नमस्कार मंडळी तात्याच्या हाटेलात वेगवेगळ्या बल्लवाचार्यांचे वेगवेगळे शाकाहरी व मांसाहारी पदार्थ खाल्याने माझे पोट आनंदाने बहरले(फुगले,तटतटले). हा बहर काही केल्या ओसरेचना.

खान्देशात थंडी म्हटली कि चंगळ असते. येणाऱ्या कडक उन्हाळ्यासाठी शरीराला तयार करायला वेग वेगळे पौष्टिक पदार्थ जसे शुद्ध तुपातले मेथीचे लाडू ,डिंकाचे लाडू ,सुक्या मेव्याचे लाडू आजही घरोघरी बनवले जातात. हाताचे न राखून पाहुणचाराला सुद्धा ह्या गोष्टी दिल्या जातात. तसाच एक पौष्टिक पण बनण्यास सोप्पा पदार्थ इथे देत आहे .. बदाम बर्फी साहित्य :- एक कप बदाम, १/२ कप दुध , एक कप साखर, दोन चमचे साजूक तूप, १/२ चमचा वेलदोडा पूड कृती :- बदाम कोमट पाण्यात १०-१५ मिनिट भिजत घाला. मग बदामाची सालपटे कडून टाका. बरोबर अर्धा कप दुध आणि बदाम, साखर व वेलदोडा पूड ग्रैंड करा. मस्त बारीक पेष्ट झाली पाहिजे.