठल्या तरी, लव कातर कातर

प्रपंच देहाचा
उन्मळे रातीला
पावसाची लय
अशी अखंड साथीला.

रानभर झडे, पाऊस गंभीर गंभीर
देहभर थिरकते, आस अस्थिर अस्थिर

अदूर सुदूर
घन कधीचा मातला
झोपाळला आहे
परी कृष्ण तो आतला.

दूरवर क्षितीजाशी, घन विभोर विभोर
परी घनःश्याम झाकोळला, आत तिमीर तिमीर

आता मी वरची कविता सोपी केली आहे कां अजुन कठीण केली ते मात्र मी नाही सांगू शकत. ;)
कवि / कवियत्रीला आवाहन आहे कि त्यांनी यातली माझी समज किती योग्य आहे ते जरुर कळवावे.

आधी थोडसंच समजत होतं... मिकाच्या ओळी वाचल्यावर अजून काहितरी समजलं...
पण...............

अतिवास अन् मिका....दोघांच्याही रचना अप्रतिम.

आता मी वरची कविता सोपी केली आहे कां अजुन कठीण केली ते मात्र मी नाही सांगू शकत

कविता दोघांच्याही आवडल्याच
पण.. सुलभ अर्थ समजला तर बर होईल , डायरेक रसग्रहण का काय ते

पण कवितेचं बर्याच वेळा असं संदर्भासहित स्पष्टीकरण नाही देता येत ,
कविता समजायला अर्थात कवी मन हव.
असो :)

छान...

कविता आवड्ली. तथापी ती 'शांतरस'मध्ये आहे असे वाटत नाही. ती आणि 'एका' रसाच्या थोडी अलीकडील आहे असे म्हटले तर कदाचित त्यावरचा गुढतेचा पडदा पण हटेल.

आतिवास, कविता आवडली.

मिकाची कविताही आवडली. खरं तर कोणत्याही कविताच काय लिखाणाला अनेक अर्थ आणि पदर असू शकतात. अगदी पेपरमधे आलेल्या बातमीचा अर्थ आणि जोर कोणत्या भागावर आहे याबद्दलही मतभिन्नता असू शकते. तेव्हा एकदा लिखाण लिहून प्रसिद्ध केलं की ते संपूर्णपणे वाचकांचं!प्रत्येकाला हवा तो अर्थ घ्यायचं स्वातंत्र्य आहे आणि दर वेळी अर्थ कळलाच पाहिजे असंही नाही!

मला आवडली आतिवासताई... तुमचं नेहमीचं लिखाण साधं-सरळ असतं. हे मधेच वेगळ्याच पद्धतीचं फार आवडलं... :)

कविता बर्‍याच वेळेस वाचली. विशेष काही कळाले नाही. मिका यांच्या अन्वयार्थानेही फारसा प्रकाश पडला नाही.

थोडे थोडे ग्रेससारखे वाटले. अर्थ कळत नसला तरी "काहीतरी वेगळं आहे बॉ" असं वाटायला लावणारं.