वेबसिरीज च्या दुनियेत हल्ली सेक्स आणि शिव्या ह्यांचा सुकाळ झाला असला तरी अनेक वेळा थक्क करून सोडणाऱ्या सिरीज सुद्धा येत असतात. अफसोस माझ्या मते खूपच उच्च दर्जाची कलाकृती आहे. अफसोस मध्ये काहींचं उणिवा नाहीत असे नाही पण माझ्या मते भविष्यांत भारतीय कलाकार काय काय जबरदस्त कथानके आणणार आहेत त्याचा एक डेमो म्हणून हि सिरीज पाहावी. अफसोस ची कथा खूपच वेगवान आहे. नकुल ह्या युवकाची जिंदगी अगदीच खराब आहे. ह्याने ११ वेळा आत्महत्या केली पण प्रत्येक वेळी ह्याला कुणी ना कुणी वाचवले आणि वाचविण्याच्या नादांत ह्याचा जीव गेला. हा माणूस इतका दुर्दैवी आहे के ह्याने रेल्वे ट्रॅक वर झोपल्यास सुद्धा हा मरत नाही.