ओळींमधलं....मधलंही वाचता आलं पाहिजे बोलणं अन अबोलणंही...ऐकता आलं पाहिजे मौनं सर्वार्थसाधनं की स्वार्थसाधनं..जोखता आलं पाहिजे खरं तर "अंतर"च वाचता आलं पाहिजे वळू पाहणार्‍या पावलाला थांबता आलं पाहिजे पण थांबू पाहणार्‍या पावलालाही चालता आलं पाहिजे मोहाच्या नशेत झुलतानाही जागता आलं पाहिजे खरं तर "अंतर"च वाचता आलं पाहिजे आसुसल्या मनालाही वाट पहाता आलं पाहिजे अजाणत्या वेडेपणातही भान राखता आलं पाहिजे व्यक्तापेक्षा अव्यक्तच समजून घेता आलं पाहिजे खरं तर "अंतर"च वाचता आलं पाहिजे

संदीप खरे यांच्या 'मी मोर्चा नेला नाही' ह्या कवितेतुन प्रेरणा घेत आमचाही १ 'सुमार' प्रयत्न...... (संदीप खरे यांची माफी मागुन) मी दारु प्याली नाही...मी सिगारेट ओढली नाही मी सुपारीसुद्धा साधी कधी खाल्लेली नाही भवताली पार्ट्या चाले, त्या विस्फारुन बघताना कुणी ग्लासातुन पिताना, कुणी बाटलीतुन पिताना मी वेटर बनुनी शिरलो, डिस्कोच्या बाजुस जेव्हा मला ऑर्डर द्यायलादेखील, कुणी बोलावले नाही चेन स्मोकर मी झालो, चावल्या नुसत्याच काड्या पावसात बेवडा झालो, थंडीत फुकल्या विड्या पण खिशातुन कुठलीही पैशाची आवक नाही कुणी मार आवरला नाही, कधी लॉटरी लागली नाही मळलेला पारोसा सदरा, फाटलेली एकच चड्डी गळ्यात अडकवु