घाई...

बोलायला मनातले एस.एम.एस. ची सोय नव्हती रुपया टाकून फोन करु तर गर्दी होती अवती भवती नाक्यावरला वाणी होता दोघांमधला दूत त्याच्या करवी जमवत होतो तुझ्याशी मी सूत वारंवार पावलं तेव्हा दुकानाकडे वळायची मी तेथे आल्याची वार्ता तुला कशी कळायची काहीतरी निमित्त काढून तू ही तिथे यायचीस समोरून येता जाता वळून गोड हसायचीस पुढे एकदा चोरुन चोरुन तयार एक पत्र केले खात्री होती, ओळखशील तू म्हणून नांव नाही लिहिले पत्र द्यायचे धाडस मात्र नाही करता आले मला हळून तो लखोटा मग मी वाण्याच्या हाती दिला वाण्याने ते पत्र दिले गुपचुप तुझ्या हाती नंतर तेव्हापासून वाढत गेले आपल्या दोघांमधले अंतर आता आहेस तू वाण्याच्या दोन मुलांची आई पत्र देण्या उगीच केली त्या वेळी मी घाई