Skip to main content

व्हायब्रेटर रिंगटोन पाठवाना

लेखक पाषाणभेद यांनी मंगळवार, 05/04/2011 23:55 या दिवशी प्रकाशित केले.
व्हायब्रेटर रिंगटोन पाठवाना


मामा अहो मामा,
तुमच्या पोरीला काय समजवाना
फोन केला तर म्हनती,
व्हायब्रेटर रिंगटोन पाठवाना ||धृ||

कालच आणला मोबाईल नवा
मार्केटमधी लई त्याची हवा
वाटतंय तिनं एकदा तो पहावा
पण तिची भेटच होत नाहीना!
फोन केला तर म्हनती
व्हायब्रेटर रिंगटोन पाठवाना ||१||

आता सगळं कसं सांगू तुमाला
मोबाईलचा हायटेक जमाना आला
तिला सारं काही समजते
रोजरोज एसऐमएस पाठवते
पर व्हायब्रेटर ही काही रिंगटोन नाहीना!
फोन केला तर म्हनती
व्हायब्रेटर रिंगटोन पाठवाना ||२||

मी म्हनलं आपण एकदा भेटूका?
मोबाईलचं टेकनीक समजून देवूका?
तुझ्या हातात माझा मोबाईल देतो
एकएक मेनूचा डेमो देतो
पन असली चेष्टा बरी नाहीना!
फोन केला तर म्हनती
व्हायब्रेटर रिंगटोन पाठवाना ||३||

- पाषाणभेद (दगडफोड्या)
०५/०४/२०११

काव्यरस
हास्य
लेखनविषय:
वाचने 3473
प्रतिक्रिया 13

प्रतिक्रिया

परिकथेतील राजकुमार बुधवार, 06/04/2011 16:21

हा हा हा भारी !

साला ह्या पाभेंच्या सगळ्या कवितांची एक पिडिएफ बनवुन शिंदे बंधुंना नेऊन देणार आहे मी :)

धमाल मुलगा बुधवार, 06/04/2011 18:14

हाण्ण तिच्यायला!

पाडव्याच्या म्हुर्ताला तिकडं नारायनगावात फडांची म्हुर्ताची सुपारी निगाली आन हिकडं आमचं शाहीर दन्नादन्ना दनकंबाज लावणी लिव्हायला लागलं नव्हं का?

आनंदयात्री गुरुवार, 07/04/2011 05:09

हाण हाण !!! पराशेटशी सहमत आहे .. विठ्ठल शिंदेंना खंप्लीट कलेक्शन देउयात !!

चामायला देवकाका चाल लाउन द्या हो जरा !!

मदनबाण गुरुवार, 07/04/2011 08:50

ख्या ख्या ख्या...खी खी खी...
दफोरावांनी मोबील चार्ज केलेला दिसतोय यकदम !!! ;)
बाकी या वरुन मला हे खालचं गाणं आठवलं... ;)
https://www.youtube.com/watch?v=2kRanuGMZr0&feature=related

असुर गुरुवार, 07/04/2011 14:19

तुम्हाला समजला का विनोद?
समजला नसेल तर विशेष आश्चर्य नाही.
समजला असं वाटत असेल तर राहूद्या ना तुमच्याकडेच! तुम्ही रसग्रहण करणार का या कवितेचं??
रसग्रहण करणार असाल तर प्रश्नच नाही. येलकम! बिचारे असमंजस मिपाकर ज्ञावृद्धीसाठी तुमचे ऋणीच राहतील.
आणि करणार नसाल तर बाकीच्यांची उगाच काळजी कशाला ?

पाभे, भारी कविता!! :-)

--असुर

प्रकाश घाटपांडे शुक्रवार, 08/04/2011 09:42

लईच भारी हाय ब्वॉ व्हायब्रेटर! कुठ कुठ यीन काय कळानी ब्वॉ!