Skip to main content

कोकणातील पिकनीक स्पॉट हवेत

लेखक टारझन यांनी मंगळवार, 05/04/2011 20:38 या दिवशी प्रकाशित केले.
णमस्कार्स लोक्स , पुण्यापासुन ३०० ते ३५० किलोमिटर च्या रेंज मधे कोकणातले स्पॉट सुचवा. १ रात्री मुक्काम आणि दोन दिवस अशा प्रकारच्या दुचाकी प्रवासाचे प्रयोजन आहे. पिकनिक च्या ठिकाणी वॉटर स्पोर्ट बरोबर शांत आणि मोकळे स्वच्छ समुद्रकिणारे असावेत आणि झक्कास समुद्री जेवण चापता यावं ह्या बरोबर रहाण्याची वगैरे सोय कशी आहे ते सांगावे. डायरेक्ट मोकळ्या हाताने मदत मागतोय असंही नाही. मी उकरुन काढलेली ठिकाणं १. वेळणेश्वर बिच २. अंबोली ३. श्रीवर्धन ४. सिंधुदुर्ग / विजयदुर्ग अगदीच ४०० किमी पर्यंत जाते पण ओक्के .. ह्यांवरही जाणकारांनी प्रकाश टाकल्यास चालेल. माहितीबद्दल आगाऊ धन्यवाद

गुढीपाडवा

लेखक VINODBANKHELE यांनी मंगळवार, 05/04/2011 16:37 या दिवशी प्रकाशित केले.
मंचर मध्ये काल गुढीपाडवा घरोघरी ब्रह्मध्वज अर्थात गुढी उभारून उत्साहात साजरा झाला. हिंदू नववर्षानिमित्त शहरात ठिकठिकाणी काढण्यात आलेल्या स्वागत यात्रांत हजारो आंबेगावकरांनी पारंपरिक वेशभूषेत सहभाग घेत मराठमोळ्या संस्कृतीचे विलोभनीय दर्शन घडविले. शहर भर रस्तोरस्ती भव्य भगवे झेंडे फडकावले होते हिंदू नववर्षारंभानिमित्त बजरंग दल आणि दुर्गावाहिनी तर्फे आज सायंकाळी मारुती मंदिर येथून स्वागतयात्रा काढण्यात आली . स्वागतयात्रांच्या अग्रभागी गुढी व भगवे झेंडेधारी होते.

डीस्काउंट

लेखक विनायक प्रभू यांनी मंगळवार, 05/04/2011 16:32 या दिवशी प्रकाशित केले.
११ वर्षाने भेटतोयस. चल जेवायला नेतो तुला. का पाडव्याचे जेवण घरी चे कंपल्शन? " लग्नाच्या नंतर दोन वर्षात पाडवा हरवला. तो का हरवला ते आजपर्यंत शोधतोय" शोध लागला की सांग हा. माय्ला काही बोल्लो की नावाला जागलच पाहीजे का? ----------------------------------------------------------------------------------------चल एसी त बसु. "नको. महाग असते" मी बील भरतो, काळजी करु नकोस. " उगाच कशाला खर्च"? असु दे. ---------------------------------------------------------------------------------------- काय मागवतोस? "सगळे महाग आहे रे" गप ए. मेनु बघ आणि ऑर्डर दे. " तुला आठवते कारे?

जा हसत दूर जा

लेखक गणेशा यांनी मंगळवार, 05/04/2011 15:16 या दिवशी प्रकाशित केले.
जा हसत दूर जा आसवांची अखंड धार नको आशेचा एक आणखीन नविन किरण नको जा हसत दूर जा त्रासलेला तुझा होकार नको घाव घातलेल्या ओंडक्यासम ह्रदयावर प्रेमाचा पुन्हा नवा अंकुर नको जा हसत दूर जा सोडणार्‍या साथीचा आधार नको परत परतण्याचा विचार नको ह्रदयावर नवीन वार नको जा हसत दूर जा मनाशी आता कुठला ही धागा नको तुटणार्‍या या नात्याला आशेचा आणखीन एक बंध नको जा हसत दूर जा आसवांची अखंड धार नको आशेचा एक आणखीन नविन किरण नको ---- शब्दमेघ

एक त्रागा सुनेचा

लेखक विदेश यांनी मंगळवार, 05/04/2011 13:29 या दिवशी प्रकाशित केले.
(चाल : एक धागा सुखाचा -) एक त्रागा सुनेचा , शंभर त्रागे सासूचे - घरोघरी हे चित्र माणसा , तुझिया संसाराचे ! तू असशी जरी कर्ता तगडा , सासू सुनेचा बघशी झगडा - सुटकेसाठी करशी नाटक - तूच आजारांचे ! उचलबांगडी बालपणाची , धुळीत स्वप्ने तारुण्याची - जीर्ण माय मग उरे शेवटी - अजीर्ण अर्धांगीचे ! सासू सुनातें बघतो कोणी , एक सारखी बसती फुगोनी - कुणा न दिसले , भांडणात त्या - हाल बिचाऱ्याचे !
काव्यरस
करुण

प्लान! ... एक गूढकथा ...

लेखक विनीत संखे यांनी मंगळवार, 05/04/2011 12:18 या दिवशी प्रकाशित केले.
"थेरडे! थेरडे सोड तिला. अगं दम काढशील तिचा. मरेल ती. सोड! सोड म्हणतेय ना मी.", हवालदारीण मंजुळाला पकडून खेचत होती. पण आज मंजुळा दोन पोलिसांना ऎकत नव्हती, एवढी तिच्या हाती ताकद आली होती. सवित्रीला जाऊ द्यायचेच नाही असे तिने ठरवलेले. आज शनिवारची नामी संधी मिळाली होती तिला. कपड्यावरचे डाग नीट धुतले गेले नाहीत म्हणून सकाळी सावित्री आली अन तिने मंजुळाशी वाद घातला. मंजुळानेच साऱ्याजणींचे कपडे धुतले होते. सावित्रिचे मात्र मळलेले होते. मग काय दोन रान मांजरी भिडल्या. आपल्या बापाचं ज्यांनी कधी ऎकलं नाही त्या एकमेकींचं काय ऎकून घेतील? झालं मग द्वंद्व.
Subscribe to